آرائكم بخصوص معهد دايركت انجليش

[saadoony]

أنا خريج معهد دايركت إنجلش عام 2007 فرع السويدي والذي أستفدت منه الفائده الكبيره رغم غياباتي المتكرره المهم الذي أذكره أنهم يختبرون لغتك وبعدها يحددون مستواك لكن نصيحتي أبدأ معهم من المستوى الأول لكي تستفيد وتحسب لك كشهادة دبلوم المهم هم يعطون خمس حصص موزعه على أيام الأسبوع واللي هي القواعد والقراءة والمحادثه والإستماع وأخيراً الكتابه واللي ماهم مركزين عليها كثير المهم لا تفوت لا محاضره خصوصاً حصة اللاب (الإستماع) لأن جزء كبير من الإختبار يأتي منها وأنا من الناس اللي ما حضرت ولا حصه من اللاب وتحسفت لأن وقتها كان فيه إبتعاث للمتفوقين من الـ 95 وفوق كذلك لا أنسى أن سبب تطور لغتي هو كادر المعلمين وأفضلهم الملاح كمدرس للماده الأساسيه أما المحادثه كان فيه جنوب أفريقي و باكستاني وبريطاني أسمه يعقوب على مدار الست مستويات وفي النهايه أقول لكـ دش وأنت مغمض وأي إستفسار أنا تحت أمركـ.

[asim]

المعذرة أخي الحجازي للتأخر في الرد
أنا أخذت في هذا المعهد ثلاثة مستويات ( 6 شهور ) وأخذت الشهادة بتقدير ممتاز وأنا مستواي الحقيقي متدني للغاية
وأكثر المواد هنا في الجامعة يا الله بالستين أعديها .
طريقتهم تعتمد على تعليم نفسك بنفسك
يعطونك سيدي فيه مقاطع فيديو تشاهدها على جهازك في البيت
وحصة معمل على الكمبيوتر عندهم تشاهد فيها نفس المقاطع
وحصة مع المعلم يشغل لك نفس المقاطع .
وحصة المحادثة ما تستفيد منها لأنها جماعية والأقل حياء ما يترك للمتعلم مجال .
وفي الأخير ادفع وخذ شهادة بدون فائدة .

العجيب أنني انشغلت عنهم بعد تخرجي من عندهم ظناً مني أن تخرجي يعني الحصول على الشهادة
وقلت الشهادة إذا فضيت مريت وأخذتها من عندهم
وبعد شهور مريتهم وقلت أنا تخرجت من عندكم قبل كذا شهر ولكن ما أخذت شهادتي والآن أريدها
فاخذوا في التحقيق معي , من الذي درسك وفي أي غرفة وكم جبت في الاختبار ومين كان مدير الفرع ومن هذا القبيل
قلت يا جماعة المفروض كل شيء مسجل عندكم اسمي فلان ودفعت مبلغ 6000 ومعي الفواتير اعطوني شهادتي
قالوا خلاص راجعنا بعد شهر لأن الشهادة تذهب إلى الرياض وتوقع من هناك ولابد من التأكد ( طبعاً أنا في الجنوب )
وخرجت من عندهم وبعد حوالي شهرين رجعت لهم فأعادوا علي نفس التحقيقات وقد تغير موظف خدمة العملاء واصبح أكثر جهلاً المهم سجلوا اسمي وجوالي من جديد وقالوا اسبوعين وراجعنا وبعد فترة اتصلوا بي واعطوني تلك الشهادة نجاح بنسبة 87% التقدير ممتاز ,, والدعوة لعب في لعب .
نصيحتي لا تدفع فلوسك إلا فيما يفيدك .

[السعيد 2009]

المشاركة الأصلية كتبت بواسطة asim المعذرة أخي الحجازي للتأخر في الرد أنا أخذت في هذا المعهد ثلاثة مستويات ( 6 شهور ) وأخذت الشهادة بتقدير ممتاز وأنا مستواي الحقيقي متدني للغاية وأكثر المواد هنا في الجامعة يا الله بالستين أعديها . طريقتهم تعتمد على تعليم نفسك بنفسك يعطونك سيدي فيه مقاطع فيديو تشاهدها على جهازك في البيت وحصة معمل على الكمبيوتر عندهم تشاهد فيها نفس المقاطع وحصة مع المعلم يشغل لك نفس المقاطع . وحصة المحادثة ما تستفيد منها لأنها جماعية والأقل حياء ما يترك للمتعلم مجال . وفي الأخير ادفع وخذ شهادة بدون فائدة . العجيب أنني انشغلت عنهم بعد تخرجي من عندهم ظناً مني أن تخرجي يعني الحصول على الشهادة وقلت الشهادة إذا فضيت مريت وأخذتها من عندهم وبعد شهور مريتهم وقلت أنا تخرجت من عندكم قبل كذا شهر ولكن ما أخذت شهادتي والآن أريدها فاخذوا في التحقيق معي , من الذي درسك وفي أي غرفة وكم جبت في الاختبار ومين كان مدير الفرع ومن هذا القبيل قلت يا جماعة المفروض كل شيء مسجل عندكم اسمي فلان ودفعت مبلغ 6000 ومعي الفواتير اعطوني شهادتي قالوا خلاص راجعنا بعد شهر لأن الشهادة تذهب إلى الرياض وتوقع من هناك ولابد من التأكد ( طبعاً أنا في الجنوب ) وخرجت من عندهم وبعد حوالي شهرين رجعت لهم فأعادوا علي نفس التحقيقات وقد تغير موظف خدمة العملاء واصبح أكثر جهلاً المهم سجلوا اسمي وجوالي من جديد وقالوا اسبوعين وراجعنا وبعد فترة اتصلوا بي واعطوني تلك الشهادة نجاح بنسبة 87% التقدير ممتاز ,, والدعوة لعب في لعب . نصيحتي لا تدفع فلوسك إلا فيما يفيدك .

