ܔْށ ٳζــْسَـاآآآ๛ ّسـُڪۇنّـﮯِ اْلّوَرّدِيܔْށ

[سكون الورد k.a.u]

تعلن الخطوط الجويه العربيه عن أقلاع رحلتها والمتجهه الى مدينة جده ، وعلى جميع الركاب التوجه لبوابة الصعود رقم .... استعداداً لصعود الطائرهـ ...
صعدنا الطايرهـ ...
والجَده والجَد تركناهم في مكاننا البـــــــــارد ،
وتركنا احزانهم معهم ، وقلوبنا ممتلئه رجاء ، لاهجين بالدعاء لربي الذي قَدر عليهم البلاء
ان يسكن قلوبهم ، ويربط عليها ، ويثبتهم ، حتى يأتيهما اليقيــــــــــــــــن ..

:

:

وصلَنا جدهـ ولله الحمد والمنه ...
ودار السؤال اللي تركته بالقصيم وجاني في جدهـ
وقلت : يبه منهو اللي بيستقبلنا ؟ ولا شكلنا بنروح بلموزين ؟!
قال : اللي بيستقبلنا يحترينا بالمطار له تقريباً 4 ساعااااات ...
قلت : الله !!! وشوله ؟؟؟ ليه مااحترى قبل موعد وصولنا بشوي وجاااااء ..
قال : والله قلت له يابنيتي ، لكنه عنيـــــــد وش اسوي له ؟؟
قلت : طيب منهوووو ؟
قال : مانيبـ قايل(ن) لتس !!!
قلت : وانا مانيبـ ميته على الاجابه
>> تسذوبه والله ان الفضول ذبحني ..!
بس وش السواة ابووووي رافض يعلمني ، مدري وش السبب ؟؟

جا الباص ونزلنا من الطآيرهـ ..
ودخلنا الصاله ، وجاء العامل وراح مع ابوي علشان يجيبون الشنط ..
(شنطتي ، وشنطة ابوي) >> احلفي

ولقينا الرجال اللي يحترينا داااااخل الصاله - مع انه ممنوع يدخلون بصالة الوصول وعند العفش - لكن لانه ضابط بالشرطة العسكريه قَدم بطاقته ودَخلوهـ ..

انا مدري هذا الرجال اللي يكلم ابوي منهو ؟؟؟
قسماً بالله مدري ، ولا عمري شفته ...؟
قلت : وشلوووون ابوي يخلينا نروح مع هالعسكري (لابس بدلته) ..
والحلو بالموضوع أول مرهـ اشوف (طَق التحيه - لآيف -) ...
كل مامر من يَم العسكر طَقوا له التحيه وهو يرد عليهم ..
استانست من المنظر >> مدري وش تحسين به ؟؟ كملي !!
رااااح هذا الرجال وسَلم على ابوي وحب على راسه واحضنه ..
انا ليامني شفت الدعوهـ بها تحضن قلت : وش السالفه ؟؟ وزااااد اصراري على الاجابه
انا طبعاً جالسه على الكراسي احتري ابوي يأشر لي >> اشري بالمنديل هوووو قال انا ماشي ...
خخخخخخخ >> كملـــي يرحم امك ولا عاد تغنين
>> ليه وش فيه غناي ؟؟ بالله ماانفع اروح (عرب آيدل) ^.^

:
:

اوصلت الاشاره الميمونه من ابوي ...
واستقبلها الدماغ عندي إذاناً بالتوجه إليه ..
وفعلاً قمت ، وتوجهت لَم أبوي .. وانا مانيبـ عارفه امشي - كني عرجه - هههههههههههه
لاني شايفه الرجال اللي مع ابوي يطالع بالمحيط اللي انا فيه ، لكنه مايطالعني مباشرهـ ، بس انا متأكده انه مراقبني
علشان كذا انا ماعرفت امشي ولا ابي اروح لابوي ..
قمت وقفت عند احد الأعمده . وأشرت لأبوي : تعال انت
>> رآآآآح الليل وحنا نأشر هههههههههههههههههههههههههههههههههههههههههههههههههه ههههههه
جاني ابوي وقال : وش بلاتس ؟
قلت : مانيبـ عارفه امشي من هاللي يطالعني !!
قام ابوي واتصل عليه وقاله : بـنــــــــــــدر صـد وجهك هناك البنت مستحيه منك وماهيبـ قادره تمشي ،
وغض بصرك لابارك الله فيك ، لأعلمك الشغل
انا >>>
قلت : بندر منهو يبه ؟؟؟؟
ليكوووون هذا ولد عمي ؟؟؟؟؟؟
قال : ايــــــــه

