كل ماتريد معرفته عن قسم كلية الاقتصاد المنزلي (تغذية) سؤال ،، وجواب مع cinnabon

[بوليمر®]

السلام عليكم ورحمة الله وبركاته

الاخوات اعضاء المنتدى والمقبولات في قسم كلية الاقتصاد المنزلي ،، في البداية نبارك لكم قبولكن في القسم وبإذن الله الموضوع هذا راح يكون لطرح جميع استفساراتكم وتساؤلاتكم بخصوص تخصص اقتصاد منزلي تغذية

والذي سوف يقوم بالرد على استفساراتكم العضوة http://www.skaau.com/vb/member.php?u=19274

فـ نيابة عن الجميع نشكر العضوة (cinnabon) على قبولها للرد على استفساراتكم

وبالتوفيق للجميع


بوليمر®
مشرف الكليات الجامعية

[عجزت أنساك]

انا ابغى اسال سؤال يعني كيف تكون طريقة الدراسه
ومستقبلا ايش ممكن البنت تشتغل
وشكرا

[*قطــ ع ـة ســ ك ـــر*]

ايش الاقسام؟؟

وهل مستقبلها حلو ولالا

[gjs]

السلام عليكم

ممم هو لسا ما طلعت نتيجة القبول في الاقتصاد المنزلي و انا حاطتها اول رغبة عالعموم أنا عندي سؤال مهم جدا سألتو للدكتور المشاط و لكن ما رد عليا

السؤال: كم المعدل المطلوب و النسبه الموزونه للقبول في الاقتصاد المنزلي( تغذيه)

و ايش الاقسام الموجوده في الاقتصاد المنزلي المتاحه للمسار العلمي

يا ريت احد يجاوبنا على اسئلتنا لأننا الصراحه في حيررره و قلق

جزاكم الله خير

[cinnabon]

المشاركة الأصلية كتبت بواسطة بوليمر® السلام عليكم ورحمة الله وبركاته الاخوات اعضاء المنتدى والمقبولات في قسم كلية الاقتصاد المنزلي ،، في البداية نبارك لكم قبولكن في القسم وبإذن الله الموضوع هذا راح يكون لطرح جميع استفساراتكم وتساؤلاتكم بخصوص تخصص اقتصاد منزلي تغذية والذي سوف يقوم بالرد على استفساراتكم العضوة cinnabon فـ نيابة عن الجميع نشكر العضوة (cinnabon) على قبولها للرد على استفساراتكم وبالتوفيق للجميع بوليمر® مشرف الكليات الجامعية

وعليكم السلام ورحمة الله وبركاته ..

فالبداية أحب أشكر الأخ بوليمر والاخت ساكنة في بيتنا لمنحي هذهــ الثقة ، ويسعدني ويشرفني الإجابة على اسئلتكم واستفساراتكم حول تخصص التغذية .. مع تمنياتي لكم بدوام التوفيق ..

[cinnabon]

المشاركة الأصلية كتبت بواسطة عجزت أنساك انا ابغى اسال سؤال يعني كيف تكون طريقة الدراسه ومستقبلا ايش ممكن البنت تشتغل وشكرا

هلا اختي بالنسبة لسؤالك في البداية مو واضح كتير
بس حجواب ع حسب مافهمت
انو الدراسة فيها يكون بالعربي والانجليزي بس اغلب موادها تنعطى بالعربي وكمان في مصطلحات انجليزية تحفظيها
بس في مادتين سمعت ما تنعطى الا بالانجليزي وحدة مادة اختيارية "استشارات غذائية"
والمادة التانية الاجبارية " تقييم الحالة الغذائية" ودي المادة بتتاخد في اخر سمستر
حاخدها ان شاء الله الترم الجي يكون الشرح فيها اغلبو انجليزي وفي شوية عربي وكمان اسئلة الاختبار فيها بالانجليزي
وكمان في مواد فيها قسم نظري وقسم عملي لكل قسم في ليها واجبات
واغلب الواجبات و الشغل حيكون بالانجليزي وترجمي لانو ماتلاقي عربي الا قليل وكمان هما بيطلبو كدا
لانك لما تجي تبحثي بستخدمي مواقع معينة تكون .org و .edu و .gov وانها ما تكون منتديات
بس مو يعني لو ما عندك انجليزي ما حتمشي الحمد لله انا ماشية ومعدلي ممتاز
وبالنسبة للاختبارات تكون دورية وتختلف صياغة الاسئلة من استازة لاستازة

