دفعة 10 خبرتكم أحتاجهاا

[lolo.kh]

انا شخصيا اختلف مع فروتا يمكن في كم شي
اول شي المواد اللي انتي منزلتها كتيرة وضغط صح بس لازم تاخديها دحين ولا بعدين
انا افضل تاخديها دحين لانو الترم الجاي اكيد مواد اصعب وكل ما اتقدمتي ترب حيصعب الموضوع غير انو في مواد تترتب عليها موادتانية مثلا ابدا لا تفكري تحذفي المحاسبة لعدة اسباب اول شي لازم عشان تاخد محاسبة 2 ومايتلخبط جدولك وتتلخبط خطتك و غير كدا المادة دحين مسهلينها ومختصرين فيها كتير فالحقيها

ثانيا الاحصاء مادة تقيلة دم بس خديها واخلصي منها عشان لا تنسي الاحصاء اللي اخدتيه في التحضيري لانو اول الشباتر تترتب عليه

--------------------------------------------
الاستاذات
انا عجبتني نهال صح تتاخر ماتجي بدري ولكن توصل المعلومة المطلوبة بدون لف ودوران وتحاول تفهمك باي طريقة بس تباكي تركزي معاها وشوية شديدة صح كانت سبت واثنين وربوع تجي احيانا نص ساعة بس بعد كدا سارت تجي بدري نوعا ما المهم مايفرق هيا تجي متى المهم انها كانت توصل المطلوب وتخلص في الوقت المطلوب
ما ادري عن سحر ولكن سمعت انها كويسة من ناس وناس تانيين قالو مو مرة
بالنسبة للاسئلة مادري ازا كان التصحيح نفسو لا يفرق لانو في المحاسبة لازم تنتبهي لكل نقطة احيانا اخطاء بسيطة تنقصك فما ادري كيف تصحيحهم


الاحصاء انا اخدت مع الهام كنت افهم معاها بس احس لازم تركزي في المذاكرة وماتعتمدي عالشرح بس ابدا
نرمين احضري مراجعاتها تعطيكي من اسئلة الاختبار وهيا تتكلم
وفي وحدة تالتة مو فاكرة اسمها دي قالو انها كويسة ياريت اللي تعرف اسمها تقولو
----------------------------------------
اقتصاد جزئي
اخدتو مع دكتورة لبنى ابو العلا عبد الله بصراحة تشرح بس يمكن تتكلم كتير عبال ماتوصل المعلومة يعني بطيئة شوية في الشرح بس هيا طيبة والله وتجيب من التست بانك اسئلة بس مو كلها يعني تحب تحط الاسئلة من عندها احيانا
خالد ابراهيم واحمد البنا يعطو تست بانك ويجيبو الاختبار منو بس ركزي عشان تفهمي
--------------------------
كيميا او فيزيا
انا احب الكيميا وابدا ما احب الفيزيا
بس لمن اخدت الاتنين في التحضيري الكيميا لازم فهم وتركيز الفيزيا حسيت انو معادلات تفهميها وتتفهمي عليها كم نقطة وخلاص
يعني ازا مايفرقو عندك المادتين خدي فيزيا بس ازا تفضلي وحدة خديها

[lolo.kh]

سؤال اللي اخدت انجلش مع سحر
هيا كيف اسلوبها؟
و تعطي هوم وورك كتير ولا كيف ؟
ومين في غير عايشة وسحر ؟

ولو سمحت قوربتشوف مين كان يعطيك اقتصاد

[TURKI ALharbi]

المشاركة الأصلية كتبت بواسطة lolo.kh سؤال اللي اخدت انجلش مع سحر هيا كيف اسلوبها؟ و تعطي هوم وورك كتير ولا كيف ؟ ومين في غير عايشة وسحر ؟ ولو سمحت قوربتشوف مين كان يعطيك اقتصاد

اخدت مع عبدالرحيم البحطيطي
الدوريات ومع الواجبات اخدت 59 من 60 وبنهائى حليت كويس واعطانى 75
جالس احاول اكلمه متاكد 100% فيه خطاء بتصحيح
بس هو عسل
الدوريات يعطيك 30 سؤال وبالاختبار يجيب ال 30 يقلك حل 15 او 20

