شاركونا بإبداء ارآءكم حيال المواد التي أخذتموها .. اساتذتها .. اسئلتها .. ضع تجربتك

[القصير]

المشاركة الأصلية كتبت بواسطة *$ الوردهـ الورديه $* كيف كان اسئلته في الاختبار هل مقالي او موضوعي واسئلته صعبة فيها غموض او سهله ...وياشر معاكم في الكتاب ويحذف ولا وشكراااا

اسئلتو موووووووووووووية وواضحة جدا واختياري وصح وخطا ماياشر شي ومحد اصلا ياشر شي لكن الملخص مرة مختصر بقوة وسهل اقسم بالله قريت الكتاب مرة وحدة وقبل الاختبار يمكن باسبوع بس وليلة الاختبار بس زاكرت الملخص والاسئلة اللي عطانا هي وشوفي كيف درجتك ان شاءالله فوق95.

[*$ الوردهـ الورديه $*]

المشاركة الأصلية كتبت بواسطة القصير اسئلتو موووووووووووووية وواضحة جدا واختياري وصح وخطا ماياشر شي ومحد اصلا ياشر شي لكن الملخص مرة مختصر بقوة وسهل اقسم بالله قريت الكتاب مرة وحدة وقبل الاختبار يمكن باسبوع بس وليلة الاختبار بس زاكرت الملخص والاسئلة اللي عطانا هي وشوفي كيف درجتك ان شاءالله فوق95.

يعطيكي العافيه ..
موفقه..~

[شمائل]

نصيحة لوجه الله تعالى :
المواضيع مثل هذه
تفتح باب الغيبة ..
فلننتبه على حسناتنا من أن توزع ..
وأيضا :
ستصبح سيئة جارية
كل من كتب اسم الأستاذ/ة في النت
طلع له هذا الموضوع وأمثاله ..
وقد يجد فيه ذم للأستاذ/ة !!
فلنكن أكثر حذرا أحبتي وفقنا الله جميعا ..

[آمال وطموح]

^^

الحق لازم ينقال يالغلا عشان الطلاب الجدد ياخذون حذرهم

[غيم تايه]

المشاركة الأصلية كتبت بواسطة شمائل نصيحة لوجه الله تعالى : المواضيع مثل هذه تفتح باب الغيبة .. فلننتبه على حسناتنا من أن توزع .. وأيضا : ستصبح سيئة جارية كل من كتب اسم الأستاذ/ة في النت طلع له هذا الموضوع وأمثاله .. وقد يجد فيه ذم للأستاذ/ة !! فلنكن أكثر حذرا أحبتي وفقنا الله جميعا ..

حياك الله يا اختي :

انتي في المستوى الخامس ، ومشاركتك هذه هي الثانية ، ياليت الثالثة تقولين لنا عن الفصول السابقة
وكيف مرت عليك وتعامل المعلمات او الدكاترة معك ، وبالطريقة اللي تعجبك ، انا الآن اسألك وياليت تجاوبيني من افضل المعلمات اللي درسوك ؟ وتنصحين اختي اللي توها بتخصص في الدراسات من افضل من تتلقى العلم منه ؟ ولا من وجهة نظرك كل معلمات الجامعة على نفس الدرجة والتأهيل ؟ وأي وحده من واقع تجربتك في السنتين الماضية والنصف كانت الصعبة أو الأقل مهارة في ايصال المعلومة ، يعني استخدمي اي وصف يعجبك ؟ شاكر لك مداخلتك وياليت ما تكون الأخيرة ، انتظرك واوعدك ما اسمح بالغيبه ولا النميمة وعندما يصل الموضوع لهذه الدرجة ، نسوي له تصفيه ونغلقه .
علماً أنه فيه مراقبة ، وفوقها الأدارة ، ما راح يسمحون بهذا الشيء ، فإذا يأستي مني فأن شاء الله ما يخذلوك .
بالتوفيق يارب .

[شمائل]

ما كان المقصود أن كل مايكتب في هذا الموضوع يعد غيبة ..
فثمة ردود مفيدة و مقننة لا تتطرق للغيبة والكلام الجارح وهذا الذي طلب من الجميع عند كتابة الموضوع ..
لكني وجدت في بعض الردود عكس ذلك ..
لذلك قلت من باب التنبيه "فلنكن أكثر حذرا" ..
عموما ليكن هدفنا نفع الغير بدون أن نضر أحدا أو نتضرر في ديننا ..
نسأل الله أن يرينا الحق حقا وأن يرزقنا اتباعه والباطل باطلا ويرزقنا اجتنابه ..

