بلييييز ادخلوا ...

[*كوفي*]

السلام عليكم ورحمة الله وبركاته
الحمد لله انقلبت في الجامعة " سنه تحضيريه مسار علمي "
بس عندي كم سؤال وكم استفسار ؟؟ أرجو من الأعضاء الرد عليها
س1/ متى الدوام في الجامعة يبدأ (ياريت التاريخ بالضبط) ؟ في ناس يقولوا انه بعد المدارس بأسبوعين أو أسبوع ...
س2/ متى نأخذ الكتب ؟؟ ومن أي مبنى بالضبط؟
س3/ اختبار تحديد المستوي للغة الانجليزية 14/10 سمعت انه في كتاب للاختبار هل هذا صحيح ولا لا ؟؟وإذا صحيح ياريت اسم الكتاب وفي أي مكتبه وكم سعره ؟؟
س4/ كيف الواحد يقدر ينتقل من مبنى للآخر هل بالمشي ؟؟ >>>>=== حراااام تعب
جدولي خطه ب بس في أربع مواد (أحياء عامه - كيمياء عامه - إحصاء عام –اللغة الانجليزية "للعلوم " )
س5/ أش الفرق بين الخطة أ وبين الخطة ب ؟؟
س6/ بس هذه المواد اللي ندرسها طوال السنة التحضيرية ولا الترم الثاني مواد أخرى ؟
س7/ وبعدين وين مواد الدين اللي يقولوا إنها ترفع الواحد وتزيد من المعدل ؟؟
س8/ في الجدول طوال الأسبوع الدراسة ولا في أيام مانروحها ؟؟
س9/ أش يعني اللغة الانجليزية "للعلوم "" ؟؟
س10/ هل جميع الاختبارات باللغة الانجليزية ؟
س11/ متى يبدأ تسجيل الأجانب "ضروري " عشان صحبتي وكم المعدل الموزون المطلوب لهم ؟؟
س12/ هل توجد مكافأ في السنة التحضيرية ؟؟ وكيف نأخذها ؟؟ >>>=== لاحظوا أهم شئ المكافئة ..
س13/ أش يعني تسكين دائماً اسمعها ؟؟
سوووووووري طولت عليكم بالأسئلة بس ضروري الله يوفقكم احد يجاوب عليها لان أنا مرررره خائفة وما عندي احد يجاوب عليها إلا انتم ..
هذه الورده لكل اللي يردوا <<<== مسويه اغراء انتي وجهك

[بـ س ـام]

أهلا ستو ، حجاوب على اللي أعرفه ..

:

1- من التاريخ المكتوب عندك في أول ماده تحت خانة تاريخ التسجيل (تلاقيها في الجدول)
2- الدكتور يعطيكي إسم الكتاب وتروحي تشتريه بنفسك من مكتبة جرير خخخخخخ
4- لا في لكل طالبه دراجة خاصه فيها بكفرات صغيره مساعده تنقلها من مبنى لمبنى أما الطلاب بدون كفرات مساعده
5- في مواد مو موجوده بالخطه ب ، راح تاخديها الترم الثاني في الخطه أ
وسواء أخترتي إلحين ب أو أ راح تاخدي الخطتين في السنة
8- على حسب الأيام مكتوبه عندك بالجدول شكلك مو فاهمه الجدول أو ماتعرفي وينه أساسا صح ؟
10 - نعم للأسف :(
12- أكيد في لو مافي مادخلت أصلا هههههههههههههههههههههههههههههههههههههههههههههههههه ههههههه
أول أسبوع ياستو راح تخلصي إجرائات المكافأة والبطاقة حق سامبا وكل شي ويصير تنزلك على الحساب
ولمزيد من التفاصيل أنتظري الأعضاء
13- معناها على ما أعتقد خخخخخخ التسكين في السكن حقهم للي ماعندهم أهل في جده أو بيت في جده
14- ترى مشيت عليكي الهرجه مافي دراجات هههههههههههههههههههههههههههههههههههههه أكيد برجولك
طبعا أنصحك بكريم واقي للشمس أو تجيبي معاكي مظلة صغيره زي مابتسوي بعض البنات ..

أي خدمه يا فندم ..

