ســاعــدونـــــــــــــــــــــــــــي ):(قبول في جامعتين)

[ياسوو]

السلام عليكم ..

انا نسبتي 80.24

قدمت في جامعه ام القرى بمكه وجامعه الملك عبدالعزيز

فموعدي بجامعه ام القرى يوم 11

والملك عبد العزيز 14

مع العلم ان انا ودي ادخل طب وفي ام القرى انتهت اقسام الطب

هل في عبدالعزيز يقبلوني انتظام وسنه تحضيريه ولا وش

لان موعدي اخر يوم ووقتي من 8 الى 9

ارجوا افادتي باقرب وقت بلييييز

[البرنس11]

ههههههههههه والله ياختي انا نفس الحاله ونفس المواعيد ونفس التواريخ

ومره محتاااااااااار شوفي اذا انتي في جدة خليكي في عبد العزيز احسن واريح

ونعم عبدالعزيز فيها سنة تحضيريه

واهم شي استخيري ان شاءالله عن نفسي ابغى عبدالعزيز

بالتوفيق

[ياسوو]

طيب تتوقع اننا ننقبل انتظام في الملك عبدالعزيز

وانا بمكه بس اقسام الطب قفلت

[S O N A]

شوفي إنتي روحي يوم الأحد أم القرى شوفي المسارات المتاحة إذا حصلتي مسار كويس وتبغيه سجلي إذا ما حصلتي كنسلي أم القرى ,,


بالنسبة لـ عبد العزيز [ تفائلوا بالخير تجدوه ] إن شاء الله تكوني إنتظام وإذا انتقالي عادي ترى كلو زي بعض بس الفرق الأول بمكافاءة و التاني لا

[ياسوو]

مشكوووره سونا

ان شاء الله الي فيه خير ربي يكتبه

[البرنس11]

والله مدري بس احتمال ضعيف ان شاءالله نقبل

قولي يارب بس

[ياسوو]

ربي يسمع منك

بس انا سمعت ان في جامعه الملك عبدالعزيز اذا رحنا قبل الموعد يقبلونا عادي مايقولون شي

عشان كذا احتمال اروح السبت واشوف

واذا بتروح امش من بدري

واللي فيه خير ربي يسره

[البرنس11]

غريبه اول مره اسمع بدا الكلااام !!

اتمنى الباقيه يفيدونا

[ياسوو]

الي يعرف شي لا يبخل علينا

[A N G E L]

اممم
صراحة انا صارتلي نفس المشكلة :)
كان موعد التقديم جامعتنا نفس موعد تقديم ام القرى
لكن جيت جده :)
مع العلم اني من سكان مكه
لكن نظرا للعشوائية وفيتامين ( و ) اللي شوفتو صراحة بطلت من مكه << انا ما انقص من قيمة الجامعة لكن احكي اللي صار وقت القبول
والحمد لله عديت السنة ودخلت الطب :)
.......
وانا رايي من راي الاخت..انو تروحي ام القرى وتشوفي المسارات اللي تقبلك :)
اللي يعجبك ادخليه
فالافضل تشوفي اللي يريحك
من ناحية انو انتي ضامنة القبول في المكان اللي انتي داخلتو
وثاني شي يكون قريب من اهلك :)
توكلي على الله
وان شاء الله تروحي مكاان ما تبي
تقبلي مروري