ممكن مساعده بسيطه من بنات كلية الفيصيله

[فــــــــــــــــرح]

أولآ ألف ألف مبروك قبولهم لدرجتك وإجتيازك الشرط
ثانيآ الفترة اللي فاتت مادخلت المنتدى كنت مشغولة ولا كان وفرت عليكي مجهود كبير
أنا لمن رحت أستلمت البطاقة ولمن رحت سلمت درجة الستيب مو في السكرتارية في المكتب اللي قداموا مكتوب على الباب إدارة الدراسات العليا أول ماتدخلي من باب الغرفة المكتب اللي على يمينك وحده شعرها اصفر هيا اللي عندها البطاقات والمكتب اللي قدامها هيا اللي تاخد درجات الستيب اسمها آمال
ترى بيماطلوكي مو صح إنهم لسى حيسولك البطاقة تراها موجوده عندهم في درج المكتب أنا رحت في القعدة أستلمت البطاقة وقالتلي دوبك تفتكريها قلتلها أنا مؤجلة الترم الأول وظروفي ماسمحت أجي قبل كده فتحت الدرج وطلعت البطاقات كلها مربوطة بمطاط ودورت على بطاقتي وأعطتني هيا ووقعتني قدام إسمي في كشف أسماء طالبات الأحياء
أما بعد إجازة الحج لمن رحت أسلم الدرجة أعطيتهم الورقة وبس ماكتبوا عليها الرقم الجامعي ولا شي ولا حتى وقعوني على ورق وقالتلي حتتغير حالتك في الأودس إذا ماعندك مواد تكميلية وفي فترة الحذف والإضافة قبل بداية الترم التاني أدخل على الأودس وأسوي الجدول مو أقل من 6ساعات ومو أكتر من 12 ساعه
اتمنى إني افدتك وسامحيني على الإطالة

[أنفاس مشرقة]

الله يسعد قلبك يآفروووحـــه مره افدتني
وانا الى الان ماخذت البطاقه ^_^

عادي مو مشكله أخذها بدايه الترم ..

بس مستغربه لو هي فرضا ضعيت ورقه الشهاده.. لنه مافي شي يثبت انها هي أخذتها .. واعتقد كمان شعرها اشقر ومليانه شوووي
مدري حسسسيت مافي جديه

الله يفرحنا ..