ساعدوني بهذه المواد الله يسعدكم

[السواط]

بسم الله الرحمن الرحيم

السلام عليكم ورحمة الله وبركاته


انا نزلت في جدولي هذي المواد

ديناميكا حرارية 221
فيزياء حديثة 241
الطرق النظرية 251
ميكانيكا تقليدية 252

بس الي عندو معلومات عن دي المواد الي في الجدول او درسها ياليت يفيدني سهلة او صعبة لأني خايف انها كلها تكون دسمة ومعدلي مررةة نااازل ..

وحاب استفسر عن مادة ضوء ومادة دوائر الكترونية 1 سهلة او صعة يعني احذف مادة من الجدول واضيفها

وبخصوص المواد الاختيارية هل اقدر اخذها دحين ولا بعد المقررات الاجبارية معدل الساعات عندي 56..

الله يسعدكم ويحقق امانيكم الي عنده اي معلومة لايبخل عليا ..
وجزاااكم الله كل خير

[picasso]

^
شوف يا صديقي انت تراكم المواد الصعبة كلها مع بعض ><
يعني انت اخذت المواد العامه والحره ولا مو !
من ناحية السهولة والصعوبة ، من وجهة نظري كل المواد صعبة
لكن تتفاوت بالاجتهاد والحضور الدائم بالكلاس له اهمية كبيره بالفهم
من ناحية المواد الاختيارية تقدر تاخذها باي ترم وفي مقرر تطبيقات
حاسوبية من اجمل واسهل المواد الاختيارية ..

نرجع لجدولك ، الميكانيكا مو بسهلة وكذلك الطرق النظرية من 4 ساعات
لو اخذت درجة ضعيفه فيها ممكن تنزل معدلك ولو اخذت درجة ممتازه
راح ترفعك ، الفيزياء الحديثة انا ما درست عند الدكتور الي بهذا الترم لكن
بشكل عام متوسطة ، الديناميكا الحرارية سهله اذا اجتهد فيهاا وهي سهله تعتبر
مع وجود الميكانيكا والطرق النظرية . الضوء والدوائر ما عندي خلفيه عنهاا
لكن سمعت انها سهلة ..

اذا حاب تاخذ مادة اختيارية احذف الطرق النظرية وخذها بالترم الصيفي
وزي ما قلت تطبيقات حاسوبية سهله جدا ..

اذا حاب تاخذ درجات مرتفعه ! احضر كل يوم واكتب كل شي بالسبورة
وحاول تفهم ، لو ما قدرت تفهم احفظ الدفتر ><

[السواط]

الله يحفظك و يوفقك دنيا و اخرة اخوي بيكااسوو ..

خلاص قررت اخذ مادة اختيارية تطبيقات حاسوبية واحذف الطرق النظرية


ياااليت الي يعرف اي شى عن مادة ضوء يفيدني لأني ممكن اضيفها بدل الحديثة

[picasso]

^
الضوء متطلبهاا الحديثة ، لازم تاخذ الحديثة بالاول !

[السواط]

لا عايدي يمشونك فيها مو لازم المتطلب اعرف واحد في الشئون قلي اختار الي المادة الي تبي ..

[picasso]

على فكره الديناميكا الحرارية عند السيد صبغت الله سهلة
يعطي مع نهاية كل شابتر هوم ورك وعليهاا عشر درجات
وطريقة اسئلته كذا ^^
الدوري الاول :
اختبار عليه 15 درجة من الهوم ورك يجيب الاسئلة بالنص (مسائل)
وكويز عليه 10 درجات من الدفتر على شكل اختيارات او فراغات (وحدات ، قوانين ، تعريفات الخ..)
الدوري الثاني نفس طريقة الدوري الاول ..
الاختبار النهائي 40 درجة معظمهاا اثباتات يعني حاول تجيب درجه حلوه بالدوري الاول والثاني

وموفق باذن الله ..

[brens al7ob]

الله يعطيك العافية مستر picasso واشكرك على تواجدك الدايم انا نزلت نفس جدول السواط بس زودت مادتين عامة و اجلت الديناميكا للترم الصيفي. الدكتور السيد يعطي المادة في الصيف؟

[picasso]

^
اهلا فيك يا صاحبي ^^
ماعندي خلفية اذا راح يدرسهاا بصيفي اول لا ، لكن السيد صبغت الله هو الي ماسك المادة ..
السنة الماضية بالترم الصيفي درسهاا الدكتور محمد حافظ وهو من طبعه متساهل مع الطلاب
بالديناميكا الحرارية طلب من الطلاب يطبعوا بحث من النت وحدد لهم من البحث للاختبار النهائي
ما كان يحضر ولا كان يعطي محاضرات :)

[السواط]

يعطيك الف عافية اخوي