لو اقولكم اني من الصدمه (بكيــت) ..
وقلت : مانيبـ رايحه معه ...! خله يروح ...!
واثاريك ماتجاوبني من القصيم وأنا أسألك وانت ماتقولي منهو ؟؟ يصير تسذا يايبه ؟؟
مابي اروووووح .. خلنا نروح بلموزين

>> افااااا يابنت حرب ، افاااا يابنت ابو تركي كذااااا تعاملين الاجودي اللي محتري من 4 ساعات ؟؟؟
هذا رد تسويه بنت ابو تركي لولد عمها ؟؟؟
>>> هذاااا " كلام ابوي لي"

تمالكت نفسي واعصابي ومشيت بكل ثقه >>> احلـــــــــــــــــى ...

طبعاً تتسآءلون وشوله كانت ردة فعلي كذا ؟
هذا ولد عمي اول مره اشوفه اساساَ ماعمري شفت عيال عمي ولا خوالي ، ولو قابلتهم بالشارع ماعرفتهم
>> جداً عندنا الاغلاق مُحكم لدرجة مانعرف اشكال قرايبنا من الرجال .

والأهم من هذا كله ...
انه هذا بالذات يبيني ( زوجه له )
وخطبني مرتين خلال 8 شهور ، وابوي يقوله : اصبر شوي
لاني انا كنت مانيبـ موافقه لأسباب تخصني .. وابوي يقصد بـ "اصبر شوي" انه يثنيني عن قراري ، ويخلني اوافق بطيب نَفس دون اكراه >> كنك قلتي قصة حياتك !!!

وركبنا السياره ، وحلف الا نروح لبيته وقال له ابوي : انا اروح معك ، لكن البنت بنوديها للسكن ..
>> ابعدي يايبــــــــه
قال : لااااا ياعم الوالدهـ والبنات موجودات عندي بالبيت لهن 4 ايام ، وهن أصرن على جَية بنت عمي ..
قلت بنفسي : اقووول مانيبـ رايحه وتلايط زيييين !!
قال ابوي : اجل ليامن السالفه تسذا اجل مشيناااا
وانا >>>>>
وصلنا لبيتهم ...
ولقيت خالتي "زوجة عمي واخت امي بنفس الوقت" والبنااااات هنااااااااااك ..
وارتحت صراااااحه واسترخت اعصابي بمجرد مادخلت عندهن وشفتهن ..
ويقولون لي : وشوله وجهتس احمر ؟؟؟
قلت : مع الحر
هههههههههههههههههههههههه >> لاياشيخه !!

يتبع ..

[سكون الورد k.a.u]

قعدنا نسولف انا وخالتي وبنات عمي ..
طبعاً احد البنات تصير "خطيبة اخوي فيصل" و بيعرسون ان شاء الله قريباً
>> تغير موعد العرس وصار في شهر (5) الجاي ان شاء الله ..
وبما اني انا قائدة الفرقه الراقصه بالقاعه >> هههههههههههههههههههههه
قمت اهايط على بنات عمي شوي هههههههههههههه
>> هستيريا ماقبل الاختبارات لابد منها
وطبعاً علمتهم بالخطه الاستراتيجيه اللي انا وضعتها وخططت لها للعرس
وكم سهرت عليها من أيام وليال ٍ طوال يامولاي شهريار >> اخلصي علينا ياشهرزاد خخخخخخ
احم احم .. بس يابنات لاتخربطوني خلوني اكمل
وبعدين حسيت انهم يستجوبوني عن باقي الترتيبات
قمت خليت نفسي تعباااانه ونعسااااانه وابي أناااام ههههههههههههههههههههههه
>> وحده ماتبي تكشف اوراقهاااا
ارسلت رساله لابوي كتبت فيها : يبه ابي اروح السكن لانه يفتح الساعه 5:00 ص
وباقي نص ساعه ..
لذلك بليييييييييز لاتنااااام يبه علشان توصلني ، ثم ارجع ونم على كيفك

