أتمنى الدخول وابداء الرأي حول المواد والأستاذات ((طالبات إنتظــام))

[بدر العسيري]

اخذت الترم ذا 6 موآد :
1- الاحصاء النفسي 222 : ماده في البدايه صعبه خاصه وانا اكره اي شي فيه ارقام دكتور الماده الدكتور زكريا الشربيني دكتور من خلال ماتكلمت معه وسولفت لمن جاء علينا مراقب في اختبار الفسيولوجي انه انسان حبوب ودمه خفيف وشكلة جاي يساعد الطلاب ..

2- الصحة النفسية : ماده سهله وممتعه ما اشوف فيها صعوبه دكتور الماده الدكتور قطب عاد هذا مايحتاج اتكلم عنه ، انسان راقي بمعنى الكلمه وحفظ رقمي شكله من كثر ماني استفسر منه على طول على اي شي هههه

3- علم نفس الفئات الخاصه : ماده ممتعه وأستفد من تلخيص قود مان دكتور الماده الدكتور قطب ايضاً ..

4- التفسير الإسلامي للسلوك : ماده سهله وممتعه يستطيع الطالب رفع معدله من خلالها دكتور الماده الدكتور محمد حسن غانم ينطبق عليه ماينطبق على الدكتور قطب

5- علم النفس الإجتماعي : ماده فيها كلام كثير ويمكن يرجع السبب أني ماطالعت بالكتاب الا قبل الاختبار بيومين وكان بنفس اليوم اللي فيه الاختبار ماده علم نفس الفئات الخاصه لذلك كان فيه صعوبه في المذاكره.. دكتور الماده رئيس القسم خالد قيلوبي انسان احس ان سبب توتره وعصبيته هي كثره اشغاله بالقسم فلابد يختار وحده من ثنتين يارئيس قسم ولا دكتور ويكون عنده محاضرات لأني اخاف يتعرض لاامراض السيكسوماتي اللي هي امراض جسديه الناتجه عن الاثار النفسيه زي الضغط الـخ ...

6- علم نفس الفسيولوجي : ماده فيها حفظ نوع ما اللي دارس بالثانوي احياء اعتقد ماراح يلاقي اي صعوبه اضافه لأسئلة دكتور الماده المباشره والواضحه ، طبعاً دكتور الماده أحمد مصطفى دكتور خلوووق جداً

[pinks]

1/مهني -- مع د.رضيه الماده مره دسمه ويبغالها مذاكره و أسألة دكتوره رضيه منوعه مصطلحات عللي عددي عرفي بس عموما الماده من السهل الممتنع لو ذاكرتي كويس اضمني ال a+

2/المعرفي -- مررره الماده رفعت ضغطي هاذا الترم معلوماتها علميه بحته حتى لما اجي احل ابغى أكتب من مفهومي ما اقدر لاكن اخذتها مع دكتوره ماجده الله يسعدها مرررره تراعي في التصحيح و في جزئية المقالي تراعي كثير اسألة الاختبار كانت مصطلحات E و عربي و اختياري و قارني و عددي و التعاريف تجيبها مصطلحات ما تجيبها عرفي

3/التفسير الاسلامي للسلوك -- مره الماده حلوه وسهله اخذتها مع استاذه خلود خالد الله يسعدها أسألتها منوعه وسهله تضمني معاها ان شاءالله الa+

4/تدريب 1 -- الماده ممتعه اختبارات ونعرف كيف نطبقها (وكسلر و الـmpi و المصفوفات و توصيل الدوائر و الايزنك ....) اخذتها مع دكتوره مريم صالح برضوا الله يسعدها الماده معاها ممتعه و سهله

5/الفروق -- اختها مع دكتوره فايقه الاسأله تبع الاختبارات موجوده في المنتدى و تلاقيها برضوا مع البنات ملازم

وكذا خلصت هاذي موادي تبع هذا الترم ان شاءالله تستفيدوا و معليش طولت عليكم

[memo 21]

السلام عليكم ..
حابه انزل المواد هدي ايش رأيكم /
ثقافة 3 و فكر فلسفي و قيم المواطنة و مقدمة في العلوم ومدخل في الاحصاء ومدخل توجيه وارشاد
وتنصحوني اخدها مع مين وشكرا

[شروووووق]

احصاء نفسي مع استااااذه ايمان المحمدي مررا حلووووه سهله واسئلتها سهله وتراااعي
نمووو بعد مع استاذه خلوود مرررا عسسل ربي يسعدها اخلاق والماده سهله
مدخل مع استاذه ريم الحربي صصراحه انا مو عاجبتني اسئلتها دقيقه وما تاخذ ع المفهوووم حتى ولو كان صحح

[Loveless]

مدخل احصاء مع إيمان المحمدي : اصلا المادة سهلة و بالراحة فيها امتياز و الأستاذة أسئلتها حلوة و ما فيها شيء بس طيبة !

