بنات الفيصلية إنجليزي انتظام..تعالو مشكلة بخصوص الحذف والاضافة

[Icekream]

السلام عليكم و رحمة الله وبركاته.

بنات الانقليزي فيصلية لو سمحتو مرة مافي تجاوب في المنتدى لا هذا ولا منتدى الجامعة الرسمي بخصوص الحذف و الإضافة. احنا زميلات مو معقول ما نحب الخير لبعض لدي الدرجة. من ليلة الجمعة الين قبل شوية وانا اسأل فموضوع الحذف و الاضافة عن سبب عدم ظهور موادنا احنا المنتظمات في الانقليزي / فرع الفيصلية . للفصل الدراسي القادم اللي هو ( الفصل الدراسي الأول 2014 )

سويت خطوات اضافة المواد بحذافيرها حسب المشروح في المنتدى و اليوتوب و بأكثر من طريقة لكن بكل الطرق تطلع لي فقط شعب للانتساب و التعليم عن بعد ما يطلع شي للانتظام . ابغى اعرف هل الكل مثلي ولا لا :



اضغطو ع الصورة .
مكتوب في اليسار : انتساب و تعليم عن بعد و انتظام. هل هذا يعني انها نفس الشعب للمنتظمات و بإمكاني أضيف منها ولاّ بأتورط و تنحسب علي شعبة انتساب؟! ابغى جواب أكيد مو جواب تخمين ربي يسعدكم .


أنا مستوى رابع موادي هي : LANE 214 و 215 و 216

يا ليت لو زيي ما طلع لكم شعب تروح لهم وحدة تسألهم من اللي ساكنين جنبهم عشان أنا في مكة لو فيه وحدة من جدة تتعاون و تروح جزاها الله خير لو مافي حأضرب المشوار عشان نفسي و الله المستعان.

السؤال الثاني :

ضروري أعرف أفضل أستاذات للمواد الثلاث سابقة الذكر. استماع وتحدث 2 و قراءة 2 و كتابة 2

عشان لا أتورط لأني الترم الماضي في المستوى الثالث اتورطت مع أستاذتين أحمد الله و أشكره اني قدرت أتجاوز المادة معاهم بسلام و إن كان المعدل غير مرضي. ما ابغى المأساة تتكرر هالترم لازم ارفع معدلي.

و شكراً.

[jody 66]

يالنسبة لسؤالك الأول :

ايوا نفس الشعب اضيفيها و انتي مرتاحة حتى انا زي كذا يجيني ..

و السوال الثاني :

عندك بأعلى المنتدى سيرش مخصص بسكآآو حطي اسم الاستاذات اللي تبيهم و يطلع لك كل شي عنهم
انكتب في المنتدى


موفقة حبيبتي ..

[Icekream]

المشاركة الأصلية كتبت بواسطة jody 66 يالنسبة لسؤالك الأول : ايوا نفس الشعب اضيفيها و انتي مرتاحة حتى انا زي كذا يجيني .. و السوال الثاني : عندك بأعلى المنتدى سيرش مخصص بسكآآو حطي اسم الاستاذات اللي تبيهم و يطلع لك كل شي عنهم انكتب في المنتدى موفقة حبيبتي ..

شكراً لتجاوبك .

جميع المواد الثلاثة الآن لما جيت اضيفها طلع لي ( غير متاح للتسجيل ) . كلها .
ايش معنى هالكلام ؟

[jody 66]

المشاركة الأصلية كتبت بواسطة icekream شكراً لتجاوبك . جميع المواد الثلاثة الآن لما جيت اضيفها طلع لي ( غير متاح للتسجيل ) . كلها . ايش معنى هالكلام ؟

للأسف قفل الحذف و الأضافة بسبب تغير ايام الاجازة

رح يرجع يفتح بأذن الله قريب

موفقه

[Samia B]

حياكِ الله Icekream

مثل ما تفضلت جودي الشعب هيا نفسها للانتساب و الاانتظام والتعليم عن بعد يعني تختاري منها نفسها
والحين مغلق الحذف و الإضافة بسبب تعديل الايام و أتوقع يفتح قريب لأنو خلاص تعدلت الأيام في الأوديس

بالنسبة لمواد الأنجليزي الثلاثة أنا كمان ألحين مستوى رابع بإذن الله وحسب توصيات البنات وبعد ما بحثت في
محرك المنتدى إخترت:

الاستاذة هوازن القثامي للإستماع 2
الأستاذة كوثر الدوسري قراءة 2 و كتابة 2
الله يوفقنا جميعاً

وهذا رابط بحث المنتدى

محرك بحث سكاو

[Icekream]

ألف شكر لتجاوبكم .

