استفسار عن Che210 و Ce201

[Eng.Ashraf]

استاتيك Ce201 / ماده حلوة و ممتعه و فيها ثلاثه اختبارات ميجر يعني يمديك تجمع درجات و كتابها حلو.

بس مشكلتها في اختباراتها وانتا تحل انه كل شئ معتمد على اللي قبله يعني اي غلط في بدايات الحل حتى لو بسيط ينزل درجه السؤال و ينزلك تحت و ما تتخيل قد ايش الاغلاط سخيفه و تافهه بس هيا اللي نقصتني في الميجرات .. التصحيح مشترك بين كل الدكاتره يعني مو كل دكتور يصحح لشعبته

فيه دكتورين في الترم دا / 1- باسلامه و 2- دكتور اردني اسمه مظهر طعامنه
باسلامه افضل و ما يدقق في الحضور و متفاهم مع الطلاب . مظهر ما انصحك فيه بس لو رحت عنده عادي مهو ذيك المشكله .و اتوقع باسلامه ما حياخذها الترم الجاي لأنهم طلبوه في مشروع توسعه الحرم ..


بالنسبه لعلم المواد Che210 مادة كيميائيه بحته .. وهذا اكثر شئ مضايقني لأني ميكانيكي و لازم انزلها عندي في الخطة .. هيا بشكل عام فيها كلام كثييييير و معلومات كثير لكن الدكتور الهندي : سميع الله .. مسهلنا موضوع الاختبارات و يجيبلنا من مسائل موجوده في السلايدات حقته (بالارقام) و الوضع ماشي تمام عشانه يسوي كذا .. اما انك تذاكر من الكتاب ( اللي ما تحصله الا مصوّر و مو واضح و كتاب قديييم كمان ) فحتتعب كثيير . في دكتور ثاني مصري نسيت اسمه شديد و الطلاب يحذرو منه


بالتوفيق لــك