تجمع خريجي قسم الادارة العامة للفصل الدراسي الثاني 2010

[go2]

المشاركة الأصلية كتبت بواسطة أسيرها بسم الله عليك يالغالي أبو تركي وسلامتك وما تشوف شر أبد بس يبدوا أن بحوث العمليات مظلومة في الحادثة هذي شكل المتهم هو الــ تيس اللي عظيته عند ريدان ههههههههههههههههههههههههههههههههه

والله انك صادق
الفطور=فول القرموشي
الغداء =مضغوط ريدان
اجل زين اللي جت على رصيف الحمد لله

صباحك ورد وفوووووول

[غاوي دراسه]

حمد الله على سلامتك اخوي go

لهذة الدرجة بحوث العمليات صعبة للغاية

اكثر الذين نجحوا فيها افادوا بانها سهلة و كل ماعليك سوى ان تفهمها جيداً و تحل التمارين

و كما قيل أن التكرار يعلم ...

ملاحظة ===> سوف أأخذها في الترم الصيفي بأذن الله و لا تنسونا من ملاحظاتكم اثناء تقديم أختباراتكم

وفقكم الله لما يحبة و يرضاة

[صرآحة عقل ..!]

..

صباح الخير ..

الحمد لله على السلامه أبو تركي .. ما تشوف شر ..

..

ما جاكم علم عن إدارة الموارد الطبيعيه .. ترفع الضغط الماده المشكله ما لقيت لها شي .. ودكتورها يخوّف .. :(

الله يوفقنا ..!

[go2]

المشاركة الأصلية كتبت بواسطة صرآحة عقل ..! .. صباح الخير .. الحمد لله على السلامه أبو تركي .. ما تشوف شر .. .. ما جاكم علم عن إدارة الموارد الطبيعيه .. ترفع الضغط الماده المشكله ما لقيت لها شي .. ودكتورها يخوّف .. :( الله يوفقنا ..!

شكرا لك اخي
والله يوفقك يارب
ويوفق الجميع
ادارة الموارد ماهي من ضمن تخصصنا
ولا عندي فكره عنها بس اذا ماني غلطان شايف لها ملخص
بالمنتدى


اتمنى لك التوفيق

[المحافظ]

صباح الخير...

اشكرك اخوي أسيرها وجعلها الله بميزان حسناتك...صراحه جت بوقتها..مدري وشلون ارد جمايلك..بس دعيت لك وان شاء الله يتقبل.

اما بحوث العمليات فكانت الاسئله سهله الترم الماضي بس تبي شويه تركيز

موفقين

[ناصر2009]

ابو تركي الف مليون الحمدلله على السلامة
انتبه وانا اخوك وحاول تخفف من الفول ولاتكثر من جيات ريدان
ترى اخوي اسيرها صادق بحوث العمليات مظلومة
صحيح ان التركيز بالمذاكرة يبغاله تغذية بس مهوب بهالطريقة انت اخربتها وانا اخوك فول الصبح ومضغوط الظهر اجل وش لون بترجع لاهلك ان شالله ما يعرفونك يمكن تعدي الرياض بوجهك للشرقية ان استمريت
شف انت خلها فول ومرة كبده والغدا مرة ريدان ومرة من كبسة حاشي واذا صحت لك بحرية ماهي بشينة كخخخ
هذا وزنك طمر الميه اكيد اذا ماهو مطبلن ميه وثمانين ترى يخالفونك اذا مشيت ووزنك زايد عن الميه حاطين رادارت
الله يوفقك وان شالله ماتشوف الا كل خير ويبعد عنك الشر انت والسامعين

[go2]

ما يجيك الشر
شكرا لك

تراي مع كل هالاكل والوزن يالله 70
يعني بمسك طريق الشاحنات

بارك الله فيك
وتوصل ان شاء الله بالسلامه
وطمنا لاوصلت خل نعزمك بريدان
عشان نشوف تاثير المضغوط عليك


والله ضحكتني بسوالفك الحلوة
الله يسعدك يارب

[المحافظ]

اليوم العصر ماشيين باذن الله
باكر ثقافه والله يسهلها ياكريــــــــــــم
ماده البحث عن الدكتور طلق/ مابعد حدد يوم المناقشه....مدري متى اروح لمكتبه؟ الخميس اذا يداوم او السبت؟

الله يوفق الجميع

[go2]

المشاركة الأصلية كتبت بواسطة المحافظ اليوم العصر ماشيين باذن الله باكر ثقافه والله يسهلها ياكريــــــــــــم ماده البحث عن الدكتور طلق/ مابعد حدد يوم المناقشه....مدري متى اروح لمكتبه؟ الخميس اذا يداوم او السبت؟ الله يوفق الجميع

توصل بالسلامه ان شاء الله
انصحك تمره الخميس ان شاء الله تلقاه
والا السبت تداوم عندهم بالمكتب
ربي يوفقك ويسهل امورك

تقبل تحياتي

اخوك
ابو تركي

[المحافظ]

الـــــــــــــــــــــــــــــــــــووو يا مصــــــر

وينكم ياشـــــــــــــــــــــــباب