ابوي طبعاً مارد على رسالتي ..
واحتري رده ..
واحتري رده



واحتري






واحتري






واحتري






جآآآآآآآآآآآآت النص ساعه .. وابوي مااتصل بي ..

قمت اتصلت عليه ، ورد ابوي وفوقه غيمه ويعد خرفان
>> اثره من صيد أمس ، ونآآآآيم بالعسسسسسسسل

:

:

بنات عمي افرشولي عندهم ..
وانا كني شاربه :
كرتون "بور هورس" + كرتونين "رد بول" + ملعقة هستوب
طبعاً لاني شربت هالكراتين السابقه مانمت وطار النوم
بس ملعقة هستوب >> قضت علي هههههههههههههههههه وكل ماافتح عيوني تسكر غصب
حاولت اسوي مثل "جيري" بمسلسله الكرتوني الشهير اللي لو يصير عمري 100 عام ماامله ابد
وطلعت لصق من شنطتي وحاولت ألزق عيوني واخليها مفتوحه
ولا جدوى من ذلك ..
ومثل ماقلت لكم الهستوب كان قوي على جسمي فماتحملته ونمت
صحيت الصبح واول ماطاحت عيوني على جوالي >> ابي اعرف الساعه ؟؟؟
ولقيتها الساعه : 1:30 الظهر
وانا كان فيني عقل وطاااااااااااااااااااااااااااااااار
وصرت انقز بالغرفه واقول : رآآآآح الاختبار ... رآآآآآآآآآح
وطبني حزن فظييييييييييع صعب اوصفه ... وكأني بديت ابكي
وصحت بنت عمي على صوتي وانفجعت المسكينه ...
وصارت تقول : اذكري الله ياشيخه ، لاتسوين بنفستس تسذا !!!!
انا مانيبـ معها ولا همني كلامها ... وقمت ابكي بصدق عااااد وبحرقه
يعني تخيلووو الاختبار يروح علي !! والله اموووت ، الله لايقولها
جت خالتي على اصواتنا واعرفت السالفه ...
وقالت : اقوووول اهدي يابنت تعوذي من ابليس "اليوم الجمعه" موبـ السبت !!!
انا مو مركزه حتى مع خالتي .. وهي تسولف وانا اقولها بقلبي : مع نفسك اختباااااري رااااح وانت ِ جايه تقولين اليوم جمعه ؟؟؟
>> وشووو جمعه !!؟؟
من يقوله ؟؟؟
قالت : انا اقوله ، وهذا الصحيح !!!
قلت : لاااا موبـ صحيح ..
>>> وش ذا الدماااغ اللي موبـ راض ِ يستوعب خخخخخخخخخخ !!!
قالت : شوفي جوالك ؟
شفت جوالي لقيته "الجمعه"
وحسيت نفسي صغرت ،، صغرت ،، وقصرت .. ولو امر من تحت الباب يمديني "من الفشله"
هههههههههههههههههههههه
:

:

هديت وعينت من الله خير ..
وحاولت استعيد قوايّ النفسيه واسخرها واطوعها تحت امري ..
وفعلاً الحمد لله تم لي ذلك

:


جابوا لنا الفطور >>> عآآآآد يآني جوعاااااانه حييييييييييل
ومع قرب الاختبارات تنسد شهيتي ويقل أكلي
بس كليت ، كليت ، كليت >> وحده ضربت الاتيكيت عرض الحائط

