تجمع مستجدات أعمال عام ... *طالبات*

[malack]

المشاركة الأصلية كتبت بواسطة نبض إحساس الله يسعدك على هذا الموضوع الحلو حبيت أسأل البنات اللي عندهم خبره بخصوص جدولي أنا أخذت من المواد ,,, مبادئ محاسبة عربي انجليزي إحصاء أعمال هذاجدولي بس حبيت أضيف مبادئ الاداره الماده هذي صعبه وينفع آخذها مع المواد؟؟؟ الله يوفقكم ياصحبات الخبره

اهلين يانبض
انا كنت ابغى اضيفها بس اخويا قلي انتي لسع في البداية وهذي صعبة ودسمة شوية فخليها زي ماهي
فأنصحك انك ماتحطيها خليها زي ماهي في مكانها على الترم الرابع ان شاء نكون متمكنين من إننا ناخذها بإذن الله
بالتوفيق

[malack]

المشاركة الأصلية كتبت بواسطة نبض إحساس ايوووه صح البنات اللي دامو اليوم أخذوا شي ؟؟؟ ,, الله يسعدكم ردوا

انا عن نفسي كان عندي ثقافة وانجلش بس ما احد جا اليوم
بالتوفيق يارب

["عبير"]

انا رحت للشؤون التعليمية اسمي ماكان موجود في قوائم بنات مستجد اعمال عام دفعه 11 فماعرفت مين مرشدتي الاكاديمية كلمت د. خديجة حريري وقالت ماقدر افيدك بشيء نزلت للشؤون وقلتلهم الموضوع اعطوني ورقه وقالت لي انت عارفه موادك قلتلها ايوه قالت خلاص اكتبيها في الورقه ووقعي عليها وخليها عندنا بالمكتب احنا بنرتب الجداول على كيفنا واذا كان في مجال اي تعديل فبعدين سالها عن المحاضرات قالت لي مرح يكون في شيء الين الاسبوع الجاي واليوم شفت في الاودس نزل لي الجدول .. انا اشوف الجدول حلو
استاذاتي

محاسبة امال محمد محمد عوض
اقتصاد جزئي نادية يوسف
ثقافه منال سعيد سالم باجابر

والباقي لسه مانزل .. بنات الجدول موجود في التوقييع بليييز اللي زيي تقول لي عشان التعارف :)

[dextar*07]

طيب نزل جدولي وموعاجبني

ابغا اعدل فيه

لان فيه بريك من 9 ل 1

مدري يبغوا اجيب سريري وانام مثلا منجد استهبال

ممكن الي تعرف وين اعدل جدولي ؟

[نوره الغامدي]

عبير الحمدلله , من جد فرحت انو نزل لك جدول , كنت شايله همك بس يلآ كووويس انو زبط موضوعك ^_^ و بالنسبة لجدولك بصراحة تمام التمام =)

congratulation =D

::

[نوره الغامدي]

المشاركة الأصلية كتبت بواسطة dextar*07 طيب نزل جدولي وموعاجبني ابغا اعدل فيه لان فيه بريك من 9 ل 1 مدري يبغوا اجيب سريري وانام مثلا منجد استهبال ممكن الي تعرف وين اعدل جدولي ؟

اذا ناويه تعدلي فيه , روحي مبنى "2" , الدور الأرضي , الشؤون التعليمية عند أستاذة آمال .. بس اهم شي تعرفي ايش الشعبة اللي تبغي تغيريها !! ^^ و اشرحي لهم معاناتك بالمره :p

::

["عبير"]

المشاركة الأصلية كتبت بواسطة نوره الغامدي عبير الحمدلله , من جد فرحت انو نزل لك جدول , كنت شايله همك بس يلآ كووويس انو زبط موضوعك ^_^ و بالنسبة لجدولك بصراحة تمام التمام =) congratulation =d ::

الله يسعدك لو لا الله ثم انت كان ماعرفت وش اسوي

مرره مبسوطه بجدولي .. بس ماعندك فكره عن الاساتذة ؟؟

[dextar*07]

طيب وين مبنى 2 لو رحت مبنى الاداره والاقتصاد وفي الشؤون التعليميه مو نفسه ؟

واي شعبه اغير ههههههه حاسه نفسي زي الاطرش في الزفه

اقصد مثلا اضيف ماده في ال 4 الساعات الفاضيه هاذي مايجي ؟

[نوره الغامدي]

المشاركة الأصلية كتبت بواسطة dextar*07 طيب وين مبنى 2 لو رحت مبنى الاداره والاقتصاد وفي الشؤون التعليميه مو نفسه ؟ واي شعبه اغير ههههههه حاسه نفسي زي الاطرش في الزفه اقصد مثلا اضيف ماده في ال 4 الساعات الفاضيه هاذي مايجي ؟

ههههههههههههه إيوآ مبنى 2 هوآ نفسو و بعينو كلية الادارة و الاقتصاد ..

طيب انا بقولك الكلام هذا مو عشان تحطي مادة فـ بريكك الطويل العريض هذا > ايش اللي 4 ساعات ؟؟ مرة عذاب كذآآ !! حرام أحسو ضياع للوقت بدون فايده , عشان كذآ انا بقول لو تغيري الشعبة اللي متأخرة و تحطيها بدري شوية على الساعة 10 او 11 يكون احسن .. يعني انتِ شوفي الجدول تبعك و غيري فـ الشعب مو فـ المواد !! و زبطيه على كيفك و روحي بكرآ او الربوع لانو احتمال الحذف و الاضافة يقفل على نهاية الاسبوع ..


يعني اذا مثلاً حابه تغيري فـ شعبة معينة اعرفي الشعبة البديلة اللي تبغيها , مو تروحي للشؤون و انتي زي الأطرش فـ الزفة d=


::

اتمنى تكوني فهمتي عليا ^ـ^

[نوره الغامدي]

المشاركة الأصلية كتبت بواسطة "عبير" الله يسعدك لو لا الله ثم انت كان ماعرفت وش اسوي مرره مبسوطه بجدولي .. بس ماعندك فكره عن الاساتذة ؟؟

نادية يوسف , أستاذة هندية كويسة و شرحها حلووو و اصلاً المادة حلوة و سهلة ^^

اما آمال عوض ما اعرفها مادرستني , بس ان شاء الله تكون تمام :/ و المحاسبة ترى تجنن تجنن تجنن , مرررآ ممتعة =)

اما الثقافة لا تشيلي همها أبداً لانو مش لازم مين يدرسك هيا , كلها بتعتمد عـ الحفظ .. أي أستاذة :)

::

أدعيلي معاكِ و الله يجعلها سنة خير و تفوق عليكِ و على الجميع :)