[rayyan1444]

بسام جبت العيد يا رجل ... التسكين يكون بعد السنة التحضيرية يعني التسكين في كلية من كليات الجامعه

[rayyan1444]

والدوام يبدا 14 / 10 /1430

[rayyan1444]

7- مواد الدين واللغة العربية تاخذيها بعد السنة التحضيرية .. الدين 4 مستويات واسم المادة ثقافة اسلامية واللغة العربيه مستويين

[بـ س ـام]

المشاركة الأصلية كتبت بواسطة rayyan1444 بسام جبت العيد يا رجل ... التسكين يكون بعد السنة التحضيرية يعني التسكين في كلية من كليات الجامعه

ههههههههههههههههههههههههه أنا كدا قصدي بس ماعرفت أعبر مزبوط سوري

[كلي احساس]

س1/ متى الدوام في الجامعة يبدأ (ياريت التاريخ بالضبط) ؟ في ناس يقولوا انه بعد المدارس بأسبوعين أو أسبوع ...
عادي دوام الجامعة يبدأ مع اول يوم للمدرسة ... بس بعض الدكاترهـ ما يبدؤوا يدرسوا الا بعد اسبوع
لكن في بعضهم من الاتنين او التلوت يبدؤوا

س2/ متى نأخذ الكتب ؟؟ ومن أي مبنى بالضبط؟
لمن تيجيكي الدكتورهـ حتعطيكي اسم الكتاب وانتي تشتريه من جرير او اي مكتبة من المكتبات حوالين الجامعة


س4/ كيف الواحد يقدر ينتقل من مبنى للآخر هل بالمشي ؟؟ >>>>=== حراااام تعب
يب بالمشي خخخخخخخخخخخخخخ

جدولي خطه ب بس في أربع مواد (أحياء عامه - كيمياء عامه - إحصاء عام –اللغة الانجليزية "للعلوم " )
س5/ أش الفرق بين الخطة أ وبين الخطة ب ؟؟
خطة ( أ ) يدرسوا رياضيات وفيزيا وحاسب ومهارات اتصال وانجليزي زيكم
وخطة ( ب) يدرسوا المواد اللي عندك دي

وفي الترم التاني خطة ( أ ) يدرسوا مواد خطة ( ب )
وخطة ( ب ) تدرس مواد خطة ( أ )
ما فرقت يعني

س6/ بس هذه المواد اللي ندرسها طوال السنة التحضيرية ولا الترم الثاني مواد أخرى ؟
زي ما قلتلك فوق الترم التاني تدرسي المواد اللي اخدتها خطة أ في الترم الاول

س7/ وبعدين وين مواد الدين اللي يقولوا إنها ترفع الواحد وتزيد من المعدل ؟؟
ما ادري ... احنا العلمي ما درسنا اي مادهـ من مواد الدين ..


س8/ في الجدول طوال الأسبوع الدراسة ولا في أيام مانروحها ؟؟
كل يوم .. ما شفتي جدولك انتي ؟؟

س9/ أش يعني اللغة الانجليزية "للعلوم "" ؟؟
يعني انجليزي حق المسار العلمي
لانو كمان في انجليزي تاني حق المسار الادراي والانساني


س10/ هل جميع الاختبارات باللغة الانجليزية ؟
يب .. ما عدا مهارات الاتصال ... والحاسب يكون برضو بالعربي بس المصطلحات دي حقت الحاسب بالانجليزي


س12/ هل توجد مكافأ في السنة التحضيرية ؟؟ وكيف نأخذها ؟؟ >>>=== لاحظوا أهم شئ المكافئة ..
في للسنة التحضيرية الانتظام .. خخخ وتاخديها من الصراف لووووووووووول
هما بعد اسبوع او اسبوعين راح يقولولكم تعالو خدوا بطاقة الصراف ولمن تستلميها لازم تروحي البنك تفعليها

س13/ أش يعني تسكين دائماً اسمعها ؟؟
التسكين في الكلية يعني لمن تخلصي السنة التحضيرية حتخشي اي كلية ( طب ولا صيدلة ولا علوم ............ الخ )

[*كوفي*]

بـ س ــام
rayyan1444
كلي احساس
يسلموا على المرور
الله يوفقكم إن شاء الله

[Esra'a5992]

أفدتونا بالإجابات ...:)