استشارة عاجلة : طفشت وأبغى أحول

[ناريمان جوري]

up up up

[مهموم والله]

بخصوص التحويل الان صعب لانه انتهى وقته الا اذا عندك واسطة قوية غير كذا حاولي تصبري لنهاية الترم ومنتي خسرانة حاولي تشدي قد ماتقدري ترى درجاتك تعتبر نوعا ما جيدة يعني عندك فرصة كبيرة للتعويض بس اهم شيء يكون عندك عزيمة ترى والله مافي شيء صعب لاتحاول تحبطي نفسك وتقولي صعبة والله فيه ناس السنة يلي فاتت جابوا نفس درجاتك بالدوري الاول وبعدين دخلوا الطب

يلي ابغى اوصله لكي والله مافي شيء مستحيل انا نفس حالتك وربي درجاتي اقل من درجاتك لكن الحمدلله بعد الاختبار حاولت اصحح الحال واعرف الاغلاط يلي وقعت فيها حتى الاختبار الجاي اجيب درجات اعلى

عالعموم مااقول الا ربي يوفقك ويحقق مرادك بس حاولي قد ماتقدرررييي تعيدي النظررر في فكرة السحب والله يكتب لكي يلي فيه الخير

دمتي بخير

[ناريمان جوري]

مشكور جدا"
وإن شاء الله خير وهذا ان تفائلت

[مهموم والله]

المشاركة الأصلية كتبت بواسطة ناريمان جوري مشكور جدا" وإن شاء الله خير وهذا ان تفائلت

ناريمان الكلام مايكفي لازم قول وفعل حاولي قد ماتقدري تبدي من الآن عندك اسبوعين للاختبارات الجاية ممكن تسوي فيهااا اشياء كثيرة لاتضيعي الوقت كل يوم تقولي بكرة راح ابدأ في البداية الامر راح يكون صعب وتحس بطفش غير طبيعي ومالك نفس تذاكري بس الشغلة يبغى لها صبر وبعد كم يوم راح تحسي الوضع اخر حلاااوة وبالعكس راح تتحمسي للمذاكر اكثر وترى كلامي هذا من واقع تجربة انا والله كل مااقرا كلامك اتذكر معاناتي بس الحمدلله الان غيرت من وضعي وان شاء الله تظهر التغييرات في اختبار الدوري الثاني

بالتوفيق للجميع والمعذرة عالاطالة

[ناريمان جوري]

ok
دحين أسيب النت وأروح أذاكر
باي

[كومة مشآعر]

بس حاطة يدي على خدي افكر

هذآ هو مختصر المشكلهـ ..

يآ قلبي لآزم تحآولي ترفعي درجآتكـ من الآن إبدئي ذآكري للإختبآر الدوري الثآني

حطي لكـ جدووول رتبي أفكآركـ وإبدأي ذآكري وإدعي .. وبترتفع درجآآآتكـ إن شآء اللهـ ..

الإختبآر الأول كلنآ تقريباً عيدنآ بس دحين شدي حيلكـ وبتجيبيهآ إن شآء اللهـ

وبعدي سوآلف الشيطآن عن رآسكـ .. وربي يووووفقكـ يآ قلبي

ممممم أمآ عن التحويل مآ عندي خلفيهـ ^^ .. بالتوفيق

[مهموم والله]

المشاركة الأصلية كتبت بواسطة ناريمان جوري ok دحين أسيب النت وأروح أذاكر باي

ياسلام هذا المطلووب ومو معناها انك ماتحاولي ترفهي عن نفسك بالعكس هذا شيء اساسي بس طبعا كل شيء وله حدود يعني حطي وقت معين ترفهي عن نفسك حتى يكون عندك رغبة اكبر في المذاكرة ويارب يوفقك وان شاء الله تحققي مرااادك انتي وبقية الاعضاء

[bint aboha]

السلام عليكم ورحمه الله وبركاته

ناريمان يابعدي خلاص حبيبتي هونيها وتهون والله كلنا كذا بس لاتخلي الشيطان يضحك ع ويقولك ماراح

تقدري إنتي قويه وراح تتغلبي ع هذا الشي الله يوفقكي يارب والجميع وخليكي دائما كذا كل ماجاء يوسوس

ع روحي ذاكري وطنشي كل شي تقبلي مروري

[SaMoD]

سلام


يا نيرمان جوري

ما انصحك ابد تسحبي من الجامعة
لانك اذا سحبتي ما راح تقدري ترجعي للجامعة الا انتساب (بفلوس ويختلف الوضع تماما)

بعدين عايدي الوضع (تحصل في اعرق العائلات)
تقدري ترفعي درجاتك وترا مو صعبة
اصلا هما يصعبو الاسئلة عشان يخوفوكم
(فا يقلو الطلاب ويسحبو زي السنة الماضية)
واحب ابشرك في نهايه الترم راح يكون في رفع درجات في كل المواد
(السنة الماضية كانو زودو درجات مرا كثير والله لو قولت ما راح تصدقي)
لدرجة انا كنت المفروض اخد c في الكيمياء بس مع الرفع الدرجات اخذت +b
يعني زادو اكثر من 10 درجات



تقريبا نفس وضعنا السنة الماضية بالضبظ
يعني حتى في دفعتي طلاب كانت درجاتهم تقريبا زيك بس شدو حيلهم
ودحين بعضهم في الطب



اتمنى اكون افذتك
ملاحظة انا من الطلاب يلي اجتازو السنة التحضيرية

[د/ روميو]

اختي ..انا كنت حاس ..ومازلت متاثر فية جزيئيا ..
وضعي نفس وضعك..الدوري الاول حدث ولا حرج ...درجات واطية ..
مع انه كنت من الدوافير ..
وانتي تستطيعن تدخلين الطب ...
وانا مستعد احلف انك في الطب السنة الجاية ..
ماشاء الله الاحياء 28..
درجتك حلوة ..واحلى من الحلا ..
انتي شيلي فكرة السحب من راسك..حاولي تبدي من بكرة ...
قدامك اسبوعين..
تقدريت تخلصين كل المواد بالراحة ..
اصلا هي وش 3 مواد بس..
تحدي نفسك ..قولي لا انا اقدر ادخل طب
وراح ادخل غصب عن اي احد ..
وابدي اهم شي البداية صح صعبة ...لاكن تقدري تبدي ...
رتبي افكارك ..
وبعدين قرري وش راح تبدين فية ..
مثلا ابدي احياء...
ويومين وانتي مخلصة ....وصوري دفتر اي بنت ...عندك بكلاس الكيمياء+ الاحصاء..
روحي للدكتورة الساعات المكتبية ..
تقربي من البنات الدوافير عندك في الكلاس..امشي معهم ...<<بالعربي ادخلي عرررض معهم ..
والله لو مشيتيها الامور راح تمشي..
لاكن اهم شي رتبي افكارك ، وابدي ..
والله يوفقك ..
ونشوفك بعد الدوري الثاني ..جايبة احلا الدرجات ..
تحياتي