شُعــــرائنا..}}~قَصَائدهم ..قِصَصهُم ..أمْسِياتهم ..كلُ مَا يَخصَّهم تَجِده هُنَـا..

[al-nido0o0]

شفتڪ
ولآ حطيت عيني بعينڪ
خايف عيونڪ
لآ تنادي عيوني
وأخضع وأنا عندي خضوعي بيدينڪ
أڪبر مصيبة في معالم جنوني
يا نور عيني لآ تبين حنينڪ
ڪلن يهون إلآ أنت لآ ما تهوني
ودي بقربڪ
بس ويني و وينڪ

جور الليالي صار دونڪ ودوني
أبعد في أمان الله والله يعينڪ

قلبي على عهدڪ
حشا لآ ما يخونڪ


ونين قلبي لآ ما يعادل ونينڪ
همي ڪبير وغير الوقت لوني

أهين ڪل اللي يفڪر يهينڪ


حبڪ
يداعب خافقات الشجوني
هذي يميني حطها في يمينڪ


وهذي ديوني وأنت عطني ديونڪ



والله نسيت مين شاعرها الظاهر انه فهد المساعد أو البدررررر

[al-nido0o0]

للشاعر عطالله فرحان

يارقيق المشاعر وين راح الحنان
ليش ماشلت قلبٍ طاح قدام عينك؟!
الزمن هو زمانك والمكان المكان
وآخر الشعر كلمه تسألك عنك وينك ؟!
من تهقويت صوتك سولف الزعفران
عاد وشلون فنجالٍ تمدّه يمينك؟!
تذكر شلون كنا والغلا كيف كان
يوم لاغبت عنّك ماأسمع الا ونينك!!!!
أشعر بخوف مدري كنت أحس بأمان
يكفي إن جيت يمك طار فيني حنينك!!
إشكثر كنت وافي واقرب الناس خان
بس اثق فيك حتى لو عيوني تدينك!!!
راحت سنين من عمري وعمرك ثمان
يوم شحت سنيني عوضتني سنينك!!
زان عمري بقربك يعني الوقت زان
حتى جرد القصايد ربّعت في يدينك!!
طول عمري وانا لاوي ذراع الهوان
شفت يومك بعيني منهو يقدر يهنيك؟!
ماأذكر إني نسيتك وأذكرك من زمان
وأذكر إني ضحية بين قلبي وبينك!!
تدري وش جابني لك لا تقول الحنان
جيت أبشيل قلبٍ طاح قدام عينك!!

[al-nido0o0]