وبعدين قمنا نسولف ... ويتريقون علي وانا انقز واهتف : ذهب عني الاختبار
>> اقووول استريحي ياعنتره بن شداده هههههههههههه
اتصلت على ابوي >> ياهووو متحلف لي خخخخخخخخخخ
قلت : يبه
قال : وحطبه
قلت : الله مير يسلمك ويخليك
>> عااااد فشله قدام البناااات مايصير ابين ان ابوي هزئني خخخخخ
بس من جد معذور لاني جننته بأتصالتي وكله : ابي اروح
>> كني شغاله لاعنه جد ابو معزبينها وتبي تروح لديرتها ههههههههههه
ابوي يضحك ..
قلت : يبه ممكن تمشينا قبل توديني للسكن لاني طفشانه
قال : ايه ممكن
قلت : هيه هيه هيه مشكووور يبه ، وين تبي توديني ؟؟
قال : ابي امشيك بالطريق اللي يودي للسكن
قلت : يبه طفش مني ؟؟؟!!!
امي كانت تتصل بي "انتظار" >> قمت شبكتها معنا انا وابوي
>> اللي شبكنا يخلصناااااا دااا حبيبي شبكنااااااا >> ارحمينا يا حليمووو
وقلت : يمه ابوي طفش مني ويبي يوديني للسكن وانا مابي اروح
>> جننتي ام الرجااااال همااااك من البارح امتحنتيه ودني ودني ودني حتى ماخلتيه يعد خرفانه زين !!
هههههههههههههههههه
ايه بس غيرت رآآآآيي ، ابي اتمشى قبل اروح السجن >> قصدي السكن ^.^
:

:

وفعلاً قرروا يدوني للبحـــر ، نقعد من بعد المغرب جلسه شاعريه
>> مدري ليه جت نفسي على كوكيز ، لحظه اخلي السواق يروح يجيب لي
:

:

رآآآآح يجيب لي كوكيز من "شوكولاين"

يتبع ...

[سكون الورد k.a.u]

المشاركة الأصلية كتبت بواسطة سكون الورد k.a.u يتبع ...

