هل يوجد ترم صيفي هذه السنة ؟؟!!

[وسيم الإتحاد]

أهم شي إذا يبغوا ينقلونا هناك لا يسووا حركتهم المتخلفة إللي مشهورين فيها ,,,,

أتمنى إنه ما ينقلوا أي شي قبل ما يخلصوا المباني الجديدة بالكامل وخصوصا المواقف لازم تخلص أولا بعدين خليهم يسووا إللي يبغوا يسووه

أما بخصوص الترم الصيفي (( وكعادة جامعتنا الموقرة )) ما تقدر تعرف إلا قبلها بكم يوم فقط ... أما إنك تقلي تبغى تخطط من دحين >>>>> انسى الفكرة دي تماما وشيلها من راسك (( دامك طالب في عزوز ))

[mo0o0di]

ااما بيحطو البنات هناك طيب والي يبغى يروح المكتبة المركزية يقدر هع
المهم انا سمعت انو بس 60 طالبة معقولة على 60 طالبة يحطو المكان لهم احس الموضوع شوية فيه شكك
بس ربك يعين دحين البنات يدخلو في قسمنا ويطفشونا بالاسئلة الطفشانة حقهم
وبالنسبة للعمادة ان على كلامك مستقلة شي حلو بس اهم شي نكون هناك مو يكون عندنا ماث يقولو تعالو مبنى 44 عزا الله اخرج ما احصل موقف
وكمان سمعت انو البنات بس كهربة وصناعية مزبوط ؟

[Mr-Ammar]

في صيفي بازن الله ونزل في موقع الجامعه عماده القبول والتسجيل ..في المواعيد والتقويم

حتحصلو انو الترم الصيفي راح يبدأ من تاريخ معين ماني فاكرو دحين ...

وحكايه انو ننقل غالبا ما حيكون في الصيف ... والي بيسئل عن النقل يروح لوجدي وزان هو عندو الخبر

[Majest!C]

فيه ترم صيفي

[A.J.R]

يوجد ترم صيفي

[vip man]

المشاركة الأصلية كتبت بواسطة zelme ارحمني يا كبير والله حماس لو نقلونا على هناك << مباني جديدة وحلوة وعلى الاقل تحس انك مهندس محترم ولك قيمة

يا شطور يا بطل رح خذ لك فله عند العماده الساعه 8 الصباح وشوف القرف كيف

اما مكانننا الحين اجي من الخط السريع واواقف في الشارع كأني داخل مدرسه واذا حبيت ادخل تكون الكليه اقررررب كليه واقرب مواقف

ومباني الكليه الحين والله احسن من المباني الجديده الكئيبه عندنا نخل وورود حول المباني

لاكن لو تبغى تروح عند مباني العماده يبغالك 10 من البوابه للمواقف و5 دقايق تدور موقف

وحتتذكر كلامي اذا نقلونا

[zelme]

حلوة النخلة والزهزر حسستني في سابانيا عايش

وصادق والله ، كنا نعاني من زحمة الدوار ايام السنة التحصيرية معن اني كنت اروح بدري

لكن الله يكتب اللي فيه خير لنا اجمعين