للشاعر ناصر القحطاني

الله اللي راد والعقده قضاها اللي عقدها لا على الدنيا سلام ولا لباقي العمر زينه
الفضا ماكنه ألا خيمةٍ طاحت عمدها والفرح ما كنه ألا شيخٍ أنقصت يدينه
والعمر قطعة زجاج أنكسرت ولا طال أمدها والعرب في العيد بدموع اليتامى مستهينه
والشوارع لفها ثوب الظلام اللي هجدها والبيوت أطلال من عقب المحبه والسكينه
والشتا واليل والبرد وسما يصرخ رعدها والعيون اللي ورى الشباك مذعوره حزينه
طولوا في الكهف الاصحاب وبقت روحي وحدها كنها في كوكبٍ ثاني خلا من ساكنينه
الوداع اللي بعلم العين يعبر من رمدها والوداع اللي بلا علم القفص صدري غبينه
والوداع اللي بلا رجعه علي أمر وادهى والله أنه غرغرت سم وسكاكينٍ سنينه
والعنود اللي جفيت الناس والدنيا بعدها مدت الفرقا لغاليها وهي تعطي الثمينه
وينها كيف تركتني ليه ما حت في وعدها والقمر لاطل خابرها تجي بيني وبينه
رحت أنادي واتلمس في مهب الريح يدها كني حصانٍ بلا صاحب طوى البيدا حنينه
رحت أصيح الصبح وينه والعرب ما رد أحدها ما سمعت إلا صدى صوتي يقول الصبح وينه
كنهم من يوم ذيك الشمس غابت عن بلده ا طلعوني في النفود وصكوا أبواب المدينه
كنهم من يوم ذيك الذاهبه محدٍ وجدها كل رجال من الشرهه قلع فالدرب عينه
أثرها ماتت وماتت كل فرحه في مهدها والربيع أقفت به اللي كانت التاج لجبينه
جاورت عقب الحدايق حفرتٍ مقسى لحدها حفرةٍ ماني مصدق كيف ضمت ياسمينه
للحزن فيني مثل ما لطهاره في جسدها ويش أسوي لافتشت اللي لها وسط الخزينه
زخرفت حلم وبنت له مسكن وسمت ولدها أه لو غرد ولدها في خميلة والدينه
عاهدتني وظفرت بيمينٍ أقوى من عهدها والصبي لا خير فيه أن كان مانفذ يمينه
ماتثقى عن رثاها عرقٍ أكتظ بشهدها ولا بقى خلف جدران الجفن عذرى سجينه
كيف عند العالم أيام العرب ما حصى عددها ولا أنا طالت شهوره والله أعلم كم سنينه
لا الثرى فيها نبات ولا المشي خفف نكدها لا السما فيها طيور ولا البحر يمه سفينه
لا القمر هذا مساه ولا العصي هذا رغدها لا الزهر هذا شذاه ولا الذهب هذا رنينه
قالوا الشيخ الفلاني مرجع القوم وسندها قال يبشر بالعوض والعلم جينا ناقلينه
ساق لك بدر البدور اللي نشدها من نشدها جادلٍ هزت عروش وخيبت روسٍ ذهينه
قسمها في جسمها في رسمها الا في رشدها واسمها ان جال الغضب قومه على الألسن رطينه
أترك الناي وعطية شيخنا عن لسعدها وانبسط ياعم وأنسى اللي ورى التربه دفينه
قلت ولصدري تناهيت تروع من شهدها آه واويلاه من يجلب على صدري غبينه
خلوا أغلى ذاهبه ترعى ربيع اللي فقدها والعطا راعيه محدٍ صوبه الله لا يهينه
لو ظمنت الجنه و تفاحة القلب وشهدها قلت من بكره عسى مجنونها تاقف سنينه

[al-nido0o0]