نكمل ...
>> يالبى اللي يطلبووون التكمله فديتهن "حبيبات قلبي"
المهم ..
صارت الساعه 5 العصر .. وتجهزنا لروحة البحر ..
وخالتي وبناتها جهزن كل شي ..
>> بغيت افزع لهن بس ماخلوني اشك خيط بإبره الله يهداهن ..
جاء ولد عمي ونادى امه . وقال : يلا يمه نادي البنات كلهن نبي نكشت للبحر ..
هو معاه سياره مدري وش قصتها بس انها كشخه ... واعجبتني
ولونها بلاتيني لؤلؤي >> وش رايك تكتبين قصيده بالسياره
جينا نبي نركب السياره ..
طبعاً ابوي قدام ..
وخالتي وبناتها الثنتين وانا ورااا >> وش هالزحمه !!
لما جينا نبي نركب .. انا ابي اركب ورااا ابوي ..
بس خالتي الله يهداها اقرب باب لها تركب معه .. وانا انجنيت وين ابي اركب ؟؟؟>> مابي وراا ولد عمي "استحي"
المهم اتفقوا علي بنات عمي يخلوني اركب "بالنص"
عاااااد لو تجتمع الانس والجن على انهم يركبوني بالنص ماركبت هههههههههههه
>> مااحب الزحمه والحشره ابدااااا ..
طبعاً انا وقفت عند الباب وعيت لا اركب .. بس ماني عنده بالضبط ..
بعيد عنه >> عند تانك البنزين ههههههه
واقول لبنت عمي اركبي انتِ .. تقولي: لا انت ِ ...
>> هي بعد مثلي ..
قام ولد عمي وقام من مكانه.. وقال لأخته : اركبي ...
قالت : لا ، خلها هي تركب ..
انا طبعاً ياجبل مايهزك ريح .. رافضه اركب ههههههههههههههه
>> لو انا منهم كان اروح واخليهن يتهاوشن
قام ولد عمي ومسك يد اخته وقالها : ياحبيبتي اركبي عيب بنت عمنا ضيفتنا .. مايصير نسوي كذا ...!
>> انتي بعد مسويه زي " ضيف وحامل بيده سيف "
>> ورااا ماركبتي وريحتي العالم !!!
>> مااقدر طبعي مااقدر اغيره
اركبت بنت عمي .. وثمن ركبت اناااا .. لما قفلت الباب ..
الا وتجيني " قَرصـــه " عند الله خبرهااا .. قسماً بالله اني بلعتها بقوه
قمت انا ومديت يدي من تحت طرحتها وشديت شعرها
هههههههههههههههههههههههههههههههههههههههههههههههههه
>> وش هالاسلوب الغير حضاري !!!
>> هل هذا اسلوب جامعيات مثقفات ؟؟!!
>> اقووول عن البربسه الزايده وكملي السالفه
وحنا ماشيين بالطريق ( رايحين للبحر ) ..
قال ابوي لبندر : بندر ياولدي انا هونت عن البحر احس ان رجليني ماعادن يشيلني ..!!
>> افاااا هذا وانت عسكري ياااا سعادة اللواء ..!!!
>> نسيت اقولكم ان ابوي ترقى منذ مبطي ..
انا حسيت ان الامر به ريبه ..
بس قلت يابنت طنشي .. لعله صازّ خخخخخخخخخخ
قال بندر : لا ياعم انت باقي شباب وتهد جبال ..
>> قل ماشاء الله عااااد هذا ابوي واخاف عليه
اذا مالك نَفس بالبحر نشوف غيره .. المهم نستانس ونغير جووو ..
وبنات عمي : ياعمي وش بلاك هذا انت طيب مافيك الا العافيه
>> وانا ساااااكته مااقدر احتسي ولا اقدر انطق لان ولد عمي موجود
>> قمت ارسلت رساله لابوي قلت فيهااا ..
{افااااا يبه اشووف ماقامت عليك رجيلاتك الا ليامني طلبت البحر !!
هذا وانت البارح عطيتني كلمه والحين رجعت فيهااا .. الوكاد انك تبي تسوي فيني مقلب بس وشووو الله العالم } !!
رنت الرساله عند ابوي .. وقبل لايشوف منهو ضحك ههههههههههههههههههه
وقال : والله اني عارف منهو اللي يراسلني الحين ههههههههههههههههههه
قال ابوي : والله ودي اروح البحر ، بس تذكرت ان بنيتي تبي تروح السكن .. من البارح وهي تبي تروح علشان تسذا انا اقول نوديها السكن ، ثم نروح حنا البحر
>> افاااااااااااااا هماني اقولكم عرفت انه يبي يسوي فيني مقلب بس ماعرفت وشوو ؟؟
>> ابووووووي واعرفه ...!
اللي ضحكني بالموضوع .. ولد عمي يقول : لاااا ياعمي اما نروح كلنا ولا لانروح
مشكوووور ياولد العم هههههههههههههه
>> الاخت اخصائيه نفسيه ومايمر عليها اي حتسي ..
قال ابوي : بندر ووجع !! انت تراددني وانا عمك الكبير ؟؟!!
قال بندر : آسف بس ياعم .... !
ابوي : اقووول اسكت وود البنت للسكن ،، ولا يكثر الهرج
>> لاااا حمش يبه ههههههههههههههههههههههههه
وفعلاً ..
مشينا لَم السكن .. ونزل ابوي علشان يسويلي الاجراءات ويدفع المبلغ ..
وبنات عمي يبن يموتن من القهر ليش ابوي وداني السكن ..
وياحرآآآآآم الكل ساكت احتراماً لابوي ..
والبنات يرسلن لي رسايل وزعلانات ..
انا طبعاً مثل ابوي .. ماابين لأي احد وضعي سواء كنت راضيه ولا منرضه
ههههههههههههه
بينت ان الأمر عاااااادي جداااااا
>> علشان ابوي لايحس انه انتصر علي هههههههههههههههههه
>> دآآآآيم في تحدي مع ابوها (الله يطول بعمره يآآآرب)
نزلت السكن .. وجاء الحارس واخذ الشنطه ..
وسلمت على خالتي والبنات وسلمت على ابوي .. ورحت
وفعلاً دخلت السكن .. وخوياتي موجودات لهن يومين ..
ورحت لغرفتي وحطيت اغراضي .. ورتبتها ...
>> قلبي حااامي مااحب اقعد كذا .. لازم اخلص اللي علي ..
فتحت شنطتي ورتبت اغراضي واكسسواري وميك آبي >> ياسلاااام على اللغه .. وكل شي يخصني ..
نويت اروح آخذ شاور ..
الا وجوالي يــــرن ...
ومكتوب : الوالد
ياهلاااااا بأبو تركي .. يالله تحيي ابووووي .. ياهلاااا ومسهلاااااا
طبعاً ابوي مايمديه يقول : الوووو
الا وانا اهلي به وارحب ..
هاه يبه اشتقت لي صح ؟؟؟ والله ادري بس عاد شنسوي تخبر عاد مستقبلي وكذااا .. الخ
>> اهآآآيط فوق راس ابوي علشان ابين له اني صامده وعادي الامر وخير ياطير مارحت البحر وش بيصير يعني ..؟؟
قام قال ابوي : اكيييييد رتبتي اغراضتس وانتهيتي منها صح ؟؟ وناويه تذاكرين .!
قلت : ايه ، خصوصاً بعد التمشيه الحلوووهـ اللي من بيت ولد عمي للسكن .. صرآآآآحه تشكر عليها ياسعادة اللواء ..
ابوي يضحك مو قادر يسكت .. وقال : اطلعي هذا حنا برااااا
قلت : والله لانك عزيز وغالي يابو تركي نبي نطلع نشوف وش عندك .. رغم ان جدولي of بس عااااد تموووون هههههههههههههههههه
قال : اطلعي وعن البربسه الزايده ههههه
وفعلاً لبست عباتي .. وطلعت ..

