إيش اختار فرع في كلية العلوم؟؟؟؟؟؟؟؟

[زهرة البنفسج]

السلام عليكم ورحمة الله وبركاته:
أما بعد:
أنا طالبة في السنة التحضيرية و أعطونا ورقة نختار فيها رغبتين لو إنو كنا في كلية العلوم بس مرررررررررة محتارة إيش أختار فأبغى من كل شخص في كلية العلوم يقدملي نصيحة عن أحلى فرع في كلية العلوم
شكراً عتقديم المساعدة لكل من حيقدم

[Lil Doll]

[ وعليكم السلام ورحمة الله ]

الله يعينك ..

هيا مو حكاية ايش احسن قسم .. حكاية ايش ميولك انتي
يعني تحبي مثلا فيزيكس او ماث او بايوو
اللي تحبيه وحاسه انك حتمشيه فيه ادخليه
واستخيري طبعا وشوفي ايش اكتر قسم مرتاحه فيه
ولاتدوري عالشي السهل ترا مافي شي سهل

واحلى فرع بالنسبه ليا البايوكمستري طبعا p:

وبالتوفيق

(=

[زهرة البنفسج]

المشاركة الأصلية كتبت بواسطة lil doll [ وعليكم السلام ورحمة الله ] الله يعينك .. هيا مو حكاية ايش احسن قسم .. حكاية ايش ميولك انتي يعني تحبي مثلا فيزيكس او ماث او بايوو اللي تحبيه وحاسه انك حتمشيه فيه ادخليه واستخيري طبعا وشوفي ايش اكتر قسم مرتاحه فيه ولاتدوري عالشي السهل ترا مافي شي سهل واحلى فرع بالنسبه ليا البايوكمستري طبعا p: وبالتوفيق (=

مرة شكراً على الرد بس أنا احترت موعشانني بدورعلى السهل لأني كل ما أسأل عن قسم وأكلم بنات وأسألهم عنه يقولولي صعب وماننصحك فيه فيخوفوني

[R-Kh]

اقرأي عن كل قسم
واستخيري وقرري
...
شوفي نفسك ايش اللي جذبك
واللي تحسي نفسك فيه
دا هوا الشي اللي تحددي عليه اختيارك
...
زوري دي المواضيع وان شاء الله تستفيدي
http://www.skaau.com/vb/showthread.php?t=57344
http://www.skaau.com/vb/showthread.php?t=31619
....
ولو حابه تقري عن تخصص الكيمياء الحيوي
http://www.skaau.com/vb/showthread.php?t=48406
...
وبالتوفيق يارب
..
:)

[R-Kh]

يقولولي صعب وماننصحك فيه فيخوفوني

لو تسمعي كلام الناس محا تمشي ولا في حاجه
...
كل شي صعب حيقولوك
لكن اتحديهم
واثبتي انك تقدري
...
كلام مرررره كتيييير بنسمعو كل يوم
والله لو اني حطيت دا الكلام فـ بالي كنت من زماااان تركت القسم
...
اسمعي من اذن وخرجي من التانيه
وبإذن الله تختاري التخصص اللي يناسبك وتبدعي فيه
..
:)

[زهرة البنفسج]

مرررررة شكراً على ردك ياR_Kh وبصراحة مرررررة استفدت بكلامك

[N.AWAF]

مثل ما ردوا عليك اخواني واخواتي اعلاه
اول شئ استخيري اللي لا تنام عينه.

ثاني شئ شوفي المقررات لكل قسم والمجالات الوظيفية والدراسية بعد اخد البكالوريوس.

نصيحه اخويه : ابعدي عن قسم الفيزياء لأنه عندنا في قسم الطلاب أنا ما اقول الفيزياء فاشلة
بس ما عندنا دكاتره توصل المعلومات للطالب..
واذا حابه اسألي عن فيزياء 101 او 102 نسب النجاح فيه على الـ60 يمكن 50% والكل يشتكي منها.

[M!Ss AmoOoLa]

مافي شيء اسمه سهل الدراسة في الجامعة صعبه للي مايذاكر اول بأول

لو تسألي طالبات قسم التاريخ عن تخصصهم بيقولولك صعععب

لاتسمعييين ابد كلام البنات ترى ماعندهم سالفة-شوفي انا كنت اسمع كلامهم وضعت

انتي ميولك ايش!!!! في سنة التحضيري درسوكم ماث-فيزكس-كيم-احصاء
ايش اكثر ماده حبيتيها؟

[زهرة البنفسج]

بصراحة أنا حبيت الماث بس في ناس متخصصين ماث وما نصحوني فيها

[للعلم طالب]

تخصصي فيزياء هي مادة ممتعه ومفيده طبعا ليست سهله
نصيحتي حيث اني خريجه إذا تردين تتوظفي عليك بتخصص الحاسب أو إدارة اعمال كل مكان اقدم فيه هذه التخصصات المطلوبه غالبا
الفيزياء والأحياء وكل المواد العلميه مجال التوظيف فيها اكاديمي واصبح صعب جدا