[joony]

انا بالنسبالي

اخدت فيزياء مع وجود ديري شرحها حلو بس ماكنت احضر ^^
ومحاسبة مع نهال اروح واجي كل يوم ولا افهم كلمة ^^
واقتصاد جزئي مع خالد ابراهيم كمااان ماكنت افهم منو بس احفظ التيست بانك واجيب درجات ^^
انقلش مع سحر مره بطيئه ومخلصه ... خليكي مع عيشه تمشيكي احسسسن ^^



الحمدلله بس اني نجحت هههههههه ^^




lolo
واجباتها كثيره وتحب تركز على المحادثات في الكلاس
لازم تخلي كل الكلاس يشااارك ... تنشبلكـ في حلقك مافي فكه منها
عيشه حضرت كم محاااضره مره عجبتني بس كلامها جدا سريع ومسهله للبنات عكس سحر ^^

[cute.memo]

احصاء كنت مع تغريد وكانت مرة كويسة وطيبة

محاسبة كنت مع نهال وعن نفسي ماكنت افهم منها بس في بنات يفهمو
وكتييير يقولو سحر احسن وسحر تدي مراجعات

اقتصاد مع خالد ماكنت افهم حاجة بس يعطي اسئلة واحفظها صم وماتخرج منها
بس خالد كان يجيب سؤال او سؤالين مقالي بس محمد كلوو اختياري من الاسئلة اللي يعطونا هيا

فيزياء مع منيرة حماد مررررة كويسة
بس انا ندمت انو دخلت فيزياء لانو صحباتي في الكيمياء مررة كانو مبسوطين فيه

[My World]

ماشاء الله الحلوين ماقصروا قالولك كل شيء

اذا بتاخذين كيمياء اخذيها مع دكتورة ليلى عسل واخلاق وتراعي وتفهم
محاسبة مع سحر جبروني
اقتصاد جزئي محمد البنا
اذا بتاخذين عربي 1 اخذية مع حسناء الهاجري (( انا بالتحظيري اخذتها معاهاااا
احصاء ابعدي عن نرمين هي صح تراعي بس على قولة فروتة السوكرة ماتدخل المعلومة
اما الانجلش ما ادري بصراحه
وبالتوفيق لك

[Nice Heart]

ربي يسسسسسعدكم ويوفقكم وييسر لكم الدراسة وتنجحوا يااارب بأعلى المعدلات

مررررا شكرآ ماراح أنسى مساعدتكم لياا

:)

عندي سؤال : الانجلش كم ساعة بالاسبوع ؟؟

[It's Easy]

ناايس اسمعي نصيحة لولو الي فووووق ...
خذي احصاااء اعمال من دحين لانو المادة هذي وراكي وركاي وفي بنااات كثير حذفوها عشنهم شايفينها صعبة بس شوفي لسى حياخدوها الترم الجاي ووراهم بعد كذا مواااد صعبة .!!
انا اخذتها مع المحااسبة ومرة الوضع كاان عادي بس انتي اهم شي ركزي في محاضرة الاحصاء وذاكري اول باول وكذا حتكون المادة ان شالله سهلة .. واهم شي طبعا تاخذي محاسبة واقتصاد وانجلش لانو هما ال3 لهم مستوى ثاني فلازم تاخذيهم عشان ماتتراكم علييكي الترم الي بعده وخذي عربي او ثقافة زي ماتحبي بس الاهم المواد الي فووق لاتقصري فيها والعربي والثقافة لااحقين عليهم :) وبالتوفيق واي سؤال انا حااضرة

[My World]

3 ساعات )) مكتوب بالخطة

[Nice Heart]

تسلمي it is easy ربي يفتح عليك
نصايحكم غيرت خطتي
باذن الله حآخذ الـ 6 مواد
وراح اشد حيلي زي ماقلتي وربي يوفقنا
،،،

يعني بس 3 ساعات ! أحسها قليلة مررا مو زي التحضيري
كانو يكتبون لنا 3 وناخذ كل يوم 3 >> وحده لساتها متأثرة بالتحضيري هع