|\|ملتقى الاستفسار عن دكتورات السنة التحضيرية ( للطالبات فقط ) حياكم الرحمن|\|

[Shz]

السلام عليكم..~
أنا طالبة دفعة 17 وحبيت أفيدكم عن دكتوراتي للترم الأول (خطة أ)

رياضيات: أ.غادة مطر,
أستاذة تجنننننن , حقيقي اللي تروح عندها هادي أمها داعيتلها. شرحها بططططلللل ماشاءالله عليها
خلتني أحب الرياضيات وأستمتع في الإختبارات حقيقي أستاذة رائعة الله يسعدها دنيا وآخرة يارب.

فيزياء: أ.نهى الحبشي ,
أول مرا تدرس سنة تحضيري, تدريسها مو داك الشيئ الواو.. عن نفسي ماكنت أفهم منها كتير.
كنت أحضر سكشنز وأعتمد على أشياء كتير من خارج الكلاس. بس فيه بنات كتير يفهمو منها.
ككل, شرحها مو توب, بس برضو مو سيء. إبحثو عنها بقوقل حتتحمسو لمن تقرو عن إنجازاتها وكدا.

مهارات حاسب: أ.خلود الأزوري ,
أبكي عالكياتة؟ كتكوتة مرا دي الأستاذة مو عشانها تمون معانا وتدينا وجه وكدا.. لأ أبدًا :
بس تشرح بذمة وضميير, يعني تحضري كلاسها وتطبقي معاها خلاص إضمني درجات العملي إن شاء ربي.
وأسئلتها في العملي مرا سهلة الله يسعدها ونعم الأستاذة والله

مهارات إتصال: أ.شروق كابوها ,
طبعًا مهارات الإتصال لحد يشيل هم مين اللي حيدرسو. لأن المادة من سهولتها ماتشيل هم حاجة فيها.
الأستاذة كانت عادية شرحها حلو وبسيط وطيبة مسهلة علينا أمور كتير الحمدلله
يعني أشوف أستاذات صحباتي أقول الحمدلله على أ.شروق راضية بالقليل الحلو بدون تكلّف
صراحة اللي تروح عندها حترتاح (وتكنسل الكلاسات كتير : )

والله يوفقكم جميعًا.