السنة العامة في الهندسة

[zelme]

وعليكم السلام ورحمة الله وبركاته

بالنسبة للمواد فهي سهلة بسيطة باذن الله، وفيها التعريف باساسيات الهندسة من جميع اقسامها (الميكانيكية، الصناعية، الكهربائية،...) وذلك لكي تتسع مدارك الطالب ولا يصبح تركيزه فقط على مجال تخصصه البحت
وجميع اقسام الهندسة مترابطة ولا يمكن فصلهم عن بعض، فالعلوم مترابطة بعضها ببعض
وبالنسبة للمواد فكلها سهلة ان شاء الله للمجتهد، فهي اساسيات والاساسيات دائما تكون سهلة

في اول سنة في الهندسة حتواجهو نوعين من المواد
مواد فردية ومواد جماعية\بحوثية او تحصيلية.. كيف!!

المواد الفردية التحصيلية هي المواد اللي تذاكرها لحالك وتختبر وتسوي الواجبات وصلى الله وبارك (مثل روتين الدراسة)
وهذي المواد: Ee201 , math202 , math203 , phys202 , arab101 , isls101

المواد الفردية البحثية هي المواد اللي تشتغل طول الترم على بحث على موضوع من اختيارك وتصب كل فكرك فيه وتبحث في النت والكتب وتسال، وليس فيه اي مذاكرة او اختبارات الا اختبار بسيط عن اساسيات المادة ما يزيد عن 10 درجات، وهذي المادة انا اعتبرها من افضل مواد السنة الاولى لان فيها تغيير للروتين الدراسي الممل وتوسع مداركك وطريقة البحث العلمي وعمل استبيانات، وما ودي احرق لكم الفلم لانكم باذن الله حتستمتعون فيها ((ملاحظة: اختر موضوع بحثك بعنااااااااية))
وهذي المادة: Ie200

المواد الجماعية التحصيلية هي المواد اللي تذاكرها غالبا او تكون افضل ان ذاكرتها مع اصحابك، وبعض الاحيان قد تحتاجون الى خبرة من سبقكم فيها
ومن هذي المواد:
Meng102 (هذي المادة عبارة عن رسم، ايامنا كان فيه رسم يدوي لكن الان اتلغا اليدوي واصبح رسم بالكمبيوتر عن طريق برنامج السوليدوورك، مافيها اي نظري كل شغلها عملي وعلى الكمبيوتر، وهي توسع مدارك وخيالك العلمي)
ee201 (الجزء العملي يفضل ان تذاكره وتتمرس عليه بنفسك اولا، ثم تراجعها مع اخويانك حتى تتاكد وترسخ)
(نصيحة: في اي مادة تمر عليك، دوما ذاكرها واهضمها لحالك وحاول قبل الاختبار بساعتين او ثلاث راجع مع اخويانك، فقد تكون معلومة سمعها او ذاكرها خويك وانت ما تدري عنها ووالله تحصل كثير)

المواد الجماعية البحثية هي المواد اللي تشتغل فيها مع مجموعة مكونة من 4 الى 5 اشخاص على مشروع معين من اختياركم او من اختيار الدكتور طيلة الترم
وهذي المادة تنقسم لنظري وعملي (وهناك موضوع كامل عنها وعن كل مواد الهندسة موجود ضمن المواضيع المثبتة باللون الاحمر)
وهذي المادة ie201 وبعد ما تتخصص ان شاء الله تجي اختها ie202

بقي مادتين chem281 , phys281
هذي مواد معملية، تجري تجارب وتسجل نتايجك وتكتب تقرير وتسلمه، ولها اختبارين (نظري وعملي) وصلى الله وبارك

هذا اللي قدرني عليه ربي وله الحمد
ما كان من صواب فمنه وحده وما كان من خطا فمني والشيطان
واي اخطاء او تنبيهات لا تترددون في تنبيهنا
وربي يوفقكم وينفعبكم الاسلام والمسلمين