سامية الحمد لله حصلت وحدة زيي مستوى رابع. ربي يسعدك.
لو سمحتي ابغى اعرف انا قبل ما يتقفل التسجيل بكم ساعة لما كنت احاول اشيّك عشان اسجل طلعت لي شعب الأستاذتين هوازن وكوثر مغلقة يعني full و الباقي مكتوب جنبه غير متاح التسجيل.

أنا ما ابغى عند اعتدال لو ايش ما ابغاها :(

فيه مجال لو رجع فتح التسجيل و كانت شعب هوازن و كوثر مغلقة نسجل من الجامعة؟ الله يعين يعني مرمطة تانية ولاّ كيف :(

سؤال ثاني واتمنى تتحملوني انا ما اعرف كتير في الأنظمة :

دحين مفروض ينزل لنا جدول مواد جاهز و احنا نعدل فيه ؟

عشان أنا مستوى رابع بس شفت بنات هنا من مستوى خامس و سادس يقولو نزلَت لهم جداول وفيها خمسة مواد و جالسين يعدلو فيها حسب الاوقات المرغوبة.

انا ما نزل لي شي جدولي فاضي .

[Samia B]

المشاركة الأصلية كتبت بواسطة icekream ألف شكر لتجاوبكم . سامية الحمد لله حصلت وحدة زيي مستوى رابع. ربي يسعدك آميين يارب ويسعدك كمان لو سمحتي ابغى اعرف انا قبل ما يتقفل التسجيل بكم ساعة لما كنت احاول اشيّك عشان اسجل طلعت لي شعب الأستاذتين هوازن وكوثر مغلقة يعني full و الباقي مكتوب جنبه غير متاح التسجيل. يمكن امتلأت الشعب بس في احتمال يوسعوها انتظرني يفتح التسجيل وجربي أنا ما ابغى عند اعتدال لو ايش ما ابغاها :( الله يوفقك للي تبغيه يااااارب فيه مجال لو رجع فتح التسجيل و كانت شعب هوازن و كوثر مغلقة نسجل من الجامعة؟ الله يعين يعني مرمطة تانية ولاّ كيف :( ايوه ممكن من العمادة يضيفوا لك او من عند التخصيص والله يعينك ع الزحمة بس ما يكون الحين في اول اسبوع اللي هو أسبوع الحذف والإضافة سؤال ثاني واتمنى تتحملوني انا ما اعرف كتير في الأنظمة : دحين مفروض ينزل لنا جدول مواد جاهز و احنا نعدل فيه ؟ لا ما ينزل لك جدول انتي تضيفي المواد اللي تبغيها بس الجداول تنزل للتحضيري عشان أنا مستوى رابع بس شفت بنات هنا من مستوى خامس و سادس يقولو نزلَت لهم جداول وفيها خمسة مواد و جالسين يعدلو فيها حسب الاوقات المرغوبة. انا ما نزل لي شي جدولي فاضي .

أتمنى أكون أفدتك وأي استفسار لا تترددي

[Icekream]

مرحبا كيفكم بنات ؟ كيفك سامية ؟

ترى فتح الحذف والاضافة عندي الآن بس كل الشعب لمادة الريدنق 2 و كتابة 2 و استماع وتحدث 2 غير متاحة للتسجيل !

انا خايفة من الرايتنق مافي غير شعبة وحدة من 9 ص و الباقي من 8 وانا ما اقدر اوصل الجامعة الساعة 8 . الله يستر بس :(