الأسئلة والاستفسارات عن كلية طب الأسنان ..

[عبقرية]

ابا اسالكم ادا انا نسبتي الخاصة عالية وحطوني ضمن المقبولين مبدئبا وجات بنت تانية نسبتها الخاصة اوطى مني بس العامة حقتها اعلى مثلا هيا رافعها الاتصال والحاسب وزي كدا بس انا نازلة عشان كدا نسبتي العامة واطي بس مواد الطب الي يحتاجوها فيها كويس مين البنت الاولى ينقبل انا ولا هيا ؟؟؟؟؟؟؟؟؟؟


بليز جاااااااااااااوبوني محيرني دا السوال

[Dr~NanoOok]

أنا أعرف أن الأولية تكون للنسبة الخاصة .. بعدين ينظروا في النسبة العامة

[ميار خالد]

السلام عليكم مساء الخير حبيت اسال كم المعدل المطلوب في كلية طب الاسنان

[SuLaF]

السلام عليكم ورحمة الله وبركاته

يا جماعة مافي أحد جاي يقول لينا كيف ينحسب معدل طب الأسنان!!

طبعا طريقة حساب المعدل بشكل عام اكيد معروفه للكل..بس السؤال بالنسبه للمواد العامه اللي تتاخذ على مدى نصفين دراسيين. يعني مثلا العربي عندنا هوا ترم اول وترم ثاني يعني هل ينحسب كمادتين منفصلتين بحيث انو تدخل درجة الترم الأول على حدا والثاني كذلك ويصير المجموع اللي عليها ست ساعات ولا تحسب ب3 ساعات فقط لكامل السنه؟؟

طبعا هو من صالحنا انو تنحسب كمادتين منفصلتين لانو عادة الدرجات في المواد العامه عاليه فبتفيد كتييير وكمان تقلل النسبه على باقي المواد البشري او الأسنان..

وحاجة ثانيه في هرجه تقول انو سنه ثانيه أسنان عليها 5% بس من معدل التخرج. هادا الكلام صح ولا غلط؟ وليش هل كل سنه لها نسبه معينه مثلا؟

ارجو من اللي عندو خلفيه عن الموضوع يفيدني..ولكم جزيل الشكر

[مَـزٍآج ..}..]

وعليكم السسسلام . .

فيه كثير برامج تحسب المعدل . . ادخلي قوقل واكتبي راح يطلع لكـ . .

بالنسبه للموإأد العامه . . احسبي كل ماده لوحدهآ . . يعني كانها مادتين . .

يب يب . . كل سنه لها نسبه خاصه فيها . . بس بصرإأحه ما اذكر كم بالضبط . .

بس اكثر النسب تكون في رإأبع وخامس وسآدس . . لو عرفت النسبه بالضبط راح ارجع واكتبها . .

بالتوفيق .. !!

[Dr~NanoOok]

من أحسن المواقع وأكثرها ترتيب واستعمله من أنا أولى طب
http://www.yicf.com/gpa.php

ومره أريح من البرامج حقت حساب المعدل

~

بالنسبة للمواد العامة فتعتبر مستويات.. وكل مستوى يتاخد في فصل دراسي ودرجاته وعدد ساعاته منفصلة.. كل مستوى لوحده

لكن بالنسبة لمواد الأسنان أغلبها سنوية وبناخدها على ترمين
و درجاتها تنجمع كلها بنهاية السنة ..
يعني لو مكتوب أن المادة عليها 4 ساعات .. حتفضل 4 ساعات بنهاية السنة وما تتضاعف

~

بالنسبة للسنوات ومعدلات النسب حقتها
فهي كده فعلا .. و سنة ثانية تُعتبر أقل نسبة .. وفي السنوات الاكلينيكية بتكبر نسبتها وعلى حسب أهميتها
وطبعا سنة سادس عليها نصيب الأسد بالنسبة
وأعتقد فوق الـ 50 % لكن مو متأكده

[Kaira]

شـــكرا دكتور مزآج على توضيحك ^^

د.نانوكـ
يعطيكي العافية يا قلبو ومرررررررررة شكرا على الموقع ..
ربي يسعدك فين ما تكوني ..^^..

[لولو الشهري]

يعطيكم العافيه

[~RAN~]

بسألكم سؤال
الحين كاتبين لنا طب اسنان خطه جديده ؟
هي نفسها الخطه الي تدرسوها ؟

[Dr~NanoOok]

المشاركة الأصلية كتبت بواسطة ~ran~ بسألكم سؤال الحين كاتبين لنا طب اسنان خطه جديده ؟ هي نفسها الخطه الي تدرسوها ؟

من دفعة 08 اللي هي دفعتي
صاروا يكتبوا خطة جديدة

و عملوا بعض التغييرات في المواد وكمية المناهج والخطط الدراسيه

وكليتنا خلال السنوات الاخيرة بتعمل تطويرات حلوة
سواء بالجانب الدراسي.. وبالجانب المادي من توسيع المعامل والعيادات وتوفير ادوات اكثر ومتطورة بشكل اكبر