بشااااارة للقلقااانين ^_^

[3zo0oze]

السلام عليكم ورحمة الله و بركاته

أخباركم يا حلوين

اليوم لجل عيونكم و الله أني روحت و أتهجولت و انضربت من الشمس بس علشان أطمنكم و أتطمن


روحت على الأدارة و أنتظرت لمن دخلت على مدير الجامعة و سألته بالنسبة للنسب و المواعيد يعني إلي نسبته أعلى ليش موعده متنأخر و إلي نسبته أقل موعده قبل الأعلى، و سعادة المدير أرسلني لعميد القبول و التسجيل لكن قلي أتطمن يا أبني أنتا بالموزون تبعك راحت تدخل أنتظام بالراحة و كل إلي نسبتهم 80 و فوق راح ينقبلو راح ينقبلو و قال كمان إحنا لسع ما أكتفينا راح تكون في مواعيد للي نسبهم تحت الـ80 إلي هما 79 و 78 بعد ما نخلص المقابلات ، المهم روحت لعمادة القبول و التسجيل و حبيت أدخل على سعادة عميد القبول و التسجيل لكن قلي السكرتير تبعو إمكن أقدر أساعدك ، المهم أنا أعرف ولد موزونو أقل من موزوني و موعده قبلي و أخدت رقم سجلو المدني و أستفسرت عنو المهم هوا دخل الرقم تبعو على الكمبيوتر و طبع كم ورقة و قلي هادا موعدو بدري على أساس أنو المسار إداري مو علمي قلتلو طيب و المكتوب في الورقة لا يمكن يكون قبلك و مسار علمي هوا أختار لمن سجل مسار إداري .

و بس يعني يا حلوين أتطمنو خير الله واسع و من توكل على الله ما خاب

و تمسو على خير أنا مواصل من أمس علشانكم