لا يمكن رفع المعدل بإضافة مواد غير مطلوبة منك

[برد النماص]

افيدونا ياشباب الحسبه تختلف لمن احسب على كلامكم والموقع يختلف اين الصح ياخونا اسد وجافينشي اسعفونا خريجين ونطلب من الله العون
مع ان النظام يحسبلك وجاهز معقوله فيه شي

[برد النماص]

هل نحسب النقاط التراكمية ام النقاط فقط كماهو موضح بالسجل الاكاديمي

[أبو ربى]

ﻻ أعلم ما تفعله الجامعة
ولكن الحساب اليدوي طبيعي بتفرق معاك المواد الزائدة محد بيناقشك فيه سواء حسابك صح أو خطأ
الكلام على حسبة النظام في الجامعة
أنا أضفت داتين زيادة هالفصل وأنا خريج وجربت احتساب المعدل التجريبي
حطيتهم أول مرة 100 والمرة الثانية 60 وﻻ غيرت شيء في المعدل التراكمي فقلت ليش أزحم جدول الاختبارات وأذاكر شيء ما أستفيد منه فحذفتها
مع العلم أني لو أجيب في المادتين 100 ممكن أتخرك بمرتبة الشرف الثانية لأن باقي لي تكة عليها

هذي تجربتي باستخدام الحساب التجريبي للمعدل
والخبر الأكيد عند شخصين
الأول شخص مسؤول في العمادة
والثاني شخص أضاف مواد زيادة واحتسبت فعلا أو لم تحتسب

[asd997]

يا اخوان تحسب لكم خذوا العلم الأكيد من طالب مجرب ومتخرج وفي يده الوثيقه

انا بفضل الله كنت بتخرج الترم اللي فات بتقدير جيد ولكن بفضل الله اخذت مواد حرة فوق الخطة و تخرجت بتقدير جيد جدا بمعدل 3.78
وهذي جميع المواد الحرة اللي اخذتها مع ان المطلوب مادتين حرة فقط

1- التدريب العملي 1 ( وهي عبارة عن قراءة القران نظري فقط )
2- المدخل الى وسائل الاعلام
3- علوم القران (( دكتورها عبدالله الازدي ))
4- الاعلام العربي والاسلامي (( دكتورها فيصل ادريس ))
5- التامين الصحي (( دكتورها طلعت شحاته ))

[أبو ربى]

أهلا بالهزبر
ومادامك صاحب تجربة فالتجربة خير برهان
وفاتت علي للأسف
كنت أضفت علوم القرآن ومؤسسات المعلومات والسيرة النبوية وحذفتها كلها :(
كانت بترفع معدلي ولكن الحمد لله لو يصير اللي يصير لا يمكن أحد ياخذ شيء ما كتب له

[asd997]

المشاركة الأصلية كتبت بواسطة أبو ربى أهلا بالهزبر ومادامك صاحب تجربة فالتجربة خير برهان وفاتت علي للأسف كنت أضفت علوم القرآن ومؤسسات المعلومات والسيرة النبوية وحذفتها كلها :( كانت بترفع معدلي ولكن الحمد لله لو يصير اللي يصير لا يمكن أحد ياخذ شيء ما كتب له

هلا بشيخ ابو ربى

الواحد ماله الا المكتوب والمقدر له

قول الحمدلله انك ما اخذت السيرة النبوية (( منهج طويل والدكتور غير متعاون في الدرجات ))

لكن علوم القران انصح الكل بأخذها بشرط ان تكون عند عبدالله الازدي بس اهم شي تتواصل مع الدكتور بعد الاختبار وتتطلب منه المساعده بدرجة ترفع من معدلك وماراح يقصر ابداً

[برد النماص]

اخ اسد المواد هذي اللي اخذتها موجوده بالخطه عندي تخصصي اداره عامه-مسار عام

[دربـ وفا ـي]

نفس مشكلتي ماده درستها وبالخطه نازله ماده درسها الطالب و لم تحتسب

والمشكله ناقصني ساعه عشان اتخرج قالو لي ضيفي ماده طيب ليش ماحسبولي الماده اللي نزلوهاا اللي نازله درستها ولم تحتسب

وقالت بما انه الدرجه نازله في الكشف يعني محسوبه وداخله بالمعدل < ماقنعني كلامها

[برد النماص]

نداء الى الاخ اسد ابيك ضروري الله يوفقك اخوك بورطه وابي استشارتك الله يجعل والديك الجنه تكفى يا خوي اسد لاتدد اخوك يبي فزعتك
عالخاص

[asd997]

المشاركة الأصلية كتبت بواسطة برد النماص نداء الى الاخ اسد ابيك ضروري الله يوفقك اخوك بورطه وابي استشارتك الله يجعل والديك الجنه تكفى يا خوي اسد لاتدد اخوك يبي فزعتك عالخاص

امرني وابشر باللي اقدر عليه
تم فتح الرسائل الخاصه