تصويت ماهو افضل تخصص في الكلية

[NOIR]

كل واحد راح يحط تخصصه و يقول تخصصي حلو و أفضل و أقوى تخصص XD



اغلب الي اعرفهم كانوا يبغوا يدخلوا طب و ما قدروا .. يدخلوا هذه الاقسام الاربعة
فيزياء و كيمياء حيوي و كيمياء و احياء

في جامعة عزوووز قسم شطر الطالبات مااااااارا ما اعتقد يعتبر الحاسب افضل تخصص اذا الواحدة تعتمد على الدكاترة و الاساتذة في الشرح و لا حتضيع ..
و لازم تكوني اجتماعية لأنه عندهم مشاريع كثيييييييرة
شيء ثاني في الحاسب لازم لازم تكوني عارفة انجلش تماااااام التماااااام عشان تمشي فيه

نجي عند الرياضيات و الاحصاء
شتااااان ما بينهمااااااا
الاحصاء شيء و الرياضيات شيء في عالم ثاااااني
الرياضيات يعتمد على الرموز يعني الناس الي تعرف للشفرات تمشي
اما الاحصاء شيء في واقع حياتك مو شفرات و رموز
في ناس تعرف للرموز و في ناس ما تعرف لها <<< زي وحدة اسمها noir XD


و كل قسم مهم بغض النظر عن مستقبلهم الوظيفي يعني لو الناس اتزاحموا على تخصص واحد ما راح يصير مطلوب , و حتشوفوا هذا الشيء لمن تقدموا على وظايف ما يطالعوا في الشهادة الجامعية يقولك انا ابغى شهادة خبرة بس اهم شيء و الله لو لبكرة داخل قسم بس عن غير قناعة ما حتمشي بالمرررررة !!