استفسارات بخصوص التوصيات العلمية

[أبو سحلب]

بسم الله الرحمن الرحيم


أنا بصراحة ودي آخذ توصيات علمية ممكن تفيدني بعدين ، فعندي كم استفسار للفائدة العامة ، و الله يجزاكم خير مقدما


قريت في المنتدى إن أي مادة حصل فيها الطالب على b+ أو a أو a+ يقدر يحصل على توصية علمية من الدكتور ، الاستفسار الأول هل هذا الكلام صحيح ، ولاّ لازم a و a+، أو ممكن حتى أقل من b+ ؟


شيّكت الدرجات لقيت درجتي حلوة في الكتابة-1 lane213 و يوم رجعت شيكت الدورات التأهيلية القديمة لقيت ثلاث دكاترة ماسكينها ، مجيب الجوهري و الحاتمي و الجابري ، فوش الطريقة الآن ، أمرهم الثلاثة ولاّ وش الطريقة ؟


المواد القديمة اللي في السنة التحضيرية ، لغة عربية ثقافة اسلامية مهارات حاسب ، و الانجليزي التحضيري 1 و 2 ، هذي كيف نعرف الدكاترة اللي درسوها عشان التوصيات لو كانت الدرجة فيها حلوة ؟

و أي معلومة يا شباب بالنسبة للتوصيات ممكن تفيد أي شخص ، رجاء رجاء رجاء لا تبخلون على الجميع بهذي المعلومات ، بعد الله تفرجون بها كربة أو تيسرون باب رزق أو درجة علمية عالية ،


الله يوفق الجميع لما يحب و يرضى سبحانه

[كرسبو]

الله يوفقك اخوي
وانا بعد نفس السؤال

[QLQ20]

كله عند العرب صابون :) <مصطلح حسونه. اللي اعرفه اي واحد من دكاترة القسم متواجد اثناء زيارتك القسم لااخذ التوصيه. يخدمك >تاكد من المعلومه هذي ماني متاكد بس اتوقع كذا :)

[WARM HEARTED]

السلام عليكم

يختلف الوضع من دكتور لدكتور . الدكتور قرامي ارسل لي التوصية على الايميل بدون مااتعب وأروح جدة بس ارسل له اسمك ورقمك الجامعي .

وبعضهم يتفهم الوضع حتى لو ماجبت ( b) او (a) في المادة بس انت اقنعه انك بتكمل دراسة في الماجستير وباذن الله يوافق.

وبعضهم يرفض اذا شاف الدرجة تعبانة.

موفقين جميعا

[white rose]

وعليكم السلام ورحمة الله وبركاته

حياك الله اخي الكريم

التوصيات العلمية تكون لمواد التخصص تقريبا من مواد المستوى الخامس وفوق للمواد اللي اخذت فيها درجات A+] pluse , a , [B+] pluse

لكن بشطر الطلاب حتى الشهري رئيس القسم يعطيكم خطابات توصية وفيه نوعين نوع نموذج تطبعه وتروح للدكتور يكتب البيانات ويوقع عليه وتختمه من السكرتارية من القسم وهذا النوع يفيدك بالتقديم على الجامعات داخل المملكة للماستر ،،

من هنا تحميل نموذج التوصية لخريجين اللغات الاوربية (روابط محدثه)


للمتخرجين ،، طريقة الحصول على تزكية علمية بالايميل

ونوع ثاني عبارة عن خطاب يكتبه لك الدكتور ولازم يوقع عليه والخطوة الاهم ختم القسم من عند السكرتير على التوصية وهذا النوع لازم تطلبه اذا بتقدم على ماستر خارج المملكة لكنه يطول لانه على بال ما تطلب الدكتور يكتبه لك وعلى بال ما يجهزه يأخذ وقت عكس النموذج يكون جاهز قدامه بس يكتب ويوقع وتختمه ،،


موفقين :-)

[ghost_9]

كم خطاب توصيه اقدر احصل عليه وكم خطاب احتاج.

واذا كان تخصص الماستر مختلف عن تخصصي الحالي ،هل عادي مايفرق وهذا فقط من الطلبات ؟

[white rose]

^

تقريبآ بين خطابين الى ثلاث احتياط للداخل

لكن للخارج مآ عندي خلفية للامانة كل دفعة لها طلبات تختلف عن اللي قبلهآ بس اقصى رقم كان خمس خطابات

اذا كان التخصص يفرق احتمال تاخذ مواد تكميلية حسب سياسة الجآمعة اللي راح تكمل فيهآ

بالتوفيق :-)

[أبو سحلب]

الله يجزاكم خير جميعا

[سعود وبس]

السلام عليكم اخوي سحلب اولا ممكن تروح الى أي دكتور يعطيك توصيات بس بشرط يكون عندك الدرجة من +c وفوق وتاخذ ثلاث توصيات

ثانيا: اول توصية ممكن يعطيك السكرتير باسم الدكتور الشهري رئيس القسم والسكرتير جدا ممتاز هذي وحدة ضمنته يصير باقي لك توصيتين

ثالثا التوصيات نوعين فيه النموذج اللي عند السكرتير وهذي تعتبر توصيات للدراسة الداخلية ويكتب اسمك وموب لازم يكون السبيلينق للاسم صحيح ميه بالمية بس يفضل يكون

والنوع الثاني النماذج اللي عند الدكاترة وهذي تنفع للتوصيات الخارجية اذا بتدرس خارج المملكة وممكن للداخل بس لازم يكون اسمك نفس السبيلينق اللي بجواز السفر مطابق مية بالمية

والله يوفق الجميع وارجو اني افدتكم ولو بقليل