توظيف أول 30 سعودية عاملات منازل بمرتب 1500 ريال شهريا

[اريج الورد]

المشاركة الأصلية كتبت بواسطة يلدرم سبحان الله طيب ناس محتاجه وتبغى تعيش نقول لها لا غازي القصيبي ولا غيره ماله حق يمنع احد من العمل مادام مايخالف الشرع ويعنى السعودية الفقيرة لازم تموت من الجوع عشان فلان ولا فلانه مايبغوها تشتغل هذه مااختارت هذه الوظيفة الا لأن مافي احد يصرف عليها وعلى اولادها كل شئ تبغو تمنعوه بعدين مو أي وحده راح تشتغل الا اذا كانت مغلوب على امرها واللي يقول عادات ومااعرف ايش ومجتمع عربي طيب الفقراء كان زمان يرضعو الاطفال عشان يعيشوا ويأكلو اطفالهم هل كان عيب الله لا يكتب علينا ولا على اهالينا اللهم اغنهم واسترهم ولا تحوجهم لأحد يارب العالمين وارحم فقراءنا وامحق البركة من اموال كل غني لم يخرج حقك اللي بنيت عليه الاسلام( الزكاة)

اهلين يلدرم ..
ابرد عليك بس ياويلك توقف العضويه ..<<متعقده
شوف اخوي فيه فرص كثيره ..لمثل الفئه هذي ..يعني مثل رد احد الاعضاء ..اللي
اقترح الشغل بالمصانع ..ليه اكثر الدول المصانع تكون نسائيه وحنا لا ..لاننا مانرضى
ان حريمنا يشتغلون بس تشتغل خادمه هذا اللي قدرت عليه ..لا مو هذا اللي تقدر عليه ..
اشياء كثيره نقدر نسويها ..بس مااحد يقدرنا مامعك شهاده كفوك تصيرين خادمه ..
ليه طيب ..
اول ماقالوا انهم راح يخلون الاسواق نسائيه الكل قام وقال لا ..الا حريمنا مايشتغلون
هذي الشغله بس خادمه لاعادي روحي لبيوت الناس وضفي اللي عقبهم ..
عادي وش فيها طيب دوري لقمه عيشك صيري شغاله ..
لو بس يوزعون نص التبرعات اللي يتبرعونه لبرى كان ماشفت الناس تشتغل
هذي الشغلات ..قبل فتره قريت موضوع كان يتكلم عن السعودي اللي خسر من الاسهم
واشتغل طباخ ..الكل ايده وانا من المؤيدن وافرح اشوف سعودي يشتغل كاشير او سواق تاكسي..
بس بنت عمره 20 سنه تشتغل خادمه ليه ..بعمر صغير اشتغل هالشغله ..لا انا مارضاه لبنات
عمري ..
بعدين حنا ماتكلمنا عن الدكتور غازي الا من اقوال هو اللي قاله ..
قبل فتره يوم منع استقدام الخادمات من برا تكلم عن هذي الناحيه ..وانه المفروض تكون
الخادمات من بناتنا ..

الله لا يكتب علينا ولا على اهالينا اللهم اغنهم واسترهم ولا تحوجهم لأحد يارب العالمين وارحم فقراءنا وامحق البركة من اموال كل غني لم يخرج حقك اللي بنيت عليه الاسلام( الزكاة)

اللهم امين ..
واختلافنا لايفسد للود قضيه ..(ورده للكل )