المواد الحره و الاختياريه

[Ghadeer]

كيف حالكم يا طلاب و طالبات

زي ماتعرفوا عندنا بالخطه 3 مواد اختياري(9) ساعات 2 مواد حره (6) ساعات

بس المشكله اغلب الطلاب يعانوا من صعوبه اختيار المواد و البحث عن المواد السهله اللي ترفع المعدل سواء كانت حره او اختياري

انا اخذت مادتين اختياري ( الحكومه الالكترونيه ) و ( ادارة المشروعات العامه )

و اللي ماخذت من قبل مواد اختياريه انصحها في هذي المادتين بس بشرط الماده الاولى تكون عند الاستاذه عواطف امين و الماده الثانيه تكون عند الاستاذه بدريه و إن شاء الله فالكم طيب

مانزلت هذا الموضوع الا بعد ما تعبت و انا ادور بالمنتدى من موضوع الى موضوع و الى اليوم وانا ابحث بس للأسف مالقيت شي يفيدني.. الحين ياليت الاخوان و الاخوات يساعدونا في اختيار ماده ثالثه اختياريه و مادتين حره

من خلال بحثي لقيت الكل يمدح في فن الاقناع كـ ماده حره بس قالوا لازم انمار و مانزلت عند انمار فـ صرفت نظر و بعد رشحوا لي سلوك انساني كـ ماده حره و اظن نزلت عند الاستاذه سمر و مايمدحوها طيب وش ناخذ مواد حره الحين ..؟

و ياليت اللي ينصحني بماده يعطيني اسم الاستاذه لانه النجاح يعتمد بشكل كبير عالاستاذه مو عالمنهج خاصه ان احنا على تخرج و حابين نرفع المعدل ..؟

ياليت تنصحونا بماده اختياريه سهله و خفيفه و لطيفه مع اسم الاستاذه

و مادتين حره نفس الشي ولا تنسوا ام الاستاذه

و للتنبيه احنا قسم اداره عامه يعني الحره عندنا تكون اختياريه عند ادارة الاعمال هذا اللي اعرفه

فأنتبهوا لا تخربطوا بينا و بينهم

عذرا إذا ثقلت عليكم و إن شاء الله نكون متعاونين مع بعض لتحقيق النجاح

موفقين جميعا و بنتظار تعاونكم