[غيم تايه]

المشاركة الأصلية كتبت بواسطة شمائل ما كان المقصود أن كل مايكتب في هذا الموضوع يعد غيبة .. فثمة ردود مفيدة و مقننة لا تتطرق للغيبة والكلام الجارح وهذا الذي طلب من الجميع عند كتابة الموضوع .. لكني وجدت في بعض الردود عكس ذلك .. لذلك قلت من باب التنبيه "فلنكن أكثر حذرا" .. عموما ليكن هدفنا نفع الغير بدون أن نضر أحدا أو نتضرر في ديننا .. نسأل الله أن يرينا الحق حقا وأن يرزقنا اتباعه والباطل باطلا ويرزقنا اجتنابه ..

الله يعطيك العافيه اجابة شافيه كافية لجميع اسئلتي شكرا لتجاوبك ..

[soooooma]

الله يسترر

[يحلمون...~]

السسلا عليكم ورحمة الله وبركاته ..
طبعآ راح اقول لكم تجربتي هذآ الترم آخذت آربع مواد بسس ..
طبعا الاساتذه والدكتورات اللي قلي عليهم الأخ غيم تايه الله يجزاهـ الفردووس الأعلى ويوفقه ويستر عليه وين ماراح .."

شرح + اسئله جنآآآآآآآآآآآآآآآآآآآن

علوم قران مع الدكتورة / مريم السباعي الله يجزاه كل خير يارب اسئلته في الأختبار موضوعيه ومقاليه
بنسبة للمقالي مره سهل يعني مثلا عددي 2 أو مثلا قالت المعجزه نوعان اذكريها مع ذكرن مثال لكل نوع بسسس


فقه العبادات /(1 ) الدكتورة منيرة المريطب
هيا تعتمد ع الكتاااااااب صح تشرح بس تقول انا اعتمد في الاختبار ع الكتاااب لانو الكتاب في احكااام كثير
شرح حلووووو اللي راح ينزلها عندها لازم يكتب شرحها لانو انا كتبت شرحها وفهمت الماده معاها وحسيتها سهله بكثيرررر لانو الكتاب بدون ما تكتبو شرحها بتحسوا نفسكم ضايعين
واسئلتها جات حلووه بس يبيلها تركيز الاسئله جات حلوه بس في بعض الاسئله جات فيه شوووي غمووض اللي يركز اكثر بيحلل انا الحمدالله جبت عندها درجه حلووه :)
اسئلتها موضوعيه
8
8
<< الترم الثاني باخذ فقه العبادات /2 عندها لانو شرحها حلو وبصراحه ما تتفوت


العقيدة الاسلاميه (1)/ مع مي المدهوون الشرح تمام
بس في آخر محاضره الله يسعدها أشرت لنا الكتاب والأدله مرررره عسسل
واسئلتها جاااااات تهببببل بس للاسف مدري وش فيني جبت عندها درجه مو حلوه
واسئلتها موضوعيه ومقاليه << المقاليه جابتها فراغاااات
المقاليه حليتها صح الحمدالله بس عشان الادله جابت 15 دليل وجابت الشاهد لكل دليل في زي الجدول
انا ضعيت درجاتي في الادله مع انها سهله حليت منها اربعه صح والباقي غلط عندي
بس ترى جابت 45 سؤال حرام ولله لو جابت 50 او اكثر عشان ما ننقص في الدرجات اكثر
بس الحمدالله عديت عندها بس تعاملها حلوووو وكل شي فيها حلووو الله يسعدها دنيا واخره


الفكر الفلسفي في ضوء الأسلام مع الدكتور سعيد الافندي الغامدي << فديت ولد قبيلتي << برااااا
نرجع لموضوعنا وشسمه
ما يحتااج ماشا الله عليه شرح واااضح ويفهم ويدخل المعلومه صح لانو يراجع في كل محاضره اللي اخذناه قبل صح ماختمنا المنهج بس اسئلته كلها جات من الاسئله اللي قالها في محاضراته يعني اعتمدوا على محاضراته
والحمدالله جبت عنده درجه عااااااااليه الحمدالله الله يسعده ويستر عليه
واسئلته موضوعيه

وبث كذا خلصت
:)

[اكاديا]

استاذه سوسن معلمي ماشاء الله عليها شرحها وافي وماعليه كلام صحيح من الجلده الى الجلده بس تشرح بشكل ممتاز اخذت معاها ثقافه 2
والسبب انه من الجلده الى الجلده انها مو هي اللي بتحط الاسئله كانوا مجموعه

استاذه ناهد عياش فقه السيره ماشاء الله عليها مبدعه بالشرح وتحاول تساعدنا وتخفف علينا استمتعت معاها كثير