افضل استاذات ( ضريبية - زكوية - مراجعة 2 .........)

[تورللي]

الجوهره اختباراتها صح وخطأ بس رككككزي ولاتضيع علومك :) واختياري الدوري الاول والنصفي دخلت تعداد بس بسيط والنهائي كان مرره اسهل من الدوريات 40 فقره صح وخطأ و 10 ااختياري وتعداد بس واضح تجيبه .
...........

جربت استاذه صباح في زكويه شرح كويس بس اسئله موسهله, تتعبك ,الماده حلوه سهله وتنقصي فيها قههر ><

..........
حمديه اخدت معاها منشات وفقه الله لايعيدها من ايام الحمدلله انها عدت ><

اخدت مع رغداء ضريبية الماده سهله تفهميها لوحدك عادي واسئلة كمان سهله وواضحه ,

المنهج طويل حق الماده مرره ماتنفع مع حمديه

دا الي شايفتو لاني اخدت مادتين معاها ورغدا كمان اكتر من مره درست معاها وهي افضل من حمدية

[roro queen]

مين اخد فقه معاملات مع الجوهره كيف اسلوبها في دي الماده؟؟

[شعاع الألماس]

فوق لعيون الحلوين :)

[شعاع الألماس]

فووووووووووق :|

[ملاك السعودية]

بنات
كيف جوهرة في المراجعة ٢ ؟؟؟.
انا حذفت المادة السمستر اللي فات لانها نزلت معاها ؟؟؟؟

مشكلة المادة نظري وجوهرة تلعب في النظري

اتحفونا بتجاربكم معها ؟؟؟؟؟.

[ملاك السعودية]

احم احم نسيت ارد على صاحبة الموضوع

زكوية
أخذتها مع راوية عبيد. ..... جننت الشعبة ونجحنا بالبونس
ضريبية
رغداء شرحها حلو بس لازم تجيب سوال في الاختبار الشعبة كلها تحوس فيه وتجيب العيد

مراجعة 2
الى الان ما أخذتها وبين نارين ( صفية & جوهرة )

منشات
أخذتها مع حمدية .... بصراحة أعجبتني حمدية شرحها مشي حالك انتي تفهمي نفسك بنفسك بس الأسئلة سهله وعموما مادة منشات كلها قيود لازم تحفظيها زي اسمك



مالية 1
هيام .... ما أعجبتني لانها كانت مو متمكنة بالمادة تغلط كثير بالشرح بس الشئ الحلو فيها ان الأسئلة تكون نفس اللي في الملزمة بالأرقام يعني احفظي التمارين

مالية 2
اقبال خاطر إنسانة رائع. تشرح بضمير واسئلتها زي المنهج ما تغير وسهله

[Noha66]

مررة حوسة الجدول:(
خلاص باذن الله قررت انزل ١- ضريبية (حمدية ) << و جدا الله يستر :'(
٢- منشات مع سحر
٣ - مراجعة ٢ مع جوهرة
٤- زكوية مع صباح
٥- مالية متقدمة ١ (عزة شلبي ) <<< احد اخذ مع الاستاذة و جربها ؟

[MERoOo]

مالية متقدمة( صباح الغامدي - عزة شلبي )
صحبتي أخذتها مع عزة تقول الاسئلة سهلة بس المنهج تبعها ملخبط وكمان هلكتهم واجبات وفي النهاية ما اعطت احد كامل في الدرجات اللي في يدها ..
على كدا أشوف صباح أحسن لك ..
منشات متخصصة ( سحر الجبروني - صباح الغامدي )
الإثنين كويسين بس أنا أفضل سحر ..
ضريبية ( حمدية - رغداء)
أنا أخذتها مع رغداء وأشوف إنها مرة تمام في المادة وشرحها كويس بس أسئلة النظري حقتها تحتاج مرة تركيز ..
وصحبتي أخذت مع حمدية تقول الشرح مو مرة وفي النهائي جابتلهم سؤال مرة مو حلو ..
زكوية ( هيفاء - صباح الغامدي )
أخذتها مع هيفاء المادة اساسا سهلة واسئلتها حلوة بس اللي يقهر في هيفاء وصباح انهم ما يحاسبوا الا على الناتج النهائي حتى لو خطواتك صح ، وسمعت انو صباح اسئلتها دقيقة في زكوية ..
مراجعة ( صفية - جوهرة )
الله يعينك على الاتنين ماجربتهم ..

موفقة ..