اتسكنتٍ تمريض ..؟ تعالي ياقميلة ..

[fto0o]

المشاركة الأصلية كتبت بواسطة lujain khaled اااخخَ يا التسكين انا اول ماشفت تمريض دخلت حالة نفسية وصرت منفسه طول الوقت حتى وصل لماماا انها تقول بطلي دراسه خلاص بس لاتموتي نبغاك طبعاً كان حلمي طب :( بس قدر الله وماشاء فعل وايقنت انها خيره بس بدخل التمريض وبشد حيلي اذا قدرت حولت واذا ماقدرت طلعت من الجامعه واذا وجدت نفسي وذاتي بالتمريض كملت =) لأن سبحان الله لأخر الدقايق كنت بروح كلية البترجي ومو مرتاحه مراً ابداً مو مرتاحه من جميع النواحي ورحت ابن سينا على ثاني يوم من التحويل وقالولي قفل طب بشري , الله يكتبلك الي فيه الخير يارب .. ومنجد الموضوع موضوع خيرة .. قولي يارب عارفة وحدة من صحباتي معايا في الدفعة من الرياض .. في الرياض ماقبلوها صحي الا تمريض .. جات هنا واغتربت عن اهلها عشان تبا اشعة .. وسبحان الله جا حظها تمريض في عزوز برضو .. هيا بتحاول تحول للان بس الله يكتبلها الي في الخير لها ولكي يارب .. ويريح قلوبكم ويجعلكم تلاقو نفسكم في المجال الي يسعدكم عاجلا غير اجل يارب بعد ماطلع تسكيني تمريضَ اول شي سويتو دخلت على كلية التمريض في موقع الجامعه قرأت تقريباً كل شي لأن هذا مصيري حدرس يعني حدرس السنه الجايه تمريض َ , ودخلت هنا لقيت مواضيع عن التخصصات وقالولي بعد ماتخلصي تتخصصي والممرض مُساعد الطبيب , وكمان نظرة المجتمع لتخصص التمريض انو تخصص اي كلام ويدخلو الناس الي معدلاتهم منخفضه ليه كذا ؟ نفسي اعرف انا معدلي ممتاز ودخلت تمريض !! انا حطيت التمريض قبل العلوم الطبيبة لان انا احب التنوع ولقيت بالتمريض تخصصات مره كثيره بعكس مثلاً التغذيه او العلاج الطبيعي او الاشعه التشخيصية ولا كنت حابة الصيدلة , مين قلك مايدخل التمريض الا الي معدلاتهم منخفضة ؟ ترا احنا العام قفل علا 88٪ .. لايغرك انتو نسبتكم الغريبة بس .. وعلا كل ترا 84 في الجامعة مهي منخفضة ابداً بل معتدلة تعالي نتحكى نظام الجامعة دي كيف ماشي .. كل مازادت كمية الناس الراغبة لـ المجال .. كلما زادت المنافسة فيه بالتالي ارتفعت نسبه والحرب عليه وكبرت قيمته الجامعية والمجتمعية .. وطبعا عندنا في السعودية النظرة الفوقية والدونية منتشره .. فمثالاً الهندسة والطب هما التوب وبعدها السلم الدراسي كلو تحتهم ! -,- و التمريض المسكين .. مظلوم مجتمعياً زيو زي المرأة و الاجانب في السعودية .. X'dddddd البوينت انو .. مو كل الاهل ابدا يقبلو على بناتهم يكونو ممرضات واساسن الاهالي المثقفين والي عقولهم شوية متفتحة وعاقلة وفاهمين اش يعني تمريض منجد بعيد عن مصطلح "شغالة" .. قلة قليلة جدا فـ نشأ المجتمع ماخد فكرة سيئة عن التمريض نسبة للاهالي الي زرعو في امخاخهم الشي دا .. وكل الموضوع جهل في جهل ..! في نفس الوقت .. تعالي نطالع في مستشفياتنا وقطاعاتنا الصحية ! عندنا نقص فظييييييييع في