بخصّوص آلتّسكين ~

[Marwan alHarbi]

المشاركة الأصلية كتبت بواسطة dr.raghad _ السلام عليكمم اشوف الأغلبية متشائمم من ناحيه طول السنين في دراسة الطب احب اوضح لكم ان الطب بعد التحضيري خمس سنوات والسنه السادسة امتياز براتب عاااالي هذا من غير ضمان الوظيفة اقتبس من وموضع د. هوازن جزاها الله كل خير

آنآ معآكي ف دي النقطةة بس الطب يبغآله وآحد/ة نفسه/آ طويل و دآخل الطب لآنه يستمتع بيه
لآنه حتمر عليه معلومآت و ضغط كبير يعني لو آنو دخل آلطب بدون رغبة مآآتوقع حيستمر
بعدين لآزم بعد ال 5 سنين تتخصصي و بعض التخصصاآت توصل ل 7 سنين زي تخصص آلقلبية آدآ مآخآب ظني :)


و ب آلتوفيق

[د.هوازن]

السلام عليكم ورحمه الله وبركاته ,,,الله يوفقكم جميعا ... ولكل مجتهد نصيب
ندخل ف الموضوع سيده وبدون مقدمات
اللي حاب يدخل الطب لازم يحبو وييستمتع ف ال7سنوات (الابتدائيه) العامه ..لانو اللي محيدرسها بمتعه وحب راح يتعب كثثثثثثيروماحتمر سنه الا وهوا يبغى يحول لكليه تانيه او يجيب f فمواد وطبعا عارفين انو اللي يجيب f حتروح عليه فرصه انو ياخد مرتبه الشرف وقتها ح يسب الطب والساعه اللي دخل فيها طب ولازم يعود نفسو انو يكون كثيررالجلسه ف البيت خاصه فالبدايه عشان يتعود ويدخل جو بسرعه لانو ح يتفاجا من اول 7 اسابيع مخلص ماده ومختبر فيها فاينل وحينزل بدالها ماده تانيه ونتو توكم خارجين من سنه الترم فيها 4 مواد يمكن ..حتدخلو على سنه تاني طب اول( ترم) فيها 6 الى 7 مواد وعليها عدد ساعات تهز فالمعدل ترفعو وتنزلو ترم واحد عليه عدد ساعات مابين 21-22 ساعه وماتقدري تضيفي وتحذفي مواد او ترتبي جدولك زي باقي الكليات ومافي صيفي ف الطب تختصري السنوات طبعا بتكلم عن مواد التخصص بغض النظر العربي والاسلامي دي بكيفك..... اللي يبي يدخل طب لازم يكون جااااد مع نفسو قبل مايهتم فكلام الناس او انو يقول بابا وماما نفسهم اني ادخل او يرضي ضميرو بمعتقدات انو معدلي عالي خلاص لازم طب.. (اللي يبي يدخل طب لازم يفكر قد ايش حجتهد قد ايش حتعب على نفسي عشان اكتسب العلم والمعرفه لعلاج الناس مو يكون همو انو يحاول يلاقي طريقه للنجاح فكل الاختبارات واجيب درجه حلوه وصلى الله وبارك ) وانتو بتشوفو الاخطاء الطبيه وصلت ف المملكه الى 80 % وفي اطباء تم منعهم من مزاوله المهنه يعني ماستفاد شي تعب سنوات عمرو وباول عمليه خطا طبي ادا موت شخص و بالاخير فصل ومنع من مزاوله المهنه ..فنصيحه اللي يبي يدخل الطب يكون قد الطب (اللي يعنني على اني اكون اهل لطب) يكون قدا الطب امانتا واجتهادا وصبرا واصرارا ,,وكللها دي لو اجتمعت ان شاء الله وباذن الله حتستمتع ف الطب وحتصير/ي طبيب/ة ناااااجح/ه

انا مابقول الطب صعب بالعكس انا احارب دي المقوله وشوفو موضوعي http://www.skaau.com/vb/showthread.p...96#post6409096
(معتقدات خاطئه عن كليه الطب)

الطب مايحتاجلو الذكاء الخارق مايحتاجلو القدرات العقليه ,, الطب يحتاج انسان (مجتهد) يذاكر اول ب اول .. انسان يستحي على دمو ويقدر التخصص اللي دخلو ويذاكر بذمه (كل يوم) يكون قد الطب

معليش كلامي كان شوي قاسي عليكم بس انتو في امس الحاجه لدا الكلام خصوصا فايام مهمه زي دي الايام (التسكين)

اخيرا :
الطب من اجمل و(امتع) التخصصات
افضل العلوم علم الاديان يليه علم الابدان
ومن ناحيه الرواتب انصحكم تشوفو حلقه (الكادر الطبي) ف اليوتيوب مي كامله بس شوفوها من شاهد نت
جوجل>شاهد نت > برامج> الثامنه > الكادر الطبي
(لاتنسو تغيرو طريقه البحث الى الاكثر مشاهده عشان ييجكم الثامنه اول برنامج وماتتعبو تدورو)

وشوفو دا الرابط http://www.skaau.com/vb/showthread.php?t=422908

طبيب استشاري جديد براتب 39 الف
وادا كان تخصصو نادر طبعا يزيد ويعطوه (بدل ندره)
وادا كان رءيس قسم فمستشفى طبعا يزيد وغالبا روؤساء الاقسام رجال ويعطوه (بدل اشراف)
والاطباء ينزلهم (بدل سكن) 50 الف سنويا (طبعا دا بمجرد تخرجك من الطب تنزلك)

مثال / خلصت 5سنوات من الطب حتكون وقتها سنه سابعه (الامتياز) مكافاه 9200 ادا تخرجت من الطب وتخصصت ( برا المملكه)مثال جراحه قلب او مخ واعصاب تقريبا 5 سنوات وادا كان تخصصك نادر وتعمقت فيه مثال/ صمامات قلب وزودت دراستك سنتين

ترجع السعوديه براتب لايقل عن 65 الف شهريا
طبعا الكلام دا مو تاليف دا كلام سمعتو اولا من دكاتره ثانيا سالت عن دا الشي قبل وبعد مادخل الطب ثالثا حلقه الكادر الطبي اقرب مثال

الله يوفقكم جميعا فتخصصاتكم اين كانت وان شاء الله نشوفكم بروفسورات ف اي مجال تدخلوه ورددو
(اللهم خيرني ولا تخيرني فان الخير فيما كتبته لي )
(اللهم اجعل الخير فيما احبه )
(اللهم زدني علما )
(الاستغفار)
اسف على الاطاله محبتكم / د.هوازن