سوال غريب شويا

[نمر من النمور]

الحمد لله

معتزل الأسواق من زمااااااان



إنت خلك من الأسواق .. فالأسواق معروفة إنه يكثر بها هالشي .. والرسول حذر من الأسواق وأمر إن الواحد ياخذ غرضه منه ويمشي .

لكن روح الحرم النبوي في الحج أو في الإجازات


ياخي والله تبكي من المناظر

مو عشانهم

عشان نفس الواحد من اللي شايفه


مستحيل الواحد يمشي عينه في الأرض مستحيل


واللي تقول غض البصر


ففي مثل يقول

" أمسكوا غنمكم .. تيسنا ما يجيها "


هذول وهما حيوانات

أجل نحن .. وبشكل يومي يومي يومي

تتوقعو إيش بيصير !!!



موضة العبايات أصبحت قديمة ... واللثمة مع رادار العيون صح إنها قمة في الإغراء لكن برضو أصبحت موديل قديم

الآن بدأت في الظهور ماهو داخل اللبس والعباية وخاصة المناطق العلوية :(


كمان سنة إيش حنشوف بعدها !!!


يالله الحمد لله

ربنا راحم الكثير

لو لا الله .. ثم الهيئة

وإلا كانت العديد من البنات الآن في خبر كان .. من الابتزازات والصور و و و واللي كل يوم بنسمع عنها ونقراها في الجرايد


الله يهدينا ويهدكم

ويهدي الكثير من الشباب (الضايع )


" آسفين على الإطالة "

كان شي حارقني من ذو الحجة الماضي في ساحات الحرم النبوي

وفضفضته لكم

[فتفوتة سكر]

كان شي حارقني من ذو الحجة الماضي في ساحات الحرم النبوي

هو بس في ذي الحجه
لسه من اسبوعين وفي الحرم في مكه اشي يبكي
مغرقه عطر والازم شقار الشعار يبان والعدسات ....
اااااه يارب تهديهم مقهوره عليهم
يارب يثبتنا ويهدينا جميعا

[H@nEEn]

مررحبااا

مو بس في الأسوااق للأسف,,سارو في كل مكان

بس سؤال يطرح نفسووووو !!

البنت اش تبغا .... اذا خصرت عبايتها وطقت اللتمه وعيونها اخر ميك اب واتعطرت وجلست تمشي بسوق !! ؟؟

هاااااه

هل في بنت محترمه (متربيه) تسوي زي كدا ؟؟
فين اهاليهم عنهم هدووولاك

شوووو قلة الحيا هيدي ياززلمة ؟؟؟؟؟؟؟ مايصحش ابدااا

اااااامم يطول الكلام فيهم ولكــــــــن,,, كما تدين تدان

[اداب]

الله يهدي الجميع ان شاء الله

[the pin]

المشاركة الأصلية كتبت بواسطة lawmaker عندما تذهب إلى السوق أو السوبر ماركت في المرة القادمة.. غض بصرك.! ..

ما دام عارفة ثقافة غض البصر لازم تعرفين ثقافة ان الفتاة لمحارمها وبس مو لأي واحد من الشارع ما يستاهل يشوف حتى لو اضفرها.


وبالنسبة لي انا رافضه هذا الشيء وبشدة . وانت تعلق بموقفك هذا واختار الزوجة المحتشمة وربَي بناتك على هذا الشيء .

[الحاكمة]

انا لا اويد وبشده مع اني بنت بس والله انبهر بهذا الزين الي يسونه البنات حتى في الجامعه اشوف مناضر تشيب وابوي كل ما شاف وحده يقول يا بناتي لا تصيرو زي هذولى البنات الي مو مربيات

[رائـد]

كل الي ردو على موضوعي بردو ناري الله يوفقكم وخصوصا the pin

[روح البنفسج]

مااقول غير الله يهدي الجميع

انا البس عباية على الكتف بس مو مخصرة بس الله اللي محترمة نفسها محد يقدر يرفع عينه عليها

طبعا انا ماراح اتكلم عن السوق لان الموضوع مفروغ منه الوحده رايحة تأخذ غرض وترجع مو رايحة تستعرض

الجامعة وااااه من الجامعة

اول ماتدخل من البوابة الكل يلتفت من الريحة والله رحمت ابوها مخسر راتبه على عطور الادمية دي مدري كم واحد شمها وهي داخلة غير السواق اللي اتخدر من الريحة وغير البواب والزبال وووو

عبايتها كل الوان الطيف فيها وحرام ماراح اظلمها العباية ماهي ضيقة وياليتها ضيقة ومقفله كان استر

طبعا مفتوحة كأنها سوبر ومن التنورة تبغى تتفزر مدري كيف تمشي دي وطبعا تحت الركبة بكم اصباع ونازلة وشوي بتطيح
البلوزة نفس حال التنورة كلو طالع او الوان تعمي العين

ودا غير اللي شفته اكثر من مرة تجي البنت بعباية محترمة مافيها ولا فص ولا شي يعني بالعربي محترمة وفي شنطتها عباية او شبه عباية او ماتدخل الجامعة تغير العباية شكيت وقتها اني داخله حمامات المطار ودا رد على اللي بيقولو وين اهلهم واهلها ايش دراهم دي ايش بتعمل من وراهم

اتوقع وصلنا حد انو خلاص كبرنا مو كل شي نرميه على الاهل وعلى التربية الوحده فينا صارت تميز محنا اطفال نرضع

مرة في وحدة من المحاضرات الدكتورة كانت بتشرح وسكتت شوي وقالت ممكن تشيلو العبايات فعارضو البنات اللي لبسها مخالف واللي بردانه واللي سودانيه قامت عصبت وقالت انا اعصابي تلفت من مناظركم ايش العبايات اللي لبسينها دي وحلفت اللي عبايتها بدا الشكل ماتدخل المحاضرة مع ان الدكتورة دي ماتغطي ودارسة برا وكل شوية مسافرة كل سنة بلد يعني شايفة العالم بس قالت لكل شي حد وقالت لهم انا عندي اهون تمشي بدون عباية ولا تلبس المسخرة دي

اااااااه يدي اتكسرت

[محامية المستقبل]

الحمدلله الذي عافانا مما ابتلى به كثيرا من عبادة
يامقلب القلوب ثبت قلبي على دينك

[معنى المحبه]

والله من جد مرض التخلف والعباية المخصره انتشر والعياذ بالله
واللي ماتصبر لازم تلبس عالكتف بالييييييييييييت تكون ساده بدون زينه والوان
مع ان تاج الفتاه هو عباية الراس والحشمه
و بعض الشباب الله يهديهم مايتركون البنات بحالهم سواء بعباية راس او كتف
نسأل الله الهدايه للجميع
تقبلوا وجودي \ معنى المحبه