يتبع ...

[سكون الورد k.a.u]

اشكركم على الثقه التي منحوتني إيـاهـاااا ..
وأعانني الله على خدمة اخواني واخواتي ...

[سكون الورد k.a.u]

يقول الشاعر :
لاصد عنك من تودهـ وجافاك ...
............ خله وجازهـ بالجفااا مثل صــدهـ ..
خل عزيز النفس والعز ماواك ...
............ وكلن عطه تفصيل ثوبه بقـــــدهـ ..
خص الرفيق اللي اذا جيت حياك ...
............ وان غبت عنه يآآآصلك بالمودهـ ..

صح لساااانك يَ الشاعر .. والله انك صاااادق

[سكون الورد k.a.u]

مستحيل مااطلع من اختبار بدون غلطه "على الاكثر" ..
مستحيل اكون بجمعه مع البنات .. وماازل بشغله ماابي اقولها
>> طبعاً بسرعه اتدارك الامر واقلب الطاوله على صوبي بعد ماتصير ضدي ههههههههه
مستحيل مااندم على شي قلته .. او شي سويته "ولاجيت اتراجع ماعاد يمديني"
>>هنا اتقطع من القهر ..
مستحيل ماانقهر على شي " ماقلته .. ولا ماسويته "
>>وهنا اتذكر قول الله تعالى : ("والكاظمين الغيظ والعافين عن الناس .. ") الآيه
>> وحزتها اسكت واحاول اكتم براكيني الثائرهـ ..

[سكون الورد k.a.u]

ذبحني بَــردك ي َ
(بــــريــــدهـ ) ..
تكفين دَفيـــني ..

