د. طيب في لقاء صحفي: طلابنا بكلية الهندسة يمكن أن اتحدى بهم أي طالب آخر في العالم

[المحترف_100]

الف مبروك الاعتماد

بس عندي تعقيب على اللي يذم الجامعة ويعفي الطالب من الخطا
الطالب يدخل كلية الهندسة وهو الانجليزي عنده ضعيف
ويوم يدرسونا انجليزي ,, تلقى الطلاب ما يحضرون او ينامون فيها من طولها
وبعدين يبداون يعانون في المواد المتقدمة بسبب لغتهم
ويجيك الطالب يداوم طول الترم ,, ولا يفكر يذاكر الا قبل الاختبارات ,, ويذاكر من عند مدرسين خصوصيين من برى الجامعة .. ويقولون مناهج صعبة ودكاترة واقفين لنا

ويجلس يمشي في الجامعة ( بالدف ) الين يتخرج بمعدل سيء ,, ويقولو العيب من الجامعة

في الاول والاخير انت طالب جامعي ,, يعني انت المسؤل المباشر عن تعليم نفسك ,, انت روح خذ الكتب واقرا وتعلم وطبق .. لا تعتمد على الدكتور يعطيك كل شي
ولا تعتمد على مدرسين خصوصيين ,, لدرجة ان فيه طلاب اول ما ينزل مادة ويسمع ان فيها شغل ,,يبدا يسال الطلاب اذا فيه لها مدرس خصوصي !!!
طالب جامعي وتروح لمدرس خصوصي في اكثر المواد ,, ما يصير

اتمنى تفكير الطلاب يتغير عشان يقدروا يواصلوا في الكلية بنجاح ان شاء الله

[rakan]

يعطيك ألف عافية ياباش مهندس على النقل الرائع

أما الشباب اللي جايبين الاحباط .. ياليتكم ماتردوا أحسن

وألف ألف مبروووووك لكليتنا بصفة خاصة ولجامعتنا بصفة عامة

وعقبال بقية الكليات اللي ان شاء الله راح تجيها اعتمادات دولية عن قريب

[rakan]

المشاركة الأصلية كتبت بواسطة المحترف_100 الف مبروك الاعتماد بس عندي تعقيب على اللي يذم الجامعة ويعفي الطالب من الخطا الطالب يدخل كلية الهندسة وهو الانجليزي عنده ضعيف ويوم يدرسونا انجليزي ,, تلقى الطلاب ما يحضرون او ينامون فيها من طولها وبعدين يبداون يعانون في المواد المتقدمة بسبب لغتهم ويجيك الطالب يداوم طول الترم ,, ولا يفكر يذاكر الا قبل الاختبارات ,, ويذاكر من عند مدرسين خصوصيين من برى الجامعة .. ويقولون مناهج صعبة ودكاترة واقفين لنا ويجلس يمشي في الجامعة ( بالدف ) الين يتخرج بمعدل سيء ,, ويقولو العيب من الجامعة في الاول والاخير انت طالب جامعي ,, يعني انت المسؤل المباشر عن تعليم نفسك ,, انت روح خذ الكتب واقرا وتعلم وطبق .. لا تعتمد على الدكتور يعطيك كل شي ولا تعتمد على مدرسين خصوصيين ,, لدرجة ان فيه طلاب اول ما ينزل مادة ويسمع ان فيها شغل ,,يبدا يسال الطلاب اذا فيه لها مدرس خصوصي !!! طالب جامعي وتروح لمدرس خصوصي في اكثر المواد ,, ما يصير اتمنى تفكير الطلاب يتغير عشان يقدروا يواصلوا في الكلية بنجاح ان شاء الله

وأزيدك من الشعر بيت أخي الكريم المحترف

واحد مبتعث قالي انه بيدرس المواد عند الدكاترة في بريطانيا ... الدكتور مايشرح شي .. بس يعطيك اسم كم كتاب وانت تروح تدور وتبحث وتقرأ في المصادر .. بينما في المحاضرة بس يعطيك فكرة ولا هنتز ايش تسوي ... يعني بالعربي مايشرح وانت تدور على المعلومة

يعني يعطيهم العافية الدكاترة اللي عندنا اللي يحاولوا يوصلون المعلومة للطلاب

[rakan]

المشاركة الأصلية كتبت بواسطة ابداع الاعتماد جاء بالفلوس زي ما جا لقب نادي القرن للهلال اعتماد غير مستحق صراحه اجل كليتنا احسن من كليات الهندسه في سوريا ومصر !! يبأ أبلني

أقول يابو فلوس ... روح اعملك كلية هندسة كدا ووريني اذا جبت الاعتراف بفلوس

اذا كان كلامك صح ... كانت كليات هندسة كثيييرة عملتها ...

