مهم جداجدا

[zeeko]

المشاركة الأصلية كتبت بواسطة صالح الغروي كثير ما نسمع الدوله ظالمين كم ما فيه رواتب ومدري ايش أش رأيك في الموضوع هذا من تعرف من المهندسين الي نجحو وين وصلو

السلام عليكم
اخي انا من خريجي 2007 هندسة مدنية.

في القطاع الحكومي. الرواتب متدنيه. و هناك مطالبات من زمن بعيد بوضع كادر للمهندسين. على سبيل المثال . مدرس حديث التخرج ياخد اكثر منك. مع احترامي لمهنة التدريس العظيمة.

في القطاع الخاص. المهندس السعودي خلال اول سنين عمله(( محارب )). بعض المهندسين خاضوا الحرب بكل قوة و تعبو على نفسهم كثير. و لكن بعد 3 او 5 سنين و بعد ما كون الخبره الكافية صار عليه طلب.

البعض توظف في القطاع الخاص و لكن لم يخض الحرب بل استسلم. فتجده يوقع حضوره و يمشي . تقله ليش ؟ يقلك ((مستقعدنلي الاجانب)) . و هذا في نظري استسلام. يبغالك تجتهد و ترجع تطور نفسط الى ان تثبت وجودك.

في القطاع الخاص لا تنتظر احد يعلمك الشغل. الكثير للاسف يخاف يعلمك عشان لا تاخذ محله. و بعضنا كان يفكر ان الشركه راح تعلمه. أخرطي. موظفينك عشان السعوده و بس. يبيلك تثبتلهم انك كفئ و ذلك بان تعلم نفسك.

باختصار. ايام الباكلوريس كنا نذاكر عشان ننجح. بعد البكلوريس صرنا نذاكر و نطور نفسنا حتى نثبت وجودنا. راح تتعب في البداية . و لكن اذا دخلت الهندسة و انت عشقان. فراح تنبسط.

تمنياتي لكم بالتوفيق