الكوادر التمريضية السعودية .. اساسا لو شفنا ممرضة ولا ممرض سعودي او عربي حتى وهوووووو كيف ننبسط وننشكح ونحس لا والله في امل .. فـ المجتمع قاعد ينتقص من قدرنا وهوا في امس الحاجة لنا! لاتقوليلي في اجانب .. معليش انا ضد العنصرية تماما واساسا لاشكلي ولاعروقي تأهلني اكون عنصرية .. بس الواقع واقع .. البلد لازم تكون مكتفي بكوادره مو كل يومين نسمع استقدام مدري كم ممرضة من البلد الفلاني !! ليش إن شاء الله من نقص؟!!!!! ماعلينا إن شاء الله احنا في صدد تغيير كل دا بإزن الله .. وقبل كل شي لاتنسي ترا مجررد انتسابنا لقسم التمريض يعني اننا في طريقنا لـ سد ثغرة في المجال الطبي السعودي .. ولمن تيجي توازنيها عالمياً مو بس في السعودية .. التمريض من اكتر المجالات الي عليها طلب ووظيفته مضمونة وهوا في نفس الوقت شغلة انسانية عظيمة .. اخ تعبت ب اكتب من زمااااااان {{ مووضوع حارق قلبها تفرجت فديوهات عن يوم التمريض العالمي , لقيت من جد الممرض يقدر يثبت نفسه والممرض هو الملاذ النفسي للمريض =) شوفتي فيديوهنا ؟ http://youtu.be/1sfz0_zur28?a حطتو عذاري السمراوات قبل كدا في موضوع تاني .. دولا بنات كليتنا الي اتخرجو السنة دي وجيتو انتو مكانهم هع بالنهاية وحدة قالتلي يالجين حتلاقي دعوة حلوه =) الموضوع اكتر من دعوة وحدة حلوة .. انتي حتدخلي وحتعيشي الواقع وحتعرفي .. كيف عطائك الي بـ تعطيه يعود عليكي وعلى حياتك بطريقة .. انا ماقدر اوصفلك هيا .. دا شي داخلي انتي حتعيشيه وتفهميه بنفسك بعدينا - اسألتي :) << على اساس الي فوق ماكان اسألة ابدن ها - كم عدد الدفعه تقريباً ؟ الله اعلم بس لو كان نظامنا نفس نظامكم وبززززات مع اخر نسبة قبلت السنة دي .. غالباً حتكونو مية وشوية - بتكون فيه كلاسات مشتركه ؟ اولاد وبنات لأن لمن كنت بالبترجي بعد ماطلع التسكين بالمره الثانيه قالو لو دخلتي تمريضَ فيه كلاسات مشتركه بسَ هناك فيه تمريض اولادَ وكليتنا بسَ بنات بعزوز مازا كلام؟ اصلن مافي كلية تمريض اولاد ريحي بس في مادة او مادتين بالكتير يدرسكم هيا دكتور - كيف تعامل منسوبين الكلية بشكل عام ؟ يناسو مرة .. حتحبيهم يحاولو يساعدونا بشتى الطرق .. طبعن في ناس كلبين بس الاغلب يناسسو - عندكم مشاريع خارجية مثلاً تسو حملات او تجيبو ناس للكلية ايتام او معاقين ؟ طبعا فيه .. مليان .. اصلن طوال السنة والحملات والمشاريع ورا بعض ورا بعض .. بعد المغرب انزلكم صور وروابط تقارير عن حملات سويناها او شاركنا فيها .. ومشاريع داخلية وخارجية من وفي كلية التمريض .. - ما اعرف كيف اجي وايش اسوي اول يوم من جد احساس حق اولى ابتدائي يووووووه كلنا حسينا في الاحساس دا لاتشيلي هم .. غالبا .. حنكون كلنا موجودين عشانكم حنساعدكم والكل حيرشدكم لكلاسكم وحيكون في يوم ارشادي لكم طبعا .. لاتشيلي هم شي .. واتحمسي وبس - البطاقات الجامعية تتغير ولا نفسها ؟

