Grammar level 4

[Roz^_^]

وآآآآآآآك مو عآرفين شي

ههههه آمزح معاكم
آنآ كمآن مو عآآآآرفه شي
والله اني فتحت الكتاب قلت أبغأ آسآعدهم مسآكين حليلين

بس مآ عررررفت شي

[Rafo0ofh]

المضآرع البَسيط ،’
دايما يحتوي على هادي الكلمات ( never -rarely-often - sometime - usually- always )
و يستخدم دايما في 3 حالات
1- انه يكون الفعل عباره عن عاده او روتين يومي
I get up at 6:00 am
2- انه يكون الفعل عباره عن حقيقه مستحيل تتغير
I am from jeddah << مستحيل يجي يوم اكون من الرياض مثلا
3- انه يكون الفعل عباره عن حقيقه بس ممكن تتغير في يوم
he works in a new company << يعني ممكن يجي يوم اغير الوظيفه


* المضآرع المستمر ،’نستخدمه برضه في 3 حالات:
1- الفعل اللي بيسير دحين وفي هادي اللحظه ودايما الجمله تحتوي على now
he is playing football now << يعني دحين هوا بيلعب
2 - الفعل اللي يكون يعني في هادا الوقت بس مو شرط في هادي اللحظه
I am reading a new story < يعني انا مو شرط دحين بأقراها يمكن اكون لسه حأكملها بعد شويه
3- المستقبل القريب جدا واللي متاكده منه 100 %
where are you going today


* البآسيف ،’
الباسسيف هوا زي نائب الفاعل بالعربي
يعني يكون اللي سوا الفعل مو مهم قد ما يهمني الفعل نفسه
وبالنسبه لتحويل الجمله من المضارع للباسيف
لازم تكون تحتوي على is \ are + التصريف التالت للفعل
يعني
Sara drink milk
احولها للباسيف يعني تكون ساره ما تهمني فتسير الجمله
the milk is drank

بس هادا اللي قدرت عليه
و ان شاء الله اكون قدرت اوصل المعلومه وبالتوفيق ليا وليكم

[Rafo0ofh]

ايوا صح
نسيت الـ state verbs
هيا عباره عن الافعال اللي دايما تاخد المضارع البسيط
زي الافعال اللي تدل على الأراء والأفكار والمشاعر والاحاسيس ( صفحة 136 اللي في المربعات )
وافعال الحواس الخمسه اللي هيا ( see -hear - taste - smell - feel )

لكن طبعا لكل قاعده شواذ ونادرا ما تجي مع المضارع المستمر وازا جات فمعناتو المعنى متغير
ومنهم ( thinking of - having - seeing - tasting )

بس هادا اللي اعرفو عن يونيت 2 لو في احد عنده اضافه يضيف عشان نستفيد

[N3M]

مشكوووووووووووره

ماقصرتي شرح رااائع ..

[SoSoooo B]

المشاركة الأصلية كتبت بواسطة rafo0ofh ايوا صح نسيت الـ state verbs هيا عباره عن الافعال اللي دايما تاخد المضارع البسيط زي الافعال اللي تدل على الأراء والأفكار والمشاعر والاحاسيس ( صفحة 136 اللي في المربعات ) وافعال الحواس الخمسه اللي هيا ( see -hear - taste - smell - feel ) لكن طبعا لكل قاعده شواذ ونادرا ما تجي مع المضارع المستمر وازا جات فمعناتو المعنى متغير ومنهم ( thinking of - having - seeing - tasting ) بس هادا اللي اعرفو عن يونيت 2 لو في احد عنده اضافه يضيف عشان نستفيد

جزاكي الله الف خير ياقمر

[Rafo0ofh]

العفو ما سويت شي هادا واجبي

[2ttto]

الســــــــــلام عليكم وربي يسهل علينا:..

الموضوع حلو وراح يساعدنــــــا كلنـــــــا شكراً على الموضوع ..

انا قد شرحت يونت ون في موضوع قبل كذا وهــــــــذا شرحي اتنمى يفيدكم :..
UNIT (1


في هذا اليونت يتكلم عن انواع الفعل في الانقليش وهي ثلاثه:.



1- هي The auxiliary verbs ويجي تحتهاdo,be ,have ..

<<شوفي قلبي نحنا نعرف انو do وكمان does سوا وماتنسي did

((be)) يعني is ,am,are

have كمااان معاها has , had <<<وتستخدم الافعال كلها في السؤال والنفي>>

2- modal auxiliary verbs ونأخذها في يونت فور وهذي افعال مساعده للافعال الثانيه


3- full verbs وهي الافعال العادي حبيبي زي GO , PLAY ,...


وهي زي المراجعه للمستوى الثالث ولانتسي شغلتين الاولى تعرفي الاجوبه مختصره I`m وو
I`m not وزي كذا للباقي تعرفوا فين الاختصار يكون...


وثاني شي هوا كيف تسألوا فيها زي؟؟
Are you coming with us


والاجابـــــــــه:..
Yas .I`m (((OR))) No.I`m not


وبس كذا اتنمى اني ماخربطت احد وفهمتكم ..

شكراً مره ثانيه راح نستفيد من زي كذا موضوع..

[N3M]

2ttto

ماقصرتي .. شرح واافي


طيب وش رايكم ننقز ليونت 3 ..

اللي يتكلم عن الباست بانواعه كلها تقريبا ..

[2ttto]

ويونـــــــــــــت تو شرحت الحلوه Rafo0ofh ويعطيها الف عافيه راح احاول اشرح الباقي اذا قدرت..

وربنـــــــــــــــــا يوفق..

[* تركي *]

/

وِش هِي نقآط يونِت 3 الِي تحتآج مرآجعة ؟