بدء التسجيل في برامج البكالوريوس انتظام

[shorooq.12]

ياالله يا مسرع الاياام

كنت السنه اللي فاتت اتابع هنا واستنى قبولي في الجامعه واليوم استنى نتيجة التسكين في الكليات
مع اني من الناس اللي انقبلوا في الدفعة التانيه لكن الحمدلله عديت التحضيري على خير

افتكر العام بعد ما خلصوا من المقبولين اللي مواعيدهم في الاسبوع الاول يوم الخميس نزل الفرز التاني :)
وعلى فكره جدول النسب اللي فوق ده للي انقبلوا من الفرز الاول
الفرز التاني كان

الاداري للطالبات في الفرع الرئيسي وقفوا 80.14 والسلامة 79.35 والموازي 78,87 العلمي مااعرف
لكن عموما لا تعتمدوا عالنسب لانو كل سنه تتغير دفعة "2011" نسب القبول كانت مختلفة تماما عن دفعتنا "2012"
عشان كدا لا تسألوا و تشغلوا نفسكم لأنو فعلا النسب تتغير

ولا تشيلوا هم ارفاق المستندات وتوسوسوا انا العام ارفقت صورتي عالموقع وانطبعت كمان على استمارة القبول
ولما جيت عندهم ماطلعت في الجهاز واخدوا صورتي وعملولي هيا عندهم وكتير بنات نفس حالتي انتوا ارفقوا اللي عندكم وخلاص
الامور مره سهله وهما هناك مره مره يساعدوكم

وطلاب المناطق التانيه العام في ناس كتير سحبوا على جامعاتهم اللي في مناطقهم و سجلوا في عبدالعزيز
وبعدين تفاجأوا بنظام المناطق لا انقبلوا في عبدالعزيز وفوتوا التسجيل في جامعتهم وتوهقوا
فأنتبهوا عشان لاتصيروا زيهم لأن اتوقع الجامعة حتطبق دي السنه نظام المناطق


و بالتوفيق جميعا وفالكم القبول يا رب والله يعينكم على التحضيري مرهقه بشكل هههه بس كانت تجربه حلوه

تعديل -
بس حبيت اقولكم انو الدكتور خالد حسين عميد عمادة تقنية المعلومات
قال في حسابو على تويتر انو نتايج الفرز حتكون الخميس العصر