طلاب وطالبات اللغه الفرنسيه اللي يدرسو في المركز السعودي الفرنسي اليانس فرانسيز

[فرنسيه]

الســـــــــــلام عليكم ورحمة الله وبركاته ...


انا عضوه جديده هنا واملي بالله كبير ثم فيكم اني الاقي طلاب او طالبات يدرسو او درسو في المركز السعودي الفرنسي > اليانس فرانسيز < التابع للقنصليه الفرنسيه

واللي مقرهم في مجمع الجمجوم التجاري في جده >>> طبعا لهم فروع في الرياض والخبر بس ما اعرفها لان اللي في جده هو اللي زرته ..



انا ساكنه في المدينه المنوره و حابه التحق بدا المعهد بس لمن زرتهم في جده حبيت اخد منهم الكتب على اساس ادرسها في المدينه انتساب واجي بس اوقات الاختبارات واختبر بس للاسف يقولولي لازم اسجل اول شي بعدين يدوني الكتب ..



انا كنت ابغى الكتب اخدها قبل التسجيل بفتره عشان يكون عندي وقت اطول ادرس فيه لان طبعا لمن تكون الدراسه انتساب غير لمن تكون انتظام بيكون الموضوع اصعب
وللاسف هم بمجرد التسجيل عندهم واستلام 3 كتب تكون فترة الدراسه 3 شهور فقط .. وانا طبعا مايمديني اخلصها في 3 شهور



ياريت يا اخواني واخواتي اللي درسو او بيدرسو في المعهد تتعاونوا معايا حابه احصل على المنهج وادرسو عشان اسجل في اقرب فرصه وانا مطمنه اني ان شاء الله حكون درست كويس بما اني حعتمد على الله اولا ثم على مجهودي والنت

فـ اللي عندو المنهج حقت المستوى الاول A1 اللي هي ال 3 كتب Taxi ياريت لو ممكن اخدهم واصورهم او يرسلي هما عن طريق النت واكون شااااكره له او لها وحيكون فك عليا كربه والله يفرج عليه ويجزيه الجنه بغير حساب ولا سبق عذاب .. اخواني اخواتي منتظره تعاونكم ودمتم في رعاية الرحمــن وحفظه ...

[فرنسيه]

معقـــــــــــــــول 56 مشاهـــــــــــده ولا رد

[Mero ab]

اسم الكتاب le nouveau taxi! Méthode de français
كتاب تمارين و كتاب قراءه

ال a1 له تلالت مستويات a1.1 a1.2 a1.3
و كل مستوى ليه كتابين و كلها تداكريها عشان تاخدي شهاده delf a1 بتكون شامله التلات مستويات هادي
بتلاقي الكتاب في امازون او في مكتبات برا السعوديه او المعاهد سعرو تقريبا 300 ريال
بس انصحك تاخديه من امازون هوا افضل و اضمنلك بالتوفيق

[فرنسيه]

المشاركة الأصلية كتبت بواسطة mero ab اسم الكتاب le nouveau taxi! Méthode de français كتاب تمارين و كتاب قراءه ال a1 له تلالت مستويات a1.1 a1.2 a1.3 و كل مستوى ليه كتابين و كلها تداكريها عشان تاخدي شهاده delf a1 بتكون شامله التلات مستويات هادي بتلاقي الكتاب في امازون او في مكتبات برا السعوديه او المعاهد سعرو تقريبا 300 ريال بس انصحك تاخديه من امازون هوا افضل و اضمنلك بالتوفيق

يسلمــــــــو عزيزتي .. للاسف ما اعرف اشتري من موقع امازون لو مافيها احراج ممكن اصور منك الكتب او ترسليلي هيا عالنت وانا احملها ولكي جزيل الشكر والامتنان ...

[فرنسيه]

لرجوووووكم ساعدوني

[سعودي فرنسي]

حصلتي ع الكتاب والا لسا