حساسية الأسنان \\ Teeth Allergy

[Dr~NanoOok]

وهذه مقاطع توضح طريقة التفريش الصحيحة للأسنان ^_^




&






~

[Kaira]

المشاركة الأصلية كتبت بواسطة dr~nanoook ربي يسعدك دنيا وآخرة .. آميـــــــــــــن ^^ والله انك عسل.. ولسانك ينقط عسل ربي يحفظك تسلميلي والله لسه قبل يومين قاعدة أبحث في موضوع فرشة الأسنان وايش أحسن شي وقعدت دوّرت الين لما شفت الآتي: فرشة الأسنان العادية .. والفرشة الاتوماتيكية = اللي تشتغل بالبطارية كلهم كويسين وبيؤدوا الغرض بشروط : - نفس الفرشة ما تكون ناعمة مره .. ولا قاسية مره يعني أفضل شي نستخدم الوسط - ميديوم عشان الناعمة مره.. ما تقدر تفرش وتنظف سطح الأسنان كويس وما بين الأسنان و القاسية.. حتخدش سطح المينا بقوة وتساعد على تآكلها بسرعة.. وممكن تعمل حساسية للثة لخشونتها - مدة تفريش الأسنان لا تقل على دقيقة ونص ومتوسط مدة تنظيف الأسنان بالفرضة هي 1.5 - 2 دقيقة عشان يتركز المواد اللي بالمعجون وتساعد على تنظيف الأسنان.. و تركيز المواد المكملة المفيدة في الأسنان نفسها - استخدام الطريقة الصحيحة لتفريش الأسنان وهي بطريقة دائرية .. وليس بشكل أفقي (رايح جاي يعني) لأنه بكده حيخدش سطح الأسنان أما الدائري حيكون متوافق مع شكل وتركيبة السّنة فما تعملها تآكل - الوصول إلى جميع الأماكن والأسطح حقت الأسنان وخاصة الأسنان الخلفية.. و السطح الداخلي للأسنان الي جهة اللسان - استخدام الفرشة ما يزيد عن ثلاثة أشهر فقط لأنها حتفقد خواصها و قوتها.. وحتتراكم عليها البكتريا ~ واذا عملنا بكل هذا.. باذن الله ما حيحصلنا مشاكل بأسنانا وأنا بالنسبالي فضّلت الفرشة الاتوماتيكية لأنها أسهل و أقل في الجهد .. ونتايجها أفضل .. لأن حركة الفرشة دائرية فما أضطر أحرك يدي بنفسي مجرد اني ادخل الفرشة واحركها فوق الأسنان وهي تعمل كل شي ^^ و لما جيت عملت مقارنة لأسعارها .. في فرش أسنان بالبطارية.. سعرها ما بين 25 -35 ريال .. وراس الفرشة يقدر يتغير أما فرش الأسنان الكويسة العادية.. في حدود 20 - 30 ريال وأكيد بعد 3 شهور حرميها واجيب غيرها لكن الاوتوماتيكية بما ان الراس يتبدل.. يصير المره الجاية اشتري بس راس الفرشة وهذا أوفر << اكتشاف دوبني انتبه ليه "^^ كنت أعتقد ان الفرشة الاتوماتيكية مره أغلى من العادية لكن طلع لأ ^^ ~~~~ طيب نجي لمعجون الأسنان .. تقريبا كل معاجين الأسنان ليها نفس التركيبة والخواص لكن بنسب و تركيزات مختلفة وأي ماركة من الأنواع الكويسة واللي بيعلنوا عنها كثير ع التلفزيون تعتبر كويسة والنوع اللي ترتاحيله و يعجبك خديه لكن بليز ابعدوا عن المعاجين المبيضة للأسنان !! لأنها ضارة .. وطريقة عملها انها تزيل الطبقة الخارجية الرقيقة من الأسنان.. فعشان كده بتبيّض الأسنان في البداية لكن بعد فترة ترجع تصّفر.. وممكن أكثر من أول ! و لما تستعملي تاني.. حتزيل الطبقة التانية .. وبعدها الثالثة وهكذا ! وبكده حيخلي الأسنان حساسة .. و كتيرين جربوا وداوموا على معجون التبييض وصارت أسنانهم حساسة ونفس الفكرة مع تبييض الأسنان عن طريق الليزر وغيره مره مره ضار .. وبعد فترة حيخلي لون الأسنان تصفّر أكثر من قبل !! واتذكر مره بالكلاس.. الدكتور سألنا كم واحدة عملت تبييض لأسنانها ؟ ولا واحدة مننا رفعت يدها << كييييف بنات أسنان ومحد فيهم اهتم وبيّض أسنانه ! واعتقدنا ان الدكتور حيهزئنا ويضحك علينا "^^ لكنه بالعكس شكر فينا .. وشرحنا انه ضار واننا على حق ~ وبرضو في معلومة قريتها .. دكتور أسنان بيقول أنه الأفضل كل لما تخلصي من انبوب المعجون من ماركة معينة تشتري واحد جديد من ماركة ثانية عشان لو البكتريا في أسنانك عملت مناعة وريزستينس من نوع المعجون دا يصير الجديد يقدر عليها << وما فرقت .. منو احنا نختار و نجرب انواع الين لما نرتاح لوحدة فيهم =) ومعليش على الاطالة "^^ << سيبوني اتكلم عن الأسنان وما حسكت الين بكره لكني فعلا

ماشاالله تبارك الله ^^
بصراحة كفيتي ووفيتي على سؤالي الصغنتوت ..
الله لا يحرمنا من كلامك ومعلوماتك الي أغلا من الدر ..

[FeEK mY hOpE]

معلووومات راائعة , تسلمي يآقمر