مدخل علم نفس مع ريم الحربي : ما انصح بهادي الأستاذة صعب التعامل معها في الدرجات احسها تصعب المادة و تكبرها و هي سهلة !! طارت مني كتيييير درجات معاها و ما اتوقع أخد معاها شيء تأني و ما تاخد بالمفهوم و أسئلة صعبة و لف و دوران !!

ثقافة ٢ مع رشا رجب : الله يسعدها دمها خفيف و طيوبة الأستاذة و أخلاقها عالية

تحرير كتابي مع سهير : اروع استاذة عربي على مر التاريخ ما راح اوفي بحقها مهما تكلمت ربي يسعدهاااا !! و اصلا المادة سهلة و بكل سهولة الامتياز المرتفع فيها !!!

علم نفس النمو مع أروى عرب : ما انصح بالاستاذة ما تسمع طالباتها و ما تشرح عدل الصراحة بس تقرا من الكتاب و اختباراتها صعععبه و ما تراعي :(

علم نفس اجتماعي من اسماء باصرة : أسوا مادة قابلتها في التخصص و الله يستر من الباقي !!! و كمان الأستاذة اسماء ما تراعي بصراحة هي حبوبة و كل شيء بس في الدرجات ما تاخدي معاها راحتك يعني درجاااتك تطيييير ايش الفائدة !! ما اتوقع اني أعيد الكره معاها أبدا !!

و بس بسألكم بنات ايش تنصحوني بالمواد اللي ممكن اخدها انا مستوى رابع ! محتاجة رأيكم بليز ضروري !! نفسي أخد ٦ مواد بس مني عارفه ايش أخد !!! ساعدوني :(

[بنوتة هلالية]

بنات فكر فلسفي ومقدمة ف العلوم والشباب وقيم المواطنه>>>مع مين اخذهم ؟
والاحصااء باخذو مع ايماان والاجتمااعي فيه وحدة اتوقع اسمها ريم الهويش يمدحوهاا فمادري مين جربتها
وابغى اخذ مادة تانيا تنصحوني ايش اخذ لانو باخذ الترم هادا 6 مواد

[their moon]

طيب يا عسولات أنا افكر اخذ ماده حره من قسمكم الرائع

ومحتارة بين مدخل الى علم النفس ـ ـ و ـ ـ مدخل إلى التوجيه والارشاد النفسي

أتمنى تفيدوني بأيهم أسهل والحصول فيه على a+ بلس أكثر

بالاضافة صورة مختصرة عن هالمادتين

وجزاكم رب العباد جنانه ونعيمه وتوفيقه

[[:مريــم:]]

المشاركة الأصلية كتبت بواسطة their moon طيب يا عسولات أنا افكر اخذ ماده حره من قسمكم الرائع ومحتارة بين مدخل الى علم النفس ـ ـ و ـ ـ مدخل إلى التوجيه والارشاد النفسي أتمنى تفيدوني بأيهم أسهل والحصول فيه على a+ بلس أكثر بالاضافة صورة مختصرة عن هالمادتين وجزاكم رب العباد جنانه ونعيمه وتوفيقه

طبعا يفضل تاخذي مدخل علم النفس عشان الاي بلس بالراحة <<< يعطيك معلومات عن علم النفس بشكل عام (تاريخه - مدارسه - بأيش يهتم الانفعالات السلوك والدوافع) المادة مرره لزيزه وسهله طبعا لو مع أ. دلال موريا كويس لانو الكل بيمدحها وانا ما جربتها

مدخل توجيه وارشاد <<< مادة تخصص ومو مادة حره الا لو غيروا الترم دا الله أعلم / يعطيكي نظريات الارشاد النفسي الي نستخدمها مع العميل (المسترشد) وأسلوب دراسة الحالة للمسترشد وكيف نطبق الارشاد عليه والمادة حلوه عموما واخذتها مع أ.حنان الشعفل زماان لوول

[their moon]

المشاركة الأصلية كتبت بواسطة [:مريــم:] طبعا يفضل تاخذي مدخل علم النفس عشان الاي بلس بالراحة <<< يعطيك معلومات عن علم النفس بشكل عام (تاريخه - مدارسه - بأيش يهتم الانفعالات السلوك والدوافع) المادة مرره لزيزه وسهله طبعا لو مع أ. دلال موريا كويس لانو الكل بيمدحها وانا ما جربتها مدخل توجيه وارشاد <<< مادة تخصص ومو مادة حره الا لو غيروا الترم دا الله أعلم / يعطيكي نظريات الارشاد النفسي الي نستخدمها مع العميل (المسترشد) وأسلوب دراسة الحالة للمسترشد وكيف نطبق الارشاد عليه والمادة حلوه عموما واخذتها مع أ.حنان الشعفل زماان لوول

تسلمي يا قلبي

الله يسهل لك كل اللي تتمنيه يا رب ^^

[DR.ROMA]

بناااااات نزلو النمو مع ريما الهويش لو سمحتو لو احد اخد معاها يقولي كيف اسئلتها و اسلوبها و المادة سهلة ولا لأ ؟؟؟
و بالنسبة ل د نسرييين في الارشاد ام منال كيال ؟؟