أخ يلدرم ممكن تتفضل

[سماح زكريا]

السلآم عليكم ورحمة الله وبركآته


حأدخل في آلموضوع على طول


عندي ثلآث مشآكل وآجهتني في آلقبول وآلتسجيل وفي آلجامعه بشكل عآم


المشكلة الأولى:
أنا لما رحت أسجل بموعدي اللي كآن بالأيام الأولى من نتايج آلفرز وفي آلمرحلة آلأخيرة من استلآم آلبطآقة آلجآمعيه سألتني آلمسؤوله عن آلجهاز اللي قدآمي<< تبغي جآمعه واللآ كليه قلت جآمعه
آلمهم أعطتني آلبطآقه وقآلتلي مبرووك المشكله هي إنو البطاقه مع الورقه اللي زي الفاتورة كوولهآ مكتووب فيها فرع البنات وبالضبط كذا:

مبــروك ...
تم قبولك بجامعة الملك عبدالعزيز
رقم الطالب: ــــــــــــــــــ
الإسم: ـــــــــــــــــ
المسآر: تحضيري علمي فرع البنات
يمكنك الإطلآع على جدولك الدراسي وبياناتك على الرابط:
ــــــــــــــــــــــــــــــــــــــــــــــــــ ــــــــــــ
فضلآ التوجه إلى القاعه رقم (9)

^
^
^
إش يعني فرع البنات؟؟؟؟ وأنا إخترت جآمعه؟؟؟ صحبآتي ماكتبولهم فرع البنات

جدولي ماطلع؟؟؟ يحتاج أراجعهم؟؟؟ <<< لآتقولي ايوا إذا براجعهم رح يكون الحل النهائي بس بعد مساعدتك ليا

المشكلة الثآنيه:

البطآقة الجامعيه مكتوب فيها:

الرقم الجآمعي: ــــــــــــــــــــــــ
الإسم: ـــــــــــــــــــــــــــــــ
الكلية: السنة التحضيرية علمي
نوع الدراسة: السنة التحضيريه-فرع البنات
الجنسية: ــــــــــــــــــــــــــــــ
رقم الهويه: ــــــــــــــــــــــــــــــــــــ

أولآ: نسبتي عاليه فمن المستحيل إنو تكون المقاعد شاغره
ثانيا: البنات اللي جايبين فوق نسبتي اللي هي 88.92 قليل فمستحيل الجآمعه تقفل على هذا العدد القليل

إش يعني أنا بأدرس التحضيريه فين؟؟؟ وأنا إنتظام واللآ ايه..؟؟؟

طيب فيه طالبات نزلت جداولهم بنفس اليوم؟؟

المشكله الثآلثه:
لما أكتب رقمي الجآمعي في نظام الخدمات الأكاديميه ورقمي السري اللي هوا رقم هويتي من اليسار لليمين بدون الرقم الأول يكتب لي مسج باللون الأحمر:
لا يسمح لك باستخدام النظام
حالتك الدراسية
مستمر في الدراسه

</span></span>

كيف مستمر في الدرآسه وأنا لسا ماقلت بسم الله في الجامعه؟؟؟


وكمآن أبغى رقم عمادة القبول والتسجيل بس طآلبات لأني دقيت على الرقم اللي حاطينو في الرابط طلعلي طلآب

الله يرضى عليك رد على موضوعي بالتفصيل الممل

[يلدرم]

اول مشكلة ان فرع البنات هو كلية التربية وليس الجامعة

مشكلة نظام odus انه مااتفعل لك النظام وراح يشتغل قريب

[سماح زكريا]

اش يعني انا بأدرس في الكليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سماح زكريا]

طيب كيف تسألني وقلتلها جامعه يعني التحضيريه ادرسها بالكليه وبعدين باقي السنوات بالجامعه؟؟

[يلدرم]

فرع البنات معناه في الكلية وليس الجامعة

انت في جدة؟؟؟

[سماح زكريا]

إيوا أنا من سكآن جده

طيب ليه تسوي زي كذا أنا قلتلها جآمعه

[يلدرم]

اذا تقدري تروحي الجامعة الان او بكره على اقل تقدير

عميد شطر الطالبات واذا مافي الوكيلة وتكلميها عن الموضوع

الخطأ خطأ الموظفة وياكثر اخطائهم وهم يتحملو

تتأخر العميدة ولا حتى تقول المسارات اتقفلت او الكلية زي الجامعة ومن كدا الكلام هيا تقدر تساعدك لو تبغى

انا عارف ان العميدة الان اتغيرت ولكن روحي عندها وان شاء الله تزبط الامور

[سماح زكريا]

طيب لو ساعدتني حيكون زيي زي أي بنت أخذت ذي النسبه في ذاك اليوم بس ماكتبولها فرع البنات ؟؟؟
واللآ حيحطووني تأهيلي وإنتقآلي ؟؟


أنا خايفه من ذا الشي

[يلدرم]

المشاركة الأصلية كتبت بواسطة سماح زكريا طيب لو ساعدتني حيكون زيي زي أي بنت أخذت ذي النسبه في ذاك اليوم بس ماكتبولها فرع البنات ؟؟؟ واللآ حيحطووني تأهيلي وإنتقآلي ؟؟ أنا خايفه من ذا الشي

حتى لو انتقالي او تاهيلي فالمكافأة مااظن تفرق عندك اول سنة

اهم شئ التخصص وانت كلميها على الانتظام

[سماح زكريا]

طيب ابغى رقم مباشر ع العميده