بخصوص الحذف والاضافه

[الفَرس]

المشاركة الأصلية كتبت بواسطة طموحها طب يب الفيصليه ../ امآآ عاد يعني الفرع هو البروبلم م اعتقد

هوا دا الواقع .. بس اكيد حينزلولكم جداول يمكن يتاخرو لكن ان شالله تنزل دي اليومين واذا ماسار شئ روحي الجامعة اول يوم واسالي الشؤون

[طموحها طب]

المشكلة مو عارفه حتى الاساتذه الكويسين انقي الاسم اللي يعجبني ../ خخخخخ وربي هلوست

[طموحها طب]

آآناا حاروح بكرا الجامعةة واشوف هرجتهم م اقدر اصبر الين السبت ..

[مستجدة2]

الفرس كيف اضفتي الاحصاء والثقافة بالله اكتبيلي البيانات اللي ادخلتيها قصدي الرمز والرقم المرجعي والوحدات وكل شي عبيتيه في الخانات لما ضفتي هالمادتين الله يخليك لانو كل مااعمل بحث عنهم يقولي"

لم يتم العثور على فصول تتوافق مع معايير البحث المحددة" ماني عارفة الخطا مني في الخانات او فيه شي ناقص ماادري
بالله ساعدوني انا مو راضي يطلعلي الصفحة حقة الاضافة ابدا ابدا بس ابغا ارتاح واضيف هالمادتين اول شي وبعدين ازبط اوقات المواد الثانية ارجوووووووووووووووكم

[الفَرس]

المشاركة الأصلية كتبت بواسطة مستجدة2 الفرس كيف اضفتي الاحصاء والثقافة بالله اكتبيلي البيانات اللي ادخلتيها قصدي الرمز والرقم المرجعي والوحدات وكل شي عبيتيه في الخانات لما ضفتي هالمادتين الله يخليك لانو كل مااعمل بحث عنهم يقولي" لم يتم العثور على فصول تتوافق مع معايير البحث المحددة" ماني عارفة الخطا مني في الخانات او فيه شي ناقص ماادري بالله ساعدوني انا مو راضي يطلعلي الصفحة حقة الاضافة ابدا ابدا بس ابغا ارتاح واضيف هالمادتين اول شي وبعدين ازبط اوقات المواد الثانية ارجوووووووووووووووكم

اول شي لما اتضيفيها ممكن يكون في تعارض في الاوقات مع المواد التانيه فيحتاج انك ترتبي جدولك كله من جديد .. طريقة الاضافه من الطالب ~ التسجيل ~ البحث عن شعب دراسية ~ اختاري رمز الماده زي ماكتبتها طموحها طب واختاري الفرع الي انتي فيه بس والباقي سيبيه واكتبي بحث ان شالله يطلع لك

[طموحها طب]

بنآآآت هوو يعني عادي تنضاف لياا مادتين واناا ع الاودس من بعد المغرب الين دحين ../

والمواد التانية ايش هرجتها السبت اروح وتنضاف ؟؟ في ااحد ززي ببس عشان اتطمن

[طموحها طب]

مستجدة دي المواد ورموزها ../

برمجة 202 cpcs

حوسبة cpit 201

اساليب الكتابة التعليمية cpit 221

نظرية الاحتمآلآت stat 210

ثقافةة isis 101

[Rafo0ofh]

السلام عليكم
طبعا اللي فهمتوا منكم انكم مستجدين
فحبيت افيدكم بما اني مستوى خامس
لما كنت مستوى تالت زيكم في البدايه كدا حست في المواد
ويوم السبت اول يوم دام رحت لقيتهم حاطين سته جداول ثابته كل وحده تختار واحد منهم
وهما يضيفولها الشعب سب الجدول اللي اختارته
فاتوقع انتوا كمان دحين نفس الشي
فانصحكم يوم السبت تروحوا وتتأكدوا
لان اذا زي ما باقولكم معناته كل اللي ضفتوه بيكون غلط
لان مثلا لو البرمجه شعبة ba لازم اساليب شعبة aa حسب خطتهم هما
ما ينفع برمجه ba مع اساليب fa
طبعا هادا كله على سبيل المثال والافاده
والله يوفقكم وينجحكم

[Rafo0ofh]

وكمان معليش حبيت افيدكم بالنسبه للأساتذه
استاذه سمر بابروك مرره طيييبه ومرره حبوبه و اسلوبها في التعامل مرره راقي وحتى د غاده الدباغ لو انها بتعطي الماده
دكتوره غاده تعاملها راقي ومن ارقى الاستاذات اللي قابلتهم
لكن استاذه سمر شرحها وايصالها للموضوع مرره احسن

[الفَرس]

المشاركة الأصلية كتبت بواسطة rafo0ofh وكمان معليش حبيت افيدكم بالنسبه للأساتذه استاذه سمر بابروك مرره طيييبه ومرره حبوبه و اسلوبها في التعامل مرره راقي وحتى د غاده الدباغ لو انها بتعطي الماده دكتوره غاده تعاملها راقي ومن ارقى الاستاذات اللي قابلتهم لكن استاذه سمر شرحها وايصالها للموضوع مرره احسن

ششكرا يا عسل :9