عشان اطلع مميزه في زواج اخوي

[حبي لذاتي قمة أولوياتي ~]

اسمعي فيه كمان في مكان أسمه عند العمارة الزرقاء والله فستان ملكة بس 1500 ريال اللي يشوفة يقول ب 3 او 4

عند شخص اسمه صدام

اسم المحل الجوهرة للأزياء

للعرايس وسهران وتصماميم وقطع مطرززززة

الكندرة مركز بن شيهووون الدور الثالث ولو تبغي رقمهم راسليني

[أنثى المفاجآت]

عزيزتي اذا حابه شئ يكون مميز و مرررررررره فخم عندك المصممه وجدان البنيان


رووووعه تصاميمها واكثر شئ يعجبني فيها انها تجمع بين الفخامه و النعمومه بس المهم انتى توضحي لها طلبك


ان شاء الله اجيب لك رقمها اليوم


و موفقه يااارب(:

[سوسا]

بليز حتى انا ابغى رقمها حبيت الوصف نومعه و فخامه دا المطلوب بالنسنبه ليا


حتى انا زواج اخويا في الحج ان شاء الله بس ابغى ابدا اجهز فستاني من دحين لاني ما سويت ملكه كبيره و حنزف في فرح اخويا


فا ابغى فستان بمستوى فستان ملكه

[فاقدة أبوها]

ربي يتمم لأخوك على خير يارب وعقبالك إذا لسا ماتزوجتي,

انا ياقلبي مو من جدة بس بعد إذنك عندي سؤال بما انه الموضوع متشابه ^^

فرح أختي بعد الحج ان شاءالله ونفسي اعرف أحلى محلات الفساتين بجدة لأني ابغى اشتري جاهز وما راح اطول هناك يعني بخميس وجمعة بشتري فستانين غير لبس العيد وابغى حاجة مرتبة وحلوة بس ماودي اتعب نفسي باللفلفة فياريت اللي تعرف محلات حلوة تقولي عليها وربي يجزيكم الجنّة

وعقباااااااااال الجميع.