[المحترف_100]

اخوي ابداع

ليه منتقص الكلية يعني ,, ممكن ما تكون الافضل ,, ولكنها بالتاكيد من افضل الكليات

الاعتماد يعتمد على مقومات وشروط ,, اذا تحققت جميعها مبروك عليك الاعتماد

بس انتم ليش زعلانين :d ,, بالاول والاخير هذا من مصلحة الطالب انه يدرس في جامعة معتمده عالميا
ممكن ما تحس بالشي هذا الان ,, ولكن اذا الله اعطانا طولة العمر وتخرجنا بتشوف بعينك الفايدة من هذا الشي

[eng. abdu]

اليوم رحت الاحتفال و اتكلمو عن التخطيط و التعب اللي تعبوه عشين الاعتماد و ذكرو بعض الخطوات اللي سووها..
و حضر نائب وزير التعليم العالي و مدير الجامعه و العميد و رؤساء الاقسام والدكاتره و المهندسين.. و العميد كان جدا متحمس ^_^

وو الله شي يشرف من جد.. ولازم نفرح بالتقدم مو نزعل..

وعقبال جامعات المملكه كلها ان شاء الله..

[المحترف_100]

de vinci

من ناحية ان الابت يكون مداولة بين الجامعات ,, هذا غير صحيح
البترول ما اخذت الاعتماد الاكاديمي المعتمد اللي معانا الان

هم كان عندهم زي اللي كان عندنا قبل فترة ,,
والان احنا تحققت عندنا الشروط اللازمة للاعتماد ,, فاخذناها

اما على انهم دافعين كم مليون ,, فهذا كلام علاء جودة الترم اللي فات ,, بس هو قالها مبالغة
ويقصد انه الوفد اللي يجي يقيم الجامعة ,, يكون مصاريفة وتكاليفة كاملة على الجامعة

اما عن موضوع ضعف الانجليزي عند الخريجين وانه هذا سبب تفضيل سوق العمل لطلاب البترول .. انا اتفق معك
بس اسالك خطا مين هذا ؟
زي ما وضحت انا في ردي الاول ,, يجيك الطالب عندنا انجلزيزي عنده ضعيف وما عمره ذاكر من الكتب . بس يذاكر من الملخصات ,, كيف تبغاه يتعلم انجليزي
هل موضوع الملخصات والمدرسين الخصوصيين هذا موجود عند البترول ؟؟
اذا المسؤلية الاكبر تقع على الطالب اولا


طبعا في النهاية ما اقول ان كليتنا احسن كلية ,, ولكن نحاول ناخذ الايجابيات والسلبيات ومناقشت اسبابها بعقل
وما نركز على السلبيات واللي تكون غالبا بسببنا احنا كطلاب

وطبعا هذي تبقى وجهة نظر وتفكير شخصي
دمتم

[مالك معاذ]

والله الكلية يا جماعة ومن واقع تجربة ما قصرت في موضوع الانجليزي

جايبين اجانب كلهم لغتهم الام الانجليزية زي مثلا عبدالرحيم ( بريطاني ) او دوغلاس ( جنوب افريقي )

وواحد كندي نسيت اسمه وهكذا البقية كلهم من دول تعتبر اصل واهل الانجليزي

وأسأل نفسك بس وانت عارف كيف وضعية الحضور ( المخجلة ) والشباب اللي يغيبوا اكثر من اللي يحضروا

هذا غير قلة الاهتمام واللا مبالاة في حالة الحضور وعدم حل واجبات وقلب المحاضرة بهللة وتريقة

والله افتكر كانوا المدرسين يطالعوا بإستغراب وواحد مرة قال انتهم اغرب طلاب شفتهم في حياتي

ما عندكم اي حرص واي اهتمام ..