[سكون الورد k.a.u]

اليوم بنت عمي متحديتني اطبخ اكله شعبيه ..
قلت لها : طيب افكر ..
طبعاً انا اعرف اطبخ ولله الحمد .. بس في اكلات شعبيه ماتضبط معي "مثل امي" ^.^
و بنت عمي قاعده عندنا بالبيت وتقول : علشان لاتسألين امك ..
ههههههههههههههههه
توهقت لان مالي طريق على امي .. اضطريت استخدم اساليبي
فـَ تحججت انه مايمديني اسوي "طبخه شعبيه" خلاص خليها "حلا شعبي" ..
هي طبعاً ماتبيني اسوي اكلات او حلويات من زماننا هذا .. لانها تعرف اني راح اتغلب عليها ..
وهي ماشاء الله عليها بالاكلات الشعبيه والحلويات "متمكنه بالحيل "
انا طبعاً محد يقدر عَلي ههههههههههههههههههههههه
قمت وسويت مكالمه وهميه "بالآيفون" وكتبت "جدتي" ..
ووقته بعد 10 دقايق من قعدتي عند بنت عمي ...
وفعلاً رن الجوال .. وانا عند التسريحه اسوي شعري ..
وقلت لبنت عمي : من المتصل ؟
قالت : جدتي ..
بسرعه اخذت منها الجوال ... ووخليت نفسي اكلمها هههههههههههههههههههه
وان جدتي تبيني بأمر هااااااام ...
وانه لازم اجي الحين ... وانها تبي ترسل لي عمي / احمد "ياخذني"
وانها اتصلت على ابوي وقالت له : ابرسل احمد يجيب البنت خلها تجي معه
ههههههههههههههههه
طبعاً انا كنت متصله على جدتي قبل لاادخل عند بنت عمي .. وقلت لها ابي اجي ..
قالت : ارسلتس عمتس احمد ؟؟
قلت : ايه
ههههههههههههههههههههههههههه
وفعلاً جاني عمي ... وقلت لبنت عمي : انا ابي اروح عند جدتي على ماتخمر العجينه هههههههههههههه
قالت : اي عجينه ؟؟
قلت : مالتس شغل !!
لاخلصت الحلاااا جبته ولا يحق لتس تسألين عنه ..ههههههههه
ووصلت عند جدتي ..
وجلست عندها مايقارب الساعه ...
وطلبت منها تسوي لي "كليجه" .. طبعاً الكليجه القصيميه شي خطيييير مااحد يضبطها الا "القصيميات"
>> حنا طبعا ً
>> بس اكيد مو انا هههههههههههههه
وعلمتها بالسالفه .. وخليت نفسي مسكينه .. ومتوهقه .. وان كل البنات جايات يفتخرن بأكل امهاتهن ..
وانا قلت : ابي اذوقكم كليجة جدتي "الله يطول بعمرها"
>> طبعاً نفخت راس جدتي وقعدت امدح فيها ورفعتها للسماااا ههههههههههههههههه
>> بس والله انه جد .. جدتي ماشاء الله عليها طباخه 10/10
المهم وقامت "ام محمد" >> يالبى جدتي الحلوهـ ..
واعجنت لي الكليجه .. وحشتها .. ورصتها بصنية الفرن
وجت تبي تخبزها وانا عيّت ههههههههههههههههههههههههه
>> ابي اخبزها في بيتنا علشان تحسبني بنت عمي اني سويتها ..
وقالت : خلاص اللي تبينه وانا امتس ..
اتصلت على مشاري .. وقلت : تعال خذني من عند جدتي ابي اروح للبيت ..
ولما وصلنا البيت ... مااقدر ادخل مع الباب الرئيسي .. لان الصنيه معي ههههههههههه
ودخلت مع الباب الخلفي اللي يدخل على المطبخ على طول ...
وفعلاً دخلت المطبخ وحطيت الصنيه بالفرن ..
ورجعت طلعت برااا ودخلت مع الباب الرئيسي ..
ههههههههههههههههههههههههههههههههههههههه
وسلمت على الاهل .. ودخلت المطبخ وقفلت علي الباب ...
وانا الحين اكتب لكم ..
والكليجه بالفرن .. وانا جالسه "أنتنت" هههههههههههههههه
واحتريها تخلص واقدمها ..
"بالهنااا والعافيه"
^.^

[سكون الورد k.a.u]

[سكون الورد k.a.u]