بلييز ياشباب وبنات التطوير واتنظيم الادري مستوى 3 حكونا عن مدى سهوله وصعوبه المواد

[™ Ằţ3Ьήê•Ĝļάķ ~ْ]

-محاسبه
حخذها هالترم

2-قانون
عند صباح المصري اخذتها , وهي ع كل جزئيه تعطيك اسئله تكتبينها بالكتاب
كثييير صح بس انا استمتعت بالمذاكره اشياء حلوه ومفيده بس في اشياء لازم الواحد يركز فيها
3- مبادئ سياسه
اخذتها عند وحده ماعرف مين هي , بس البنات اعطوني ملخص من 30 صفحه والحمدلله تمام ذاكرت منه , والاسئله كانت حلوه ومتنوعه
4-تحريركتابي
روووعه بجد وسـهـل , وع فكره ماحضرت محاضرات ابد ابد لهالماده ومااشتريت كتاب بس حملته ع الجهاز والاشياء المطلوبه او جداول كنت اكتبها او اطبعها

وحده هنا اذكر كتبت موضوع ودايم تنزل فيه محاضرات وصرت اطبعها , بجد جد الله يسعدها مره نفعتني هالمحاضرات

5-اداره عامه
حخذها هالترم

[خطاااك نساااني غلاااك]

مرآحب

1-محاسبه
مااخدتها بس انيسة احسن وحدة ,
2-قانون
نصييييييييييييحة لاتدخلي عند صباح المصري
وربي ماعندها سالفة الله يحفظها
كلامها كتيررررر وتأشر وسطر سطر عليه سؤال تتعبك بالتاشير وانا اخدت المادة معها
وجلست اسبوعين احضر وبعدها حذفتها لانو ماعندي وقت اذاكر
عشان هيك طيريها لاتاخدي عندها
خدي عند ممممم ياربي نسيت اسمها مصرية جديدة ختيرررررررررررررة يسعدها ربي
واسالتها تجننن وواضحة ورب البيت رووعه رووعه فرق عن صباح ,
3- مبادئ سياسه
هدي الاسئلة موحدة ولو تدخلي عند خالدة حلو بس شرحها كتيررر وتتعب
ادا تبغى تستمتعي ف المادة احضري وادا ماتبغي مو لازم خدي الملزمة ابو 30 صفحة من هينا وذاكريها وبس
لان المادة سياسية , ادا تحبي السياسة ح تستمتعي , < انا ابويآ ذاكرلي المادة هدي ,
4-تحريركتابي
الترم هدا باخدة ,
5-اداره عامه
مممم اخدتها عند ياربي نسيت اسمها بس وحدة الكل يسبها كل محاضرتها سوالف وهرج وماعجبتني
ومدري كيف نجحت ..

شوفي يابطة
الترم هدا ح ندرس احنا قبل الادبي
يعني معانا وقت نذاكر
عشان كدا نزلي مواد كتيرة وفهم لانو عندك وقت ,
ورتبي دايما وضعك كدا ادا الدورة متأخر خدي اشياء بسيطة وادا متقدمة خدي كتيره
وربي يوفقك

جزاكم الله خير طيب افيدونا با افضل استاذات في مبادى سياسه واداره عامه

واياك يالغلا ,
سياسة يابطة الاسئله موحدة عشان هيك مايفرق تدخلي عند مين
والمادة حلوة ممتعه , ادا تبغي تفهمي احضري عند خالدة مرررة تمام وادا ماتبغي مايفرق
وعلى فكرة حتى لو طلعت المادة فل الشعب ومافي عند خالدة , عاادي احضري عندها وافهمي الشرح لانو موحد
ودايما سوي كدا , ادا المادة موحدة اختاري شعبة من راسك وادخلي افضل دكتورة وادا قالوا الي برا الشعبة تطلع دخلي من هينا وخرجي من هينا ولا كأنك سامعة
,,
ادارة عامة اعتقد الاسئله مو موحدة , عشان هيك مااقدر افيدك
وبالتووفيق ,


<< موضوع مو رد ^_^

[sm20ah]

المحاسبه
تراها مادة يحتاج لمدرس قدير الصراحة انا جبت مدرس وخذت فيها على امتياز وعندي ملخص من الاستاذ يكفيك على على المكرة
وبعدة مادة السياسة معقده
االله يوفقك

[koko007]

ماهي المواد العلميه الي يبي لها مدرس مستوى ثالث

[روزليندا]

الله يوفقكم وييسر لكم ويرزقكم امين امين امييين

[دروب الحياة]

يعطيكم العاااااااافية يالغوووووالي على توضيح

المشاركة الأصلية كتبت بواسطة خطاااك نساااني غلاااك واياك يالغلا , سياسة يابطة الاسئله موحدة عشان هيك مايفرق تدخلي عند مين والمادة حلوة ممتعه , ادا تبغي تفهمي احضري عند خالدة مرررة تمام وادا ماتبغي مايفرق وعلى فكرة حتى لو طلعت المادة فل الشعب ومافي عند خالدة , عاادي احضري عندها وافهمي الشرح لانو موحد ودايما سوي كدا , ادا المادة موحدة اختاري شعبة من راسك وادخلي افضل دكتورة وادا قالوا الي برا الشعبة تطلع دخلي من هينا وخرجي من هينا ولا كأنك سامعة ,, ادارة عامة اعتقد الاسئله مو موحدة , عشان هيك مااقدر افيدك وبالتووفيق ,

بس عندي سؤال كيف يعني الاختبار مرة يجي موحد مرة لا

في تحضيري كل اسئلة الاختبارات النهائي جت مووحدة عند الطالبات

هل يعني كل استاذة تحط الاسئلة الاختبار للشعبة تبعها

فهمووووووووني

[فراشة جدة]

يعطيكم العاافية

والله افدتدونا يسعدكم ربي

[سنيوره جده]

خطاك نساني غلاك

شكرررررررا مررررررررررررا جزاك الله خير

طيب ياقمر كيف عرفتي انه احنا بنداوم قبل الادبي ؟؟؟

[إسماعيلH]

طيب أبغى أعرف كيف أعرف أسماء محاضرين أقصد أساتذة المواد والمحاضرات كيف أحضرها وأنا خارج مدينة جده وربي شيب رأسي قبل لاأطلع مستوى ثالث


بليز أرجوا التوضيح

[دافوري]

كــان يـامــكان في سـالـف العصـر والأوان

للرفــع بس ..