استفسار بخصوص الجدول

[هـــــاوي]

مراحب .. آسف تأخرت عليك تعرف اليوم جمعة ما احد فاضي للنت ..

مواد التخصص هي المواد اللي تبدا بـ com

انصحك تسوي جدولك كذا

1- اعلام دولي com307 الدكتور فيصل ادريس
دكتور فوق الممتاز واسئلته مباشره وسهلة . يعتمد على ملخص.

2- مناهج البحث com311 الدكتور احمد اليوسف
دكتور فوق الممتاز واسئلته مباشرة وسهلة . مايعتمد على الملخصات الكتاب كامل او يحذف بعض الفصول نادرا .

3- التقنية في العلاقات العامة com371 الدكتور احمد الغامدي
فوق الممتاز واسئلته مباشرة وسهلة . يعتمد على ملخص.

4- قضايا اعلامية معاصرة com308 الدكتور علاء طلعت
المادة سهلة , والاسئله معقدة بس الدكتور يعتمد على ملخص .

5- الراي العام com204 الدكتور رائد العطار
المادة سهلة , والاسئله معقدة بس يحذف لك من المنهج .
( مادرست عنده بس الترم اللي فات صعب الاسئلة على كلام الطلاب )

6- اسس علاقات عامه com360 الدكتور شارع البقمي
راح تسمع كثير ان الدكتور طيب بس انتبه , اسئلته لك عليها ويعتمد على مذكرات مصورة من الكتاب .
( بس ضروري تنزل هذي المادة لانها متطلب لمواد كثيرة في الاترام القادمة )

....

ملاحظة :

1- اي مادة عند الدكتور احمد الغامدي نزلها ولا تفكر , فيه مادتين بس محتاج لها متطلبات هي
( com473 - com465 ) جرب يمكن تنزل معك .

2- فيه مادة انتاج المواد الاعلامية com370 فرصة عند الدكتور محمد عويس ,
المادة معقدة بس الدكتور محمد اسئلته واضحة وسهله . ( لها متطلب com360 )

3- لاتنزل اي مادة حرة او مادة عامة الحين ركز على مواد التخصص لانها سهله وتعطيك دافع انك تذاكر
وتقدر ترفع فيها المعدل .


اي سؤال انا حاضر اسأل اللي تبي .. واعذرني على القصور ..

وبالتوفيق