سيارتي سُرِقت "صور" للتحليل وتوقع الكيفيّة .

[.. بيســـان ..]

سيف بن يزن ،،

من هنا و رايح .. أي شئ يخصك حتبتعد عنه ..

على طول قول " ربي استوعدتك هذا الشئ " ..

دي نصيحتي لك و لا تزعل أخوي .. ربي ما أخذ منك إلا عشان يعطيك أحسن

السنة اللي فاتت .. كنت في الجامعة و رحت المصلى عشان أصلي العصر

و انا ساجدة انسرقت شنطتي باللي فيها ( فلوس + جوال ) ..

و الله يا أخي هية بس شهرين ربي عوضني فلوس أكثر من اللي انسرق و رزقني جهاز جوال

أفضل من اللي انسرق بألف مرة ..

(( خليك واثق )) الله حيعوضك حيعوضك ..

و بلاء الانسان على قدر ايمانه .. و ما دام انسرقت سيارتك .. فباين عليك ما شاء الله انك انسان عندك ايمان كبير

الله يكثر من أمثالك .. نادرا ما نلاقي شبابنا في المساجد الفجر ..