بالنسبة للشغل
العمل كمتخصصة في التغذية في المؤسسات التغذوية والصحية وخدمة المجتمع
العمل كمتخصصة في أعداد و تصنيع الأغذية في مؤسسات الإنتاج الغذائي و تغذية الجماعات.
العمل في مراكز الأبحاث العلمية .
العمل الخاص من خلال إقامة المشروعات الصغيرة و العمل من المنزل
مواصلة الدراسات العليا ومن ثم الانضمام إلى أعضاء هيئة التدريس بالجامعة .
ان شاء الله اكون افدتك :)

[cinnabon]

المشاركة الأصلية كتبت بواسطة *قطــ ع ـة ســ ك ـــر* ايش الاقسام؟؟ وهل مستقبلها حلو ولالا

حاليا مافيها الا قسم واحد الا هوا الغذاء والتغذية والي يهتم بتغذية المجتمع
ويقولو يبغو يفتحوا فيها قسم تاني لي علاقة بتكنلوجيا الاغذية

بالنسبة ع المستقبل
تلاقي الاجابة في الرد على عجزت انساك

[cinnabon]

المشاركة الأصلية كتبت بواسطة gjs السلام عليكم ممم هو لسا ما طلعت نتيجة القبول في الاقتصاد المنزلي و انا حاطتها اول رغبة عالعموم أنا عندي سؤال مهم جدا سألتو للدكتور المشاط و لكن ما رد عليا السؤال: كم المعدل المطلوب و النسبه الموزونه للقبول في الاقتصاد المنزلي( تغذيه) و ايش الاقسام الموجوده في الاقتصاد المنزلي المتاحه للمسار العلمي يا ريت احد يجاوبنا على اسئلتنا لأننا الصراحه في حيررره و قلق جزاكم الله خير

هلا اختي

بالنسبة للمعدل والنسبة الموزونة ما عندي خلفية
بس الي اعرفوا انو سار يعتمد على الانجليزي ويكون من 85 وفوق

بالنسبة للمسار العلمي االي اعرفوا قسم التغذية والتصميم الداخلي

ولا تخااافي ان شاء الله يارب يسهلك بالتخصص الي تبغي وتحبي

[LazoOord]

طيب انا راح عليا اختبار

قبول التصميم الداخلي

عادي لو دخلت علوم بعدين حولت

ودرجتي الانجليزي لو أطلع القمر وانزل ما قربت من 85

عادي أنقبل ولا لا ؟؟؟؟؟؟؟

[rnd]

و عليكم السلام و رحمة الله و بركاته ...

سؤالي :

لو تخرجنا من ( بكالريوس ) التغذيه مارح نطلع أخصائيين تغذيه ..

و لو أخذنا (ماجستير) تغذيه .. نطلع فنية تغذيه ..


هذا الكلام سمعته من البنات اللي متخصصات تغذيه ..

هل هذا الكلام صحيح ولا لا ..؟

لأنه في دكتورة عندنا لمن أخذنا ( مدخل الى الاقتصاد المنزلي ) قالتلنا انه اذا أخذتوا ماجستير تغذيه تطلعوا (أخصائية تغذيه ) ..

يعني ممكن تشتغلي بمستشفى أو عياده زي كذا ..

أتمنى تفيديني أي كلام هو الصح ؟


و مشكوووورة مقدمـاً ..

:)

هذ