عيب والله عيب ياجامعة الملك عبدالعزيز بنات كلنا واحد ضد القرارت الجديده

[فلوونا]

حبايبي كل وحده لها ظروفهآ الخاصه وانا مقدره وضعها
بس انا متأكده القرار هذا ماصدر إلا عن صواب مقنع
الجامعه صدرت هذا الأمر وماهي ملزومه تبرر أو توضح
لان إحنا طالبات ومالنا أي أحقيه نتدخل بمثل هذي الانظمه
وبالنسبه للأخلاق ماظلم احد أخلاقهم حلوه من يوم مادخلت الجامعه

[Sumaiah.A.B]

اول شي احنا في سن كل وحده تعرف الصح من الغلط ماتقدري تجبري اي وحده على اي شي والي بتسوي الغلط عارفه انو غلط مو احنا او الجامعه هيا الي تحكمنا ع الغلط او الصح احنا مو في مدرسه عشان يسير الكلام دا كلو انا ضد انو البوابه تفتح 10 معنو انا مستحيل اخرج قبل 10 بس مهما كان مننا كتير متزوجات وعندهم اطفال فبيوتهم واطفالهم اهم انهم يجلسو معاهم ولا يقضو ساعه فاضيين كدا

تاني شي هدي مو مشكله كبيره عشان نفتح نقاش عشانها نقدر نرفع طلب ونرفض القرار بس احنا ماعندنا غير اللت والعجن مانعرف نفتح لساننا ونتكلم ونرفض معنو من حقنا الشي ده كطالبات جامعيات في مصايب بتسير في الجامعه وهيا الي من جد يبغالها نقاشاااااااات ولازم ينعملها حد مثلا زي البويات زي بعض الاستاذات الي شغالين يرسبو في البنات بدون اي سبب او طردنا من المباني وتكدسنا في مكان واحد هدي هيا الي من مجد يبغالها نقاشات ولازم يشوفولها حل لانو بجد اغلب طالبات الجامعه بيتخرجو وعندهم حرمان في كذا ماده وهما ما بيستحقو الحرمان الشي دا لازم يتوقف وكل استاذه تتردع وبليز لازم نفوق ترى احنا من حقنا نرفع شكوى ع الاستاذات نبطل الخوف الي فينا مح ياكلونا ترى

هدي وجهة نظري

[وسام الامان]

سمية عليك نوووووووووور طيب مو مشكلة لكن فين الجهة هذه اللي تشتكيها وترفعي عندها طلب وقرار ؟؟؟؟؟؟
والله انا بالنسبة لي وكثيرات زي ماعليا ارفع طلب بس فين؟ يدوب اذا رحت كلمت ادارة الامن اللي اقرب شي تقدري تكلميهم يقولو لك احنا مالنا شغل هذا من الجهات العليا ,طب العليا هذه فييييييييييييين ؟عل الاقل نفهم وجهة نظرهم من القرارات حقتهم هذه
لا إله إلا الله محمد رسول الله

الى الله المشتكى

[واقعيه]

المشاركة الأصلية كتبت بواسطة •♥fŗŌồtą اذا يبغونا نسكت يمسكون الاولاد مثلنا ويقفلون عليهم بسور حتى هم يطلعو يغازلو ويديتو حلال عليهم يعني :( ،، من بداية الترم ذا احسن نفسي ادخل سجن كل ما دخلتي الجامعه تفتيش والامن عند البوابه وعشرين حرمه من الشؤون حشا شايله اسلحه يقرفون الواحد وربي

ضحتيني الله يسعدك هههههههه


عنجد الانتساب مضطهدات كأنو معانا اسلحة دمار شامل وحندمر الجامعه ولا وباء سين وجيم ومصخره لين يدخلونك ولو رحتي من بوابة انتظام يرجعوكي وسط هالشموس
وعنجد خياسة نفس مدري على ايش فعلا سخخخافه
والي تبغا تخرج وتروح اسواق ولا اي مكان مافرق معاها الوقت
جامعه نظامها غبي
موضوعك ع الجرررررررح الله يخلصنا منها على هير يارب