هوا دا الكلااااام .. تتغير طبعن .. بعد فترة حيقولولكم انزلو الشؤون غيرو بطاقاتكم ..
نفس الصورة بس الكلية وشكل البطاقة طبعا غير
حماس صح
لسع الترم التاني بطاقة المستشفى احمس واحمس

[فـجر الأمــآسي]

الله يسعدك موضوعك ساعدني كثير ..
انا كمان اتخصصت تمريض
واسستفدت من اسئلت البنات

عندي سؤال انا كمان
من فين اشوف الجدول ؟؟
وابا اسأل عن الدورة لازم اسجل فيها قبل موعدها ولا بدون تسجيل ولا كيف وهل موجود عنها موضوع اروح اقرأه ؟

[جميلهه]

السلام عليكم

اول حبيت اشكرك على الموضوع القميل صراحه جدا ممتع ويشمل كل شيء

مممم ثانيا حبيت اوصف شعوري لما شفت كلمه كليه التمريض - حققت رغبة الطالب

صراحه بلمت واندهشت وكانو كل اهلي قدامي منتظرين اقول التخصص

لاني كنت احلم بكليه العلوم الطبيه التطبيقيه تخصص مختبرات

مديت البوز لاهلي وقلت لهم تمريض كلهم فرحوا لي وشجعوني عليه واول واحد بابا

وحبيت التمريض وانا راضيه الحمدالله ومبسوطه بانضمامي لكم

وانتظر قدوم الترم الجاي بكل حماسيه < نصصصابه تبا اجازه قد الاجازه دي


وبس ذي قصتي مع التسكين

[عذاري السمروات]

المشاركة الأصلية كتبت بواسطة bayan-ow شكرا على اجاباتك لاسئلتي :) وان شاءالله بشوف كتاب الثقافة والعربي بشوفها من ذحين وركز على مواد الي لها اهمية اكثر وقت الدراسة سمعت عن دورة تيش مي ميدس ان شاءالله بحضرها اتمنى استفيد منها لان احسها يتكون كلها عن الطب

ايوه افضلك يا جميله اعتبريها تسلية .. و حاولي تقري اي شي قدام عيونك عن الطب
اما ب النسبة للدورة
سجلي فيهاآ عادي و ب ازن الله تستفيدي .. احنا موادناآ فيه بعضهاآ مشتركة معاهم ( خصوصا انو اول سنة تاخدي فيها كم مادة عامه زي الاناتومي و الفسيولوجي البايو كيم و الباثولوجي )
تقدري تقري عنهاآ ( المواد ) و تسأليهم داكا اليوم او تسألينا هناآ ..
وربي يوفقكم

[عذاري السمروات]

المشاركة الأصلية كتبت بواسطة فـجر الأمــآسي الله يسعدك موضوعك ساعدني كثير .. انا كمان اتخصصت تمريض واسستفدت من اسئلت البنات عندي سؤال انا كمان من فين اشوف الجدول ؟؟ وابا اسأل عن الدورة لازم اسجل فيها قبل موعدها ولا بدون تسجيل ولا كيف وهل موجود عنها موضوع اروح اقرأه ؟

مبروك عليكِ التخصص
و نورتيناآ في كليتنا الجميلة
..❤
الجدول راح ينزلك ثابت على الاودس ، بس أوقات المحاضرات و أيامهاآ ماراح تكون ظاهره لكم ( راح تنزل عن طريق الشؤون تبع كليتناآ )
وراح يلصقوهاآ لكم في كلاسكم ، بمعنى انو اللي راح ينزل في الجدول بس المواد ..
انفضلي هدا الرابط فيه كل ما يخص الدوره
http://www.skaau.com/vb/showthread.php?t=704344
جل الدعوات لك ب التوفيق يا جلنارة ..❤

[Dr.Nurse]

فتوو / الله يعطيك مليون عافية على الي عملتيه بالموضوع
جداً رائعة بل وأكثر ، والشكر موصول لــ عذاري الإبداع

أما موضوع تحويل القسم لكلية ، تأكدوا بأنه مّر بمراحل أليمة يقف خلفها أشخاص عملوا
الليل بالنهار ، وكانوا يعملوا 12 ساعة يومياً من 8 صباحاً إلى 8 مساءً

لكن تذكروا بأنكم انتم الأمل .. و مستقبل المهنة

[عذاري السمروات]

