مساعدة بخصوص مادة البحث

[خيااال جووووري]

السلام عليكم شباب وصبايا

ابغى مساعدتكم في مادة البحث والتدريب (خدمات صحية)

تنصحوني بمين من الدكاترة الأفضل ميييييييين من حيث الدرجات وكل شي

ياليت اي مين عنده اي معلومه لايبخل بيها عليا


وتشكراااات مقدماً

[شيماء الرياض]

نعم وانا معك ابي وأعرف متى اسدد بالضبط وكيف اختار الدكتور وكيف نظام الشعب والمجموعات وكيف اعرف شعبة الدكتور نفسه لاني ابي اسدد هالاسبوع مع بداية الدراسه عشان نلحق على الطيبين ( راحوا الطيبين ).

[أبو غرام]

أنا أخذت عند الدكتور فلمبان وطلب منا طلبات شهاده دكتوراه ترجمه وبحت يعني تعب شوي وأخذت عنده 75درجه ,,,,,,,,,,,, وانتو على راحتكم


بالتوفيق ان شاء الله ,,,,, واللي يبي البحث حقي أنا مستعد

[زلزاااال]

يا شباب انا اخذت الماده عند شمسان والنتيجه 70
خيب ظني فيه (راحو الطيبين)

[شيماء الرياض]

المشاركة الأصلية كتبت بواسطة أبو غرام أنا أخذت عند الدكتور فلمبان وطلب منا طلبات شهاده دكتوراه ترجمه وبحت يعني تعب شوي وأخذت عنده 75درجه ,,,,,,,,,,,, وانتو على راحتكم بالتوفيق ان شاء الله ,,,,, واللي يبي البحث حقي أنا مستعد

اخوي ياليت تعلمنا اشلون نختار دكتور وكيف نعرف الموجودين وكيف نختار شعبهم ؟

[أبو غرام]

اختيار الدكتور يكون عن طريق تحديد الشعبه برمز الماده ورقمها تقوم انت بإختيار الدكتور الذي يظهر اسمه امام اسم الماده ويظهر عدد الطلاب الموجودون في الشعبه ,,,,,, ياليت وصلت المعلومه

تحياتي لك .

[مساعد99]

ماده البحث صعب الاختيار فيها والي ناوي ينزلها الترم هذا لازم يسدد بدري

طبعا عشان تفتح الشعب وتكون سهل عليك الاختيار ولاتجبر علي دكتور في حد ذاته

راح تطلع الشعب وتختار عشوائي بدون لاتظر اسماء الدكاتره طبعا الاسماء لاتظهر سواء

يجب عليك المتابعه يوميا مرتين ثلاث واذا اتضح لك ان الشعبه الي انت فيها منو دكتورها ولاتبيه

روح سجل بالشعبه الفاضيه لين يتضح لك اسم الدكتور

انا سويتها ونجحت والكثير من الزملاء ... وان شاء الله يمشي الحال

والطريقه الثانيه تروح للدكتور نفسه وتسجل عنده مع تنسيق مع الشؤون التعليميه

( نصيحه للخريج لاتغير الدكتور الا اذا رحت شعبه فاضيه وسجلت فيها )

عشان يمكن تقفل الشغب ولايصير لك مكان ويمكن تتاخر ترم اضافي عشان مادة البحث


انا جربت الادريسي وطلع جيد جدا مرتفع بماده البحث


بالتوفيق للجميع

[خيااال جووووري]

الأخوان زلزال وابو غرام واخت شيماء مشكورين ع الردود


رااااااحو الطيبين

اخوي مساعد 99 انا خريجه ان شاءالله يعني اشوف الشعب المتوفرة واسجل عند اي شعبه

طيب متى تظهر اسماء الدكاترة

يعني اختياري حيكون عشوائي؟؟؟

عادي اقدر اختار دكتور ولا ضروري دكتورة

الإدريسي طلب منكم بحث؟؟

اخوي اذا مافيها كلفه اي معلومه عندك ساعدني بيها

عسى ربي مايخليني منكم

[محمد الدوسي]

الاخ العزيز والغالي مساعــد وفقك الله على ردك المفصل للسؤال والله ينور دربكـ لي تواصل معكـ في القريب العاجل . لكـ ودي

[شيماء الرياض]

المشاركة الأصلية كتبت بواسطة أبو غرام اختيار الدكتور يكون عن طريق تحديد الشعبه برمز الماده ورقمها تقوم انت بإختيار الدكتور الذي يظهر اسمه امام اسم الماده ويظهر عدد الطلاب الموجودون في الشعبه ,,,,,, ياليت وصلت المعلومه تحياتي لك .

الف شكر نعم وصلت المعلومه طبعاً خريج عشان كذا راح أغامر وأشوف والله ما يمديها ترم إضافي الله ييسر
راحوا الطيبين