هل قسم الاحياء سهل او صعب

[Aziza Yahya]

يب يب كلمات صعبه و صعبه و صعبه

صدقني مافي شي سسسسهل .. تبغى شي سهل لا تدرس شي =)

مافي شي صعب ومافي شي مستحيل ..أول ما دخلت المدرسه وانتا تتعلم الحروف الهجائيه كنت تتوقع إنك في يوم ممكن تقدر تقرأ كتاب ..؟!

أكيد لا .. وكل شي صعب في البدايه .. عادي مصطلحات وكلمات الأحياء ..تخص الأحياء طبيعي بالتعوّد والدراسه تصبح سهله ..

إذا إنتا ميولك أحياء وطب ووعلوم اتوكل على الله ولا تخاف و اشتغل على نفسك من ناحية الانجليزي
ادخل معاهد ، دورات ..لأن الدراسه انجليزي كلها .

و ربنا يفتح عليك يا بني .

[الحوق10]

يب اخوااني انا مااعرف شي في الانجليزي لو خيشت احياء اتعلم هناااك انجلزي ولا اخش دوره بعدين اخش احياء هاه

[دافئ الإحساس]

ياخي لا تخوف نفسك بالاسئلة دي

هادا صعب!!

هادا سهل!!

انجليزي ولا عربي!!

حمشي فيلو ولا لا!!

الدكاتره طيبين ولا لا!!

كيف حسوي في المصطلحات!!

لا تخوووف نفسك مررره

وبالعكس خليك ايزي

وحاول تعرف ميولك فين

لاي قسم انتا حابب

يعني انا لمن دخلت الكيميا الحيوية

تصدق بالله انو مافي احد شجعني ع القسم دا!!!

والكل يقولي اخرررج منو والقسم صعب وماراح تمشي فيي

وانا القسم عجبني الصراحه ومية مية الحمدلله

يعني كلووو راجع ليك انتا

انا اقدر اقلك القسم صعب

واعضاء غيري يقولولك صعب ترا زي السم اخسرك منو

وشفلك قسم غيروو

وانتا اصلن لو دخلتو حتمشي فيي وامكن كمان اعلى الدرجات

تجيبها في القسم دا

بالعربي انتا ادرس التحضيري وبس

ولا تفكر في شي

وشوف كيف مستوى المواد بالنسبه لك

وشوف ميولك وقتها واش اللي يناسبك واش اللي تكرهو

وربنا يوفقك

بالتوفيق للجميع