ناصر القحطاني






النسا روح المسا

والليل لو فكر يبات

كان ما فيه أغنيات

وكان ماله ذكريات

وكان ما فينا عظيم

ومال أمانينا حليف

وما بنا قلب وليف

ولا لنا قصد شريف

النسا نصف الحياة

الا النسا كل الحياة

آه يا أسرار الخوات

آه يا أحلام البنات

آه يا الطيش الطفولي

آه يالحسن الشفيف آه يالعشق العفيف

آه يالجنس اللطيف

علّمن حتى المرايا والشبابيك اللغات

والرسايل والدواة

صارت أعذب مفردات

كم بكن وانكف مبصر واضحكن وابصر كفيف

ورمشن واهتز سيف

وهمسن وامتد ريف

كم غدن لاخوانهن عزوة صناديدٍ عصاة

بين صفق المرهفات

وبين ضبح العاديات

طاحت أشناب وكراسي وانطلق دمع ونزيف

واعتلا الخف المنيف

والمقابر تستضيف

النسا ضلعٍ عوج لولاه كل العدل مات

مالهن عنا فوات

ومالنا عنهن غناة

تبرق الدنيا على يديهن ويغرينا القنيف

نطمع بتكريم ضيف

وناقف بيوم عصيف

النسا بحر على موجه منايا وأمنيات

والنسا مركب نجاة

نسأل الله الثبات

هن لباس وهن فراش وهن معاش وهن رغيف

إن فتك جوعٍ مخيف

وإن حدا الرجال حيف

النسا حتى شراب الجنه العذب الفرات

تحت ماطى الأمهات

يالهن من مكرمات

كل ما عود بنا الكد أقبل ابن آدم ضعيف

له ورا البيبان طيف

مثل نسناس المصيف

في بلادي يحسبون ان النسا متخلفات

في الضحى مستعمرات

وفي المسا مستوطنات

ما دروا عن هالبيارق شمخ العرض النظيف

فزعة الدين الحنيف

شجرة العز الكثيف

غادة وسجادة وكفين وحجاب وصلاة

من صبايا محصنات

من عروقٍ طيبات

أطهر من ألفين منظر كلها فتنة وزيف

في رجا الصبح الكسيف

واجرة الليل السخيف

كم مكانٍ يعرض أعراض آنسات وسيدات

والهوى له بايعات

والغلاف وله فتات

والحسن تشبير عنق وطولٍ وخصرٍ نحيف

وشي ما ينشاف شيف

لاجل الأول والوصيف

شهب تشابه رسوم الشاشة المتحركات

مال زمتهن طرات

و لا لهن ملح وحلاة

لا ربيع فيه خير ولا به الا بروق صيف

والشتا ما به رفيف

يحيي أوراق الخريف

لي مناحل لي خلايا كلها سكر نبات

لي حصونٍ ناعمات

لي غصون شامخات

لي قوارير ملاها العقل والدم الخفيف

خلفها العمر الكليف

ودونها الحد الرهيف

يا زمن وش جاب حلوى غلفوها بالعباة

جنب حلوى للمشاة وللغبار وللشتات

شف بدل ما هي لواحد صارت لجمعٍ لفيف

كيف أنا اخبرك كيف

شوفها فوق الرصيف

[al-nido0o0]

للشاعر طلال الرشيد الله يرحمه

مشتاق ومضنيني الفراق

يا عيونها خذي من عيوني تعب واعطيني من جفنك فتور

وابكي علي لو بالكذب مليت بك طبع الغرور

يا عيونها مشتاق وللدمع مع جفني عناق

مشتاق ومضنيني الفراق

يا اجمل الخود كنت الامل وانتي الوعود

وهجرني من هجرتيني دفا بيتي وانا فبرد الشتا موعود

ايا مسكين يا قلبي انا ماشي وهو يلتقت لك عود

ايا مسكينه يا روحي تحب اللي يعذبها و يزيد صدود

وحشتيني كثر ما خانني هذا الزمن واكثر وحشتيني

احبك حب اكبر حيل من كلمة احبك واسألي عيني

يا اقرب من نظر عيني لعيني

يا ابعد من حنانك عن حنيني

امانه كيف تنسيني؟

وانا من ليلة التوديع الين الحين احس ايديك بايديني

[al-nido0o0]

طلال الرشيد

علمتني وشلون احب

علمني كيف انسى

يابحر ضايع فيه الشط والمرسى

علمتني وشلون احن

علمني كيف اقسى

سير علي بس امسح دموعي وروح

سير علي جب لي معك قلب وروح

سير علي اذا تذكرت الجروح

ياطاغي النظرة خطا

تجزى بهالبخل العطا

وانا اللي اهديتك أمن عين وجفن

هذي فراش وذا غطا

ياجرح من وين ابتدي

وانت معي من مولدي

وعيت يدي على وداعك تهتدي

بس انت علمني الجفا

دامني عجزت اعلمك كيف الوفا

علمتني كيف السهر ونسيتني الممسى

علمتني وشلون احب

علمني كيف انسى

[al-nido0o0]

للشاعر المنادي (سعد آل سعود

انا انسان مع نفسي قبل لااكون معاك انسان لي مبدأولي نظره تحكمني قناعاتي
احاسيسي حقيقه ثابته بالوصل والهجران انا طبعي اذا حبيت احب بكل حالاتي
منادي والندانابع من الوجدان للوجدان اذاما ينطق احساسي حديثي يشبه سكاتي
غموضي في الهوا تصريح وسره يفضح الكتمان ونظرات الوله والوجدهي اجمل عباراتي
ولااجامل باحاسيسي ولا اقبل في الهوى احسان ولا للمصلحه يا سيدي دور بعلاقاتي
ولو الغي شعوري مابقى لي صاحب ولا خلان يرافقني على مر الزمن جرحي ودمعاتي
احب الصدق واعمل به كسبت اوكنت انا الخسران ولو صدقي يخسرني تشرفني خساراتي
رفيق العمر لو تجفا نبض الحرف والشريان اذاماغصت باعماقي متى تفهم معاناتي
علىكثرالخطا غافر ولا اغفرغلطه الخوان جزاه الصدوالفرقاولو عاندت رغباتي
ولولاالعفوما اخطينا ولا نحيابلا غفران خطايانا دليل انابشر ومنا الخطا ذاتي
على صدر الزمن بكتب شعوري موعد وعنوان تعرف الشوق لو فتشت عن سر ابتساماتي
اذاكان الهوى نعمه بحطك نعمة الرحمن واذا كان الهوى غلطه بحطك كل غلطاتي

