كُلِّ مَا يَخْتَصُّ بِالْدَّوْرَةِ التاهيَلَيْهُ (الطلاب فقط)

[مشعل8486]

اخوي سلطان علي تحميل الروابط بس ياليت تفيدنا لو شرحت لنا اكثر والف الف شكر علي مجهودك

وحاب أسالك بس الي حملته هو المطلوب وحبيت أسالك تنصحني اشتري الكتب او انتظر لمن تنزل الملخصات

[سلطان المصعب]

اخوي مشعل بالنسبة للروابط هذا المقرر اللي راح تدرسةفي اشياء محذوفة مثل البيانات المبوبة واشياء ثانية انت افتح الرابط وسوي حفظ وجيب كتابك وهاتك تحديد والصفحات اللي مو موجوده في الجدول شطب ليها قطعها احرقها انت وضميرك والله انا انصح بالكتاب لانه مافي ملخصات جديدة نازلة

[مشاكس هادي]

اليوم حضرنا انا وميشو والشباب بس للاسف ما حضر الاستاذ لقاعتنا ....يعني ما فيه جديد




على فكرة يا شباب زي ما قال اخوي وتر وسلطان ......تراء الجداول مختلفه وكلنا نفس الخطه ((ب)) بس قسمونا واعطونا جداول مختلفه . ....يعني احنا كلنا خطه ب وفيه ناس تدرس انجليزي اول محاضره وفيه ناس تدرس مهارت اتصال اول محاضره ...فكل واحد يركز على جدوله



تحياتي

[مشاكس هادي]

ابو شهد حياك الله تشرفنا بقاعتنا ويزيد نورها حنا بقاعه 103 ...((اذا شفت 3 اشكالهم تخوف ومسوين حزب اعرف انه ربعك الي تبي ))
على فكرة اليوم مريتكم والاستاذ الهندي عندكم يشرح .........قلت له انت وش تدرس قال 101..قلت لا ابي 102 >>>استهبال هههههه
سلام

[أبو شهد النوري]

^^^

أقول يا مشاكس عطنا جدولكم خلونا نحضر :)

وترى الشاهي ( أبو عطرة ) علي هذا رد على كلمة ( حزب ) ....... :) الله يستر من تاليها :)

هيا أعجل عليه خلني من بكرة وأنا مسنتر معكم في ( قاعتان ) على وزن ( طالبان ) بناءا على كلمة ( حزب ) <<< وش دعوة طولة السالفة ومسوي رايق طس بس :(


أنتظرك يا بعدي .

[mesho.ksa]

صبحكم الله بالخير <~ توه صاحي على كوب شاهي ومروووق


مثل مابلغكم الاخ مشاكس امس المحاضرة رحنا وماجا الدكتور سحب علينا ونطلب الحق منه ههههههههههه

يعني ماكان في شي قمنا لفلفنا انا والاخ مشاكس بما اننا مهتمين باحوال اخوااننا قلنا لازم نشرف عليهم وندور ونشوف وش ينقصهم ويبشرون ان شاء الله

لقيينا كم واحد مضيعين الطاسة ووجهناهم وسوينا دعوة مفتوحة لقاعتنا 103 هههههههههههه


بالتوفيق ياشباب اجمعين

واحب اذكركم مافي شي صعب اذا كنت تتعلمه مرة واثنين وثلآث

بالممارسة والتطبيق كل الامور تتسهل

[جاري الانتساب]

يا لبى قلوبكم والله انا اشهد انكم ما قصرتوا الله يعطيكم الف عافية ..ميشو ومشاكس وسلطان و قود والجميع

كل ابوكم فوق الرااااااااس ..والله الواحد ما يدري وش يقول على جهودكم ..لكن الله يوفقكم ويسهل دربكم

[albander]

يعطيكم العافيه

[ابو ليان 2]

اخ ميشو ..

اتمنى التواااصل معكم ,, لاني مااقدر احضر كل الدورة ,,

[ابو ليان 2]

على فكرة صحيح الكتب اتغيــــرت ؟؟