إستفسار بخصوص مادتين رسبت فيها + الترم الصيفي !!

[Faisalq]

السلام عليكم ورحمة الله و بركاته

اخواني و زملائي الجامعيين
انا رسبت في مادتين وهي كالأتي أدناه :-


المواد وهي كالأتي
1 - ادارة الخدمة المدنية
2 - تنمية الموارد البشرية
رسبت في هالثنتين من الترم الفايت
ولا نزلتها للحين و ودي اخذها صيفي !
والمشكلة ؟ ابي اقدم عالصيفي مو راضي من التسجيل اختار ترم صيفي بعدين اضغط تسجيل يرجعني لنفس الصفحة !!

وش الحل ياشباب توجيهاتكم لاهنتم .. \

كمان بسألكم .. أنا اسمع بمواد حرة ؟ و مواد مهي حرة الي هي مقررة علينا بتخصص الإدارة العامة
ممكن تعطوني فكرة عن هالشي ؟
و إيش فايدة المواد الحرة ؟
وهل هذي المواد الحرة موجودة للطالب الي حابب يرفع معدله مثلا ؟ اادوني فكرتها وكيف استفيد منها لو انزل مادة حرة بالصيفي يكون حلو
وكيف أنزلها لأن معدلي طاح بعد هالمادتين و ابغى ارفعه قدر الإمكان
انا انهيت المستوى السابع اليوم .
وببدء في المستوى الثامن و التاسع التخرج بإذن الله
فالله يخليكم ويسعدكم احتاج الإفادة و التوجيه من أهل الخبرة وياليت بالتفصيل
و لو تنصحوني انزل مواد حرة ؟ ايش انزل وايش المواد السهله الي ممكن الواحد يستغلها و ما إلى ذلك

وشاكر ومقدر حسن تعاونكم
زميلكم فيصل الغامدي

[خالد الحمراني]

باقي ياخوك مافتح الترم الصيفي
وباقي ماخلص اصلا الترم هذا
اصبر اللين يتفعل التقويم

[مجروح الزمن 11]

باقي على الاختيار مافتح بالادوس

[Faisalq]

يعطيكم العافية . لاكن تراني رحت مبنى الكلية عشان الترم الصيفي قالي الموظف في شؤون الطلاب سجل عن طريق الاودس و التسجيل بدء و موجود لائحة تفيد بأنه بدء التسجيل ؟
المهم متى تتوقعون ينفك التسجيل
وبرجاء إفادتي بموضوع المواد الي رسبت بيها . ! لاتسحبون ياطيبين .. ^_^

[الدبا]

صباح الخير
اخوي
بالنسبة للصيفي الى الان ما تفعل بالاودس
وانتظر بعد نهاية الاختبار وتشوف المواد
بالنسبة للحرة والاختيارية
هناك مواد حرة ومطالب بست ساعات يعني مادتين تاخذهم من خارج الكلية اللي انت تدرسها
وهناك اختيارية ومطالب بتسع ساعات يعني ثلاث مواد من نفس الكلية
وتحديد الكلية والمسار اللي انت فيه يحدد افضل المواد الحرة او الاختيارية حسب تجربة الطلاب
وربما حسب ميولك اذا كنت مبدع بشي معين ربما تجده كمادة حرة او اختيارية ( مثل التاريخ أو الاقتصاد ....)
الشي المهم اعذر اخوانك الطلاب أو الطالبات اللي ما جاوبوا على الاسئلة لانهم مشغولين بالاختبارات وتجميع الاسئلة وحلها وانتظر ورايح تلقى الف واحد يجاوب .
بالتوفيق للجميع

[Faisalq]

شكرا لك يالغالي
بالنسبة للي رسبت بيها اقدر انزلها بالصيفي ؟ وانزل ماددة حرة مثلا ؟
و الاخوان عاذرهم . وتسلم

[الدبا]

بالنسبة للصيفي
ما اخذت ترم صيفي
لكن فيه اختلاف بين الزملاء بعضهم يقول جميع المواد
وبعضهم يقول بعض المواد
وعند فتح التسجيل تلقى الاجابة الشافية الكافية ان شاء الله
بالنسبة للمواد الحرة
تكون عندك حرة لكن في مسارات اخرى تكون الزامية
يعني اذا فتح التسجيل تبي تلقى المواد وبامكانك الاختيار سواء حرة او اختيارية او الزامية
وبامكانك التسجيل سواء كنت راسب بالمادة او مادة جديدة
بالتوفيق للجميع

[Faisalq]

شكرا لكم .. لاكن بدا التسجيل ولاهو راضي يسجل !!!!!!!

[Faisalq]

انا والله قرفت من هالاوديس يا اخوان ابي ترم صيغي بالطيب ولا بالبطال و روحه للجامعه ماني رايح بهالخر افيدوني 😟

[مباشر]

المشاركة الأصلية كتبت بواسطة faisalq انا والله قرفت من هالاوديس يا اخوان ابي ترم صيغي بالطيب ولا بالبطال و روحه للجامعه ماني رايح بهالخر افيدوني 😟

الخدمة المدنية مقفلة الشعبة لا يوجد لها ترم صيفي اما التنمية الموارد البشرية تستطيع تاخذها في الترم الصيفي اما من ناحية الحر هذا شي راجعلك وسدد باذن الله يفتح لك الترم الصيفي والله يوفقك