وصف المقررات + تقييم الدكتورات ... أحياء ~

[fatoom sweety]

المشاركة الأصلية كتبت بواسطة نـكـد ياريت تكملوا الموضوع مرا استفدنا منو "" متى الحذف و الاضافة ؟؟

الحذف والاضافة للترم الاول الجاي 13شعبان وينتهي 16رمضان


بالنسبة للمواد اللي اخذتها :
احياء دقيقة
المقرر دسم شوية من ناحية الحفظ واسماء البكتريا وانواعها لكن مع هذه الااستاذة نهاد قمقمجي سهلة وتاخذي ممتاز ان شاء الله بالنسبة للعملي حلو وممتع وسهل جدا

حيوان عام

المقرر برضو يبغاله حفظ كويس لانه كثير كمان والمعمل كله رسمات وعينات بالمجاهر او مجسمات للحيوانات درستني استاذة اريج بس نسيت اللقب مو اريج باعشن وحدة ثانية مررا انصحكم فيها

نبات عام
درستني اريج باعشن واسئلتها نص انقلش من تست بانك ونص عربي بس شرحها حلو نوعا ما والمعمل كرف شوية نرسم كتييييير نادرا ما نطلع قبل الوقت

بيولوجيا الخلية
درستني منى الشريف ما انصحكم فيها شرحها مايفهم واسالتها مقالية بالنسبة للمعمل يلخبط من ناحية الرسومات الخلية ماتقدري تفرقي لأنها متشابهة لكن سهلة نوعا ما بالنسبة للمقرر عموما دسم جدا جدا ويبغاله فهم وحفظ

احياء 202
مادة تعتبر مراجعة للي اخذناه زمان بس مررا كثير ودرستني منال القطان اسألتها نص نص ما انصحكم فيها وتطلب انشطة مستحيلة ههههه والمعمل حلو

اساسيات علم البيئة

مادة جميلة وسهلة والمعمل سهل كمان درستني د.فايقة الغامدي شرحها عادي على الباور بوينت واسالتها صح وخطا واختياري

وبالتوفيق