استفسارر وياريت م تبخلون علينا بالرد :)

[تووتي فرووتي]

مسسساء الخير ي سكاكرر ..

اممم ابغي من اللي اخذوو هالمواد يقولون لي كيف هي سهلةة ولا صعبةة لاني بإذن الله بنزل منهااا 6 مواد :-

1- تنمية موارد بشريةة ..
... 2- تطوير تنظيمي ..
3- سياسةة عامةة وصناعةة قرار ..
4- اساليب وطرق عمل ..
5- التخطيط الاستراتيجي ..
6- موازنةة وماليةة عامةة ..
7- نظم معلومات إداريةة ..
8- بحوث العمليات ..

وايش رايكم ايش فيهم مستحيل ينجمعون مع بعض !!!

[Diana]

1- تنمية موارد بشريةة .. مرة دسمة المادة وماحبيتها اخدتها مع ريم مشاط
2- تطوير تنظيمي .. المادة مرة سهلة اخدتها مع نسرين خياط
3- سياسةة عامةة وصناعةة قرار .. مع خديجة الحربي سهلة برضو
4- اساليب وطرق عمل .. سهلة اخدتها مع سناء باناجه بس اسئلتها فيها لف ودوران
5- التخطيط الاستراتيجي .. سهللة المادة اخدتها مع عنود زي العسل
6- موازنةة وماليةة عامةة .. ممعلوماتها كتيرة اخدتها مع بدرية الجهني مرة كويسة طبعا

الباقي باخدها دا الترم ان شاءالله

بنظري ابدن لا تاخدي موازنة مع تنمية لانهم مررة دسمين خدي وحدة فيهم

يعني خلي جدولك كد

تخطيط استراتيجي
تطوير تنظيمي
موازنة ومالية عامة
اساليب وطرق عمل
سياسة عامة وصناعة قرار

واي مادة غير تنمية موارد بشرية

[تووتي فرووتي]

ربي يسسسعدكك حبيبتي ♥



مو معقولين انتووو 58 مشاهده رد 1 *-*
م ينقص 10 كيلوو لو ساعدتوني :'(

[أبو نعيم]

تطوير تنظيمي و اساليب وطرق العمل نصيحة فصلها عن بعض لتشابه مواضيع بها
بخصوص تطوير تنظيمي إذا فكرت تاخذيه ركزي عليه من الآن وأستوعيبيه بشكل ممتاز لمساعدتك في اساليب وطرق العمل
والتنميه البشرية أحسن ما سويتي ماده تحسي كل البشر فيها ولازم تعرفي أساميهم وعنوانيهم وأرقامهم مادة الله يعينك عليها ويوفقك ولو أخذتيها لازم تذاكريها قبل الإمتحان بوقت كافي كافي كافي كافي ( كل كافي بأسبوع ) يعني قولي شهر

وفقنا الله جميعا

أبو نعيم

[فراشة جدة]

تنمية موارد بشريةة <<< طووويلة ودسمة بس اهون من نظم معلومات انا اخدتها عند امل تركستاني مرره كوويسة ..
... 2- تطوير تنظيمي <<< المادة هادي وسط يبغالها تركيز لاتستخفي فيها والاسئلة بتجي دقيقة في الاختبار ..
3- سياسةة عامةة وصناعةة قرار <<< حلوة لها ملخص انا سويته شفيه في قسم الملخصات عند خديجة الحربي واسئلتها سهلة وماخرجت عن الملخص ..
4- اساليب وطرق عمل >>>> المادة هادي تافه :( بس الاستاذة سناء صعبتها بالاسئلة اذا بتاخديها خديها عند وحدة غير سناء ..
5- التخطيط الاستراتيجي << وسط لا صعبة ولا سهلة انا اخدتها عن سلوى والاسئلة جت سهلة مرره بس المادة نفسها مو سهلة واظن دحين تعطيها العنود والمذاكرة من مذاكرة خاصة فيها ..
6- موازنةة وماليةة عامةة << حلووة انا مرره حبيتها هادي المادة خديها عند بدرية الجهني مرره ممتازة وذاكري من ملخص عذاري واثناء السنترا ضيفي شرح الاستاذة والاسئلة ماتخرج منها ..
7- نظم معلومات إداريةة.>>> اعوذ بالله من دي المادة مررررره دسمة وطووووويلة وترفع الضغط انا اخدتها عند شيماء والاستاذة مرره كويسة وشرحها كويس ومتعاونة جدا بس المادة نفسها ثقيلة دم وتحتاج وقت ..
8- بحوث العمليات >> من اسهل المواد اللي مرت علي مرره حلوة وسط مو صعبة ..

نصيحة لاتاخدي النظم مع التنمية نهااااااائي مررره مايججوا مع بعض لانهم دسمين
بالتوفيق لك ^^

[تووتي فرووتي]

م قصرتوو والله ربي يسعدكم

[تووتي فرووتي]

للرفع