[al-nido0o0]

غناها عبدالله الرويشد بس الشاعر ماني متأكده مين؟؟يمكن فهد المساعد

تصور لو خلت هالديره من عينك ولا تعــــــــود
ينبت عليها الحزن واصير انا كالعـــــــــــــــــود
شوف الالم ما برح في مهجتي والعيــــــــــــــن
طيرني مره بفرح خلني الاقي عيــــــــــــــــــــن
تروي عطش دمعتي يكفيني طول البيـــــــــــــن
لا عدم صوتك ولا خلا منك مكــــــــــــــــــــــان
يا احلى ايام العمر يا اغلى كلمه في الصــــــــدر
شوفت عيونك منيتي لكنه مو بيــــــــــــــــــدي
لا ما ابي عمري يمر من غير صوتك يالبـــــــدر
شوفت عيونك منيتي لكنه مو بيــــــــــــــــــدي

يا فلان ياللي مطر صوتك على بابــــــــــــــــــي
انت السما ودنيتك اكبر من عتابـــــــــــــــــــــي
تصور لو خلت هالديره من عينك وش اشـــوف
ينبت عليها الحزن واصير انا في غيبتك كالعـود
لا عدم صوتك ولا خلا منك مكــــــــــــــــــــــان
يا احلى ايام العمر يا اغلى كلمه في الصــــــــدر
شوفت عيونك منيتي لكنه مو بيـــــــــــــــــــدي
لا ما ابي عمري يمر من غير صوتك يالبـــــــدر
شوفت عيونك منيتي لكنه مو بيـــــــــــــــــــدي

يا فلان ياللي ضحتـك غنوة على عينـــــــــــــــي
تسألني كل البشر عن دمعتي بعينـــــــــــــــــــي
تصور لو خلت هالديرة من عينك وش اشـــوف
ينبت عليها الحزن واصير انا في غيبتك كالعــود
لا عدم صوتك ولا خلا منك مكــــــــــــــــــــــان
يا احلى ايام العمر يا اغلى كلمه في الصـــــــــدر
شوفت عيونك منيتي لكنه مو بيـــــــــــــــــــدي
لا ما ابي عمري يمر من غير صوتك يالبــــــــدر
شوفت عيونك منيتي لكنه مو بيـــــــــــــــــــدي

[al-nido0o0]

وشلون ما اغليك

وأنت الذي علمتني حبك

يا هاجسي عشقي عيونك

إسأل وتلقى الجواب

في ناظر عيوني

تصوير لآجمل عذاب

حبك يا مفتوني

تلقي حياتي كلها لذة غرام

مهما سهر طرفي

أو جارت ظروفي

أو عشت أنا الحرمان

تلقى حياتي كلها لذه غرام

يا عذب الصفات يا كل الحياة

صبرك علي هذا قليل

مهما ترى من تضحيات

هذا قليل خل السهر لعيون من حبك

خل العيون اللي لها عشقي تبات

للشاعر مخاوي الليل

[al-nido0o0]

للشاعر سعود بن بندر الله يرحمه
كأنك على قولك تمنى لي الخير ساعدني أنسى حبك اللي خذاني
خلي حياتي تنقلب كلها غير وانسى الحبايب والزمن والمكاني
حبي لك أبلغ من كل الأساطير ما له بقاموس الهوى وصف ثاني
لا شك أنا أشعر بالنهاية وش تصير واحسب حساب فراقنا بالثواني
بيني وبينك واقع الحال تحذير وعند الموادع ما تفيد الأماني
عند خبر مثلي بحكم المقادير على هوانا صادر الحكم ثاني
كرهني بنفسك ولو بذنب صغير القى به اعذاري واعود لزماني
المشكل انه ما بدى منك تقصير وهذا يزود واقعك في كياني