العيب مو في الجامعة بصراحة العيب بالطلاب وعدم رغبتهم بأي استفادة من ناحية اللغة ..

وقلة قليلة اقتكرهم كانوا حريصين على الاستفادة من موضوع اللغة سواء من ناحية الحضور او التفاعل او الحرص

ومثل ما قال الاخ المحترفمازاد الوضع سوءا ان الشعب قالبها ملخصات ومذكرات وسايب الكتب

خلاصة الموضوع لا تحط العيب على الكلية حط العيب على اهمال وعدم مبالاة الطلاب

وشوف طلاب البترول كيف مجتهدين وحريصين تعرف كيف ليش طلابنا خايسين باللغة

[rakan]

أخي دافنشي

كلية الهندسة بجامعة البترول على عيني وراسي

اما موضوع انهم يعطون اولوية في ارامكو .. ترى ارامكو ماهي الشركة الوحيدة بالسعودية ... أما سرها مع جامعة البترول .. فببساطة كدا

لأنه الظهران مافيها غير شيئين .. ارامكو وجامعة البترول ... وتقدر تسأل أي طالب من طلاب جامعة البترول وراح يأكدلك كلامي

وغير كدا .. لي زملاء كثيرين شغالين بأرامكو مهندسين متخرجين من جامعة الملك عبدالعزيز .. فدا ما يمنع انه خريجي جامعتنا أقل من طلابهم

أما بخصوص مسألة اللغة .. فاللغة ليست عائقا هذه الأيام فمصادر تعلم اللغة الان مفتوحة، ويمكن الآن مع اللغة الانجليزية المكثفة في السنة التحضيرية راح يحسن من مستوى اللغة عندنا

وترى اذا مستهين بالابت، جمعيات الهندسة العالمية تعتمد على الابت مثل ieee و iie وغيرها

بالاضافة الى الهيئة السعودية للمهندسين في اجتماعاتها الأخيرة تحدثت وناقشت عنها وعن أهمية تطبيقها على بقية الجامعات السعودية

عموما .. كلامك يعبر عن وجهة نظرك فقط وأنا احترمها .. لكن رجائي الخاص عندما تقارن جامعة مع جامعة أو كلية مع كلية .. فلاتقارن بطلابها، لأنه توجد معايير كثيرة للجودة والمستوى وأتوقع دا الشيء لايمكن لا أنت ولا أنا ولاغيرنا نستطيع أن نقيم دا الشي لأنه من اختصاص الخبراء في العلم، ولاتقلي والله شركة فلانه تاخد خريجيها اكثر مننا لانه ليس مجال تقييم ... وسوق العمل الحمدلله يقبل المهندسين من جميع الجامعات حتى من خريجين غير جامعتي الملك فهد والملك عبدالعزيز

[ابداع]

يا شباب للأسف هذا الواقع المُر ..
يعني لو جينا بالمنطق الكلية الوحيده خارج الولايات المتحدة !!
نصب ..
وين راحت بقية دول العالم ولا جامعاتنا احسن من جامعاتهم ؟!
شوفوني انا احد طلاب كلية الهندسة ولا افقه شي بالهندسه ..
يعني اعترف مافيها شي ..
وصدقوني الاعتراف بالمشكله ماهو عيب بالعكس هذا يحل المشكله ..
لأني ما ابغى طلاب بعدنا يوقعون في المشاكل اللي وقعنا فيها ..
اكيد كلنا نتمنى الخير لجامعتنا وكليتنا لأنها تمثلنا ..
ولكن يجب ألا نصدق مثل هذه الفلاشات والدعايات الكاذبه التي لا يقبلها العقل ولا تضيف لنا اي شي بالعكس ممكن يكون مردودها سلبي ..
ونقوم بالتطبيل والتصفيق لكليتنا وجامعتنا التي تحتاج الى تغيير جذري في (مبانيها + دكاترها + مناهجها +طلابها + ...الخ)
أنا انتقد هنا لأني اريد لجامعتي وكليتي كل خير ..
وشكرا..