المشاركة الأصلية كتبت بواسطة dr.nurse فتوو / الله يعطيك مليون عافية على الي عملتيه بالموضوع جداً رائعة بل وأكثر ، والشكر موصول لــ عذاري الإبداع أما موضوع تحويل القسم لكلية ، تأكدوا بأنه مّر بمراحل أليمة يقف خلفها أشخاص عملوا الليل بالنهار ، وكانوا يعملوا 12 ساعة يومياً من 8 صباحاً إلى 8 مساءً لكن تذكروا بأنكم انتم الأمل .. و مستقبل المهنة

/
\
امييييييين يارب و يعافيك ربي ..
العفو أخوي دكتور ( نيرس ) محمد ، و الله هدا اقل شي نقدمو لهم عشان نشبع فضول اسألتهم ..
::
و الشكر لك ايضًاآ و يدًا بيد س نبي جيل ماسي ابطاله نحن ( ممرضين و ممرضات ) ..
دمت بخير و سعادة

[dr-sh0sha]

موضوع بطل يافتو يعطيك العافيه يارب ...

[fto0o]

المشاركة الأصلية كتبت بواسطة فـجر الأمــآسي الله يسعدك موضوعك ساعدني كثير .. انا كمان اتخصصت تمريض يا اهلن يا اهلن يا تو مانور واسستفدت من اسئلت البنات الحمدلله .. عندي سؤال انا كمان << اتفزلي يختشي من فين اشوف الجدول ؟؟ ارفقتلك جدولكم في المرفقات .. حبيبي الجدول ينزل ع الموقع الي سبق حطيت رابطو فوق .. ورابط الموقع مرة تانية .. http://nurs.kau.edu.sa/default.aspx?site_id=667&lng=ar ياحبايب قلبي موقع الكلية ينزل عليه كل شي يخص الكلية ادخلو على خيار .. " برنامج البكالوريس " وخدو راحتكم في التصفح ^^ وابا اسأل عن الدورة لازم اسجل فيها قبل موعدها ولا بدون تسجيل ولا كيف وهل موجود عنها موضوع اروح اقرأه ؟ لازم تسجلي قبل الدورة .. وفي تسجيل متأخر حيكون يوم 18 شوال في الصبح في مبنى 2 في الشطر الطبي عندنا {{ طبعن دا بالنسبة للبنات ^^ اتواصلي مع الارقام الموجودة في الصفحة الي حطتها لكي نيرستنا الجميلة عزاري << امانة مافياااااااااااااا احول الكيبورد واطلع حرف د ابو نقطة X'ddddddd

سُعدت بأسألتك الجميلة واتمنى اكون افدتك

[fto0o]

المشاركة الأصلية كتبت بواسطة جميلهه السلام عليكم اول حبيت اشكرك على الموضوع القميل صراحه جدا ممتع ويشمل كل شيء مممم ثانيا حبيت اوصف شعوري لما شفت كلمه كليه التمريض - حققت رغبة الطالب صراحه بلمت واندهشت وكانو كل اهلي قدامي منتظرين اقول التخصص لاني كنت احلم بكليه العلوم الطبيه التطبيقيه تخصص مختبرات مديت البوز لاهلي وقلت لهم تمريض كلهم فرحوا لي وشجعوني عليه واول واحد بابا وحبيت التمريض وانا راضيه الحمدالله ومبسوطه بانضمامي لكم وانتظر قدوم الترم الجاي بكل حماسيه < نصصصابه تبا اجازه قد الاجازه دي وبس ذي قصتي مع التسكين

ياحياة البي وافراحووووو

الحمدلله على قبولك في تخصص صحي .. اسمك قربتي من حلمك ولا كنتي اتخصصتي علوم ولاشي بعيد جداً
فـ الحمدلله انك بدأتي تتحمسي حمستيني معاكي حسيت يناسو..
وإن شاء الله مايعدي عليكي اول شهر الا وقيدك اتحمستي للترم التاني والترم التاني للسنة الجاية وتحبي التمريض بكبره يارب ..

وحقيقيييييييي حقيقيي ماتعرفي قدي ايش انتي محظوظة بمساندة اهلك ليكي .. تراه احساس عظيم مايعرف قيمته الا الي فاقده << محد اتكلم عن نفسو

فـ شدي همتك واحنا كلنا هنا معاكي ..
ويا اهلا وسهلا فيكي ياجميلة..