صدقت والله نفس اللي حصل معي بالضبط من دون سالفة الشهادة

[ابو عسيري]

السلام عليكم
اخوي معهد دايركت انجلش اكبر نصابين خذ العلم من واحد مجرب مع العلم اني جاي عن طريق عملي
اسلوبهم في التدريس مره ما يجي والله العظيم درست فيه شهر كامل اللي هو مستوى اول كلها اللي يدرسونا حاجات يعني عاديه مفهومه والله ما تقول اني ادرس لغة انجليزيه يجيبون لك ذاك اللبناني يهدر على راسك ساعتين ما تدري وش الهرجه وبعد كل اربعه اسابيع اختبار ويجيبون لك واحد خال يتكلم انجليزي ما تدري وش يقول والله هذا المعهد اللي ماخذين مقلب فيه مدري وش طلباته بالضبط ولا فوق ذلك اللي يدرس بفلوسه يسوون له اختبار يشوفون كيف مستواه كذب في كذب واللي جاي عن طريق عمله يا ويله ويلاه يسقطونه عشان يدفع له عمله عموما الله لا يوفقهم ولا يجزاهم خير

[منتسـب]

انا درست بدايركت أنجلش سابقا وكان وقتها ممتاز والآن اسمع من بعض الاصدقاء يسبونه

عموما حاول تحرص عالمعلومه لان اغلب المعاهد هدفها مادي بحت

[الحجازي]

السلام عليكم ..

أولاً ، اعتذر بشدة عما بدر مني من الفاظ وردود لاتتناسب مع هذا الصرح الكبير،
ارجو حذف ردي السابق والردود الأخرى في الموضوع المتعلقة به..
ارجو ان تلتمسوا لي العذر جميعاً وكلنا واحد يارفاق..

[EXTERNAL STUDENT]

المشاركة الأصلية كتبت بواسطة الحجازي السلام عليكم .. أولاً ، اعتذر بشدة عما بدر مني من الفاظ وردود لاتتناسب مع هذا الصرح الكبير، ارجو حذف ردي السابق والردود الأخرى في الموضوع المتعلقة به.. ارجو ان تلتمسوا لي العذر جميعاً وكلنا واحد يارفاق..

كبير يالحجاااااازي

الأعتذار من شيم الكبااااااار

تحياتي لكـ

[الحجازي]

المشاركة الأصلية كتبت بواسطة external student كبير يالحجاااااازي الأعتذار من شيم الكبااااااار تحياتي لكـ

تسلم ياكبير
شكراً على تواجدك
ومعذرة مرة اخرى إن اسئت لأحد أو لمنتدانا

[الحجازي]

~ Sasy

نفس كلام الأستاذ في المعهد ، قالي لي بالحرف لازم لازم تمارس اللغة بأي طريقة في حياتك اليومية
استمع وشاهد المزيد من الأفلام والأخبار بالإنجليزية.. مشكورة اختي على اثرائك

yousef1

بارك الله فيك أخوي على النصيحة ..

موقع انجليش تاون من المواقع المعروفة والتميزة، ولكن للأسف حتى تستفيد من خدماته لابد من الدفع، انا مشترك فيه حالياً بشكل مجاني، واللي متاح لي هو مقالات عامة متنوعة مكتوبة بلغة مبسطة وجميلة، ومفيدة كثيرا.

مشكور على اثرائك


السعيد 2009
أخوي السعيد، شكراً على النصيحة ، والله من زيارتي للمعهد وما قرأته عنه تحمست للفكرة ..


saadoony
مشكور يالغالي على الكلام الجميل وإفادتنا بخبرتك، وبصراحة المسؤول في المعهد لم يذكر لي دبلوم او شيء من هذا القبيل كل اللي قال لي عنه هو أنك تحصل على الشهادة الشاملة ، لازم استفسر منه ... لكن المهم بصراحة عندي هو أن اتخرج وان متقن للغة الإنجليزية ولو بنسبة ماابين 60 إلى 70% والباقي يأتي لاحقاً..
بارك الله فيك أخي الكريم على اثرائك

[saadoony]

المشاركة الأصلية كتبت بواسطة الحجازي saadoony مشكور يالغالي على الكلام الجميل وإفادتنا بخبرتك، وبصراحة المسؤول في المعهد لم يذكر لي دبلوم او شيء من هذا القبيل كل اللي قال لي عنه هو أنك تحصل على الشهادة الشاملة ، لازم استفسر منه ... لكن المهم بصراحة عندي هو أن اتخرج وان متقن للغة الإنجليزية ولو بنسبة ماابين 60 إلى 70% والباقي يأتي لاحقاً.. بارك الله فيك أخي الكريم على اثرائك

أنا معي شهادة دبلوم معتمده من جامعة الملك سعود أخذتها خلال سنه كامله إذا قالوا لك تبي مستويات ولا دبلوم خذ الدبلوم لأنها الأفود لك كذلك لا تنسى نوعية المدرسين بالمعهد وحاول أنك تحضر حصه عندهم قبل ما تدفع الرسوم وتتوهق لأن بعض المعاهد سمعتهم سيئه عمومأ أستفسر منهم وعلمنا وش صار معك يا